لا أدري إن كنت قد أسأت لأحد بردي ..ولا أظن أني أسأت بحق أحد..
فعذرا ممن أشعره ردي بذلك..
إما مشيئة الله فلرحمته سبحانه بنا فقد ربطها بمشيئتنا لكي لا نركن لواقع مؤلم نخطه بايدينا..
وهذا أمر يجعلنا مكلفين بخياراتنا ..
ونحن دائما نتوجه لمولانا بقولنا
"اللهم إقسم لنا الخير_وكل ما عند الله خير_ وأرضنا به"
وتبقى آرائنا لنا ولمن يوافقنا بها ..

الهدف هوي التكامل والنجاح والسعادة ل شخصين

بيجوز انا خليه يترك كتير شغلات  وهوي يخليني اترك كتير شغلات طالما ها الشي بينصب بخانة تحقيق مصلحة مشتركة ( بعيدا عن هدف شخصي او انانية معينة)

عهالاساس مافي قالب محدد صالح لكل التجارب

كل تجربة الها ظروفها حسب ال 2 حالتن طريقة تفكيرن بيئتن  ثقتن ببعض وبا المستقبل او تشكيكن فيه

موضوع حلو شكرا

طبعا هاد الشي مرفوض تماما لانو الشخص الو بدوا يرتبط فيني لازم يكون مؤمن بضرورة استقلالي ومع حقوق المراة لانو انا ما تعبت من شان اخر شي يجي واحد يخليني بالبيت   

السلام عليكم
هلأ أنا بصراحة بصراحة ما بحب حدا يشترط عليي أي شي وبحب البنت تضل محافظة على شخصيتها والشب محافظ على شخصيتو ويحترمو بعض

هلأ إذا كان الوضع بحاجة لمساعدة من الطرفين فأكيد رح أشتغل وساعدو أما لما يكون الوضع مرتاح وما في داعي فهون بيرجع الموضوع إلي
يعني لما بقرر أترك الشغل هاد قراري والموضوع بخصني أنا وما حدا بيحقلوا يجبرني على تركو
بس طبعاً باستثناء بعض الحالات الخاصة
مثلاً إذا كان في تقصير بجانب البيت أو تربية الأولاد فهون ببحقلو يطلب مني أترك شغلي أما غير هيك هاد قراري

شكرا كتييييييير لكل التفاعل اللي اجا عالموضوع..

عنجد شكرا كتير و بالأخير بحترم كل الأراء أكيد...

بتمنى انو اللي عندو اي شي يضيفو ما يبخل علينا...و رأيي صرتو بتعرفوه

اذا كان هدفو الحرص على راحتها مو فرض رايو عليها فهاد شي ايجابي بس الاجبار بمعنى انا او الشغل بيدل انو شخصية متسلطة ومتحكمة وساعتها ما بتوقع انو عريس ممتاز بشخصيتو يمكن بمؤهلاته
شو يعني"نحنا ما عنا بنات تتوظف بشهادتها"

بالنسبة الي الشغل لا تنازل عنه ما بقدر حس حالي بالبيت وبس بطق
الشغل استقلالية مادية واحتكاك مع الناس وخبرات اجتماعية
وشخصية قوية لتتعامل مع النماذج المختلفة من الناس
ودراستي اكيد مو لعلق شهادة عالحيط خصوصا لطالبة جامعة
(يمكن في بنات بيستهويها هالنمط تدلل وتعد بالبيت هالشي تابع لشخصيتها وما بقدر افرض وجهة نظري عليها متل ما انو الشب ما بيقدر يفرض)
اما في حال ما قدرت وفق بين الشغل والبيت ابدا فهي حالة تانية عسى انو ما اوصلها
الاولاد اولى في حال عدم التوفيق وساعتها مافي داعي اتظاهر اني سوبر وومن

بالنهاية المسالة اتفاق بين الطرفين في تنازلات معينة من البنت او الشب ليكملوا
وحسب طبيعتهن بيقدروا يحددوا الاشياء القابلة للتفاوض من الاشياء المبدئية اللي لا تنازل عنها
اسفة على الاطالة

باختصار ايه .......
لانو مافي أحسن وأفضل من عمل المرأة ببيتها وتربية أطفالها ........

بلحياة مافي شي أسمو بلمطلق
وبحياتنا حتى أحتمالين نعم أو لا صعب ومعقد
حاولت أني جاوب بس لقيت حالي مابعرف
وعندي قناعة الأغلب البنات يلي كاتبين ومتأكدين من خيارن رح يتغير مع الزمن ويتبدل متل مابتبدل الشجر وراقها
والسبب مو لانو المراة المتعلمة مالها رأي لأ بس الظروف الحياة صعبة ومامنعرف هل الواقع واقعنا رح يتركنا خيار
بحياة المرأة السورية خيارين فقط أو أحياناًبس خيار واحد
روغم أني حاولت قاوم وغير حياتي متل ماأنا بدي بس دايمن كنت عم أخسر حتى اني خسرت سنتين من عمري
ولما أستسلمت للظروف بس عشت حياة مابدي ياها ماخترتها
خايفة قول أكيد لأ حسب سؤلك وأختار أجابة بس خايفة مع مرور الوقت أرجع وأخسر ذاتي وكياني من جديد
جوابي سلبي أو معقد
سؤلك يمكن كتير سهل واضح والأجابة عنو سهلة ومع مرور الوقت رح تكتشفي أنو سؤالك صعب وماحدن عندو الجرأة انو يختار ويقاوم

اذا قررتي الارتباط و كان الشخص اللي بدك ترتبطي فيه اشترط انو تتركي شغلك و تعدي بالبيت...



يييييييي معناتا بيحبني كتير دخيل قلبو ...


بس يا جماعة فرضا هالحبوب هاد لا اله الا الله لسبب او لآخر ماعاد في يشيل مصروفنا



او بعيد الشر عنو ههههه عم دللو قبل ما شوفو قال ... خخخ مين بيعيل آآآآ



واذا عندها اخوات واهلها مناح معها



شو بدها تعيش سلبطة



اما اذا في شي بيأمن حياتي في حال صار شي من بعدو اوكي



بنترك شو علي بس مو قبل ما انهي الدكتوراة بعد التخرج ودرس بالجامعة 20 سنة زمان

ههههههههههه موضوعك حلو

الله عليكِ يا دموعة شو دمك خفيف

والله ماكان جاي على بالي أضحك وضحكتيني بالزور  ههههههههه




سلام