رد مشاركة : ساعدني يا زميلي لننجح من دون تكميلي ... ( 2 صيدلة )
اقتباس
والله ما رح تفتحوا غير بصيفية الخامسة... فليش اللبكة من هلأ.... ^_^
اليوم حضرت الملازمة للمرة الأولى ... بصراحة انبسطت لأنو كان د.بديع ... ما بعرف كتير بحترم دكاترة الصيدلانيات حتى لو ما بيحبو التكنولوجيا ((الميكرفون)) ... والشي الظريف أنو بمخبر التكنولوجيا اللوح لسا عالطبشور! بس يلا ما مشكلة كمان هيك منيح
وقت حكى تحمست وندمت ليش ما بلشت في ... الصفحات كتااار وبدهم كتابة كتير
بس كمان حسبتها وقلت لحالي من هلأ لوقتها إذا الله أحيانا بيكون صار بالدفتر العجائب يعني ما حيضاين كل شوي بقلم وخط شكل... بدو قعدة وحدة بس لا مانع من تحضير الأمور عدفتر مستقل قبل
بالذات الوصفات التركيب قلت من وين بدنا نجيبهم ... كل فترة قعدتي بالصيدلية ما مرق غير صبغة اليود (وهي بالأصل مارقة بالصيدلانيات)
كمان ما بتذكر بأي يوم بلشت ملازمة (تاريخ البدء بالصفحة الأولى) ... من أولها بدنا نبلش كذب وكسب ذنوب
... هو الحق علي ما حضرت المحاضرة السنة الماضية بس ما بعرف شو كان عندي وما قدرت وقتها
اقتباس
اي hope حبابة انا بدي ياهن .. ليكي انا رح جيب لابتوبي يوم الأحد ..بس مابعرف كيف بدي شوفك .. والمشكلة انو محاضراتنا من ال9 لل6 .. على كل حال ازا ما ظبطت الأحد بظبطها الاثنين .. بس مابعرف وين نتلاقى ؟؟
تكرم عينك
... إذا بتقدري منحاول ندبرها قبل الـ9 لأنو أنا كمان ما بعرف مشان دوامي بس بحال طلع عندي فحيكون عملي من الـ9 للـ3
عفكرة أنا وW.l.a التقينا بالصدفة وبدون ما نتفق سبحان الله ... رفيقتها بتكون رفيقتي وكنت عم حاكيها فإجت سيرة المنتدى وطلعت هي هيه ...
مشاركاتك قربو يصيرو بيخولوكي لترسلي رسائل ... بعتيلي فئتك أو أسمك وإن شاء الله يا بكون بعرف حدا بتعرفي (لأنو ما شاء الله صرت بعرف كتير من دفعتكم
) ... يا بتعرف عليكي وقت يصير دوام
اقتباس
بس والله حسيت بالذنب
لك والله حرام الدكتور قدير كتير وهاد أسلوبو بالإعطاء ودائماً بيحكي بالفصحى ... يعني إلو زمان بالكلية ويمكن ما كان في مكرفونات ... بس إذا لاحظتي لما يهدو الطلاب بيصير الوضع طبيعي والصوت بينسمع ... بس لما كل واحد بدو يحكي بالمحاضرة فشي طبيعي الصوت ما حيكون واضح
وعنجد أي شي بتحتاجو روحو عمكتبو واسألو (وهو مختص بالصيدلانيات)... وحتى د.محمد عثمان كتير بيحب الطلاب يسألو ...