السلام عليكم

آسفة عم اتطفل عساحتكم 

هلا ...

حسب ما سمعت من رفقاتي أنو عأساس د.محمد عثمان حينزل نوطة ... فعحد علمي هو ما عم يعطي من نوطة د.جورج لحام ... "إلا إذا هو كان قايل من جديد أنو النوطة المطلوبة اللي حتنزل هي نفسها تبع د.جورج" 

ود.محمد ما من النوع اللي بيعتمد عمنهاج وبس متل ما قال Brilliant ... فلما يحكي شي ما موجود بالكتاب (بس أكيد ضمن الدرس تبع المنهاج) فبيجيبو بالامتحان

هلأ هالأسئلة نسبتها قليلة ... بس بالنهاية المكسب مع اللي عم يحضر ... وإلا شو بيفرق عن اللي ما بيحضر

السنة الماضية عملولنا الاضافات تبع نوطة د.جورج (بما أنو هو اللي كان يعطينا) ... بس ما إجا منها وقتها

فبرأيي إذا في محاضرات جيدة ... بتعتمدو عليها ... أو حضرو وكتبو معو

وإذا بدكم نصيحتي فحضرو لأنو متل ما قلت إن شاء الله المكسب معكم بالنهاية 

السلام عليكم ...

السلام عليكم....

hope

brilliant

شكرا كتير....  

بس مشكلتي اني ما بقدر احضر لا عضوية ولا صيدلانيات

مع اني كنت كتير حابة احضر عند الدكتور عثمان لاني حسيته فهمان...

لشوف كيف بدي دبر هالشغلة....  

بالفعل متل ما حكيت بريليانت
ومشان الحضور
ما بعرف ليش وقت أدرس لحالي بفهم أكتر
بس مع الدكاترة
ما بفهم بشكل عام 
حتى ولو الدكتور شغلة
بس بحس أنو وقت أدرس المحاضرة من ورق بركز أكتر من لما أسمع حدا عم يشرحها 
وهالشغلة كتير مدايقتني
خصوصا وقت أشرد
بس أبصر بشو 

بعدين هوب أنت منورة

السلام عليكم

مرحبااااااا بالدرّيسة 

شلونكن شو أخباركن؟

اي عنجد 
حتى أنا هيك حسيت !! 

عم تراودني رغبة بعدم حضور النظري كله 

السلام عليكم..

يا الله
انا ما عم احضر صيدلانيات
والمحاضرات يلي عم تنزل بالكشك كأنو فايتين يالحيط
وكمان عم ينزلو سلايدات بس عم حس انو السلايدات لوحدون ما بيكفو
و هلأ نزلت النوطة ..............
وما بعرف شو بدي  اعمل

السلام عليكم

شكراً جزيلاً

   

البركة فيكم ... يعني ما عم قول شي محرز

***

والله يا ولاء برأيي تعتمدي عشغلة وحدة بس

إذا عم تجيبي محاضرات خليكي عليهم إذا كافيين

إذا ما جبتي شي فجيبي النوطة واستعيري دفتر حدا عم يكتب وضيفي عليها الكتابة

السلايدات عند د.محمد مو كافية لحالها لأنو هي مساعدة للشرح لا أكثر

بس لا تشتتي حالك بين أكتر من مصدر ... يا نوطة (مع حضور) وهاد الأفضل ... يا محاضرات (اللي يفترض يكون فيها السلايدات)...

والله يوفقكم وييسرلكم ...