السلام عليكم ...

اقتباس

أنا ما بعرف اليوم كنت مو أنا بنوب حسيت حالي فاصلة ومأذية عالأخير

من ناحية الأذى اي ( بلا ما نحكي ) ...  

اقتباس

ثاني فحمات الصوديوم نفسو بيكربونات الصوديوم

اي نفسو 

اقتباس

وحمض الليمون نفسو حمض الأسكوبيك

لااا .. حمض الاسكوربيك هو فيتامين C ....

السلام عليكم ....

Citric acid هو حمض الليمون ...

بينما ...

Ascorbic acid هو فيتامين C

 

طيب 
اذا سمحتو  حدا مصور او كاتب عن حمض الليمون *_^

وسؤال تاني لو سمحتو
بعملية المزج منضيف الكميات الكبيرة للصغيرة ولا الصغيرة للكبيرة
واسفة على الازعاج

هههه
يسلمن بريليانت

ولاء الكميات الكبيرة إلى الصغيرة
مو
ومشان حمض الليمون
حتى الحل رضيانين فيه 

اقتباس

كيفكن كيف كان النظري معكن أنا ما بعرف اليوم كنت مو أنا بنوب حسيت حالي فاصلة ومأذية عالأخير ووقت يحكي الدكتور ما عم حس أني عم أستوعب حكي الدكاترة

هيهيهيهي .. لا تزكريني الله يخليكي .. عنجد اليوم كنا مقفلين تقفيل غير شكل .. لك أنا مو بس كنت فاصلة .. كانوا سايحين هالكم فيوز اللي بقيانين براسي من المرض والحرارة .. واجيتي انتي وكملتي عليي كتر خيرك يا قلبي   

كلو كوم ومحاضرة الحاسوب كوم تاني .. لوووووووووووول خلصنا ع الآخر قسما بالله الضحكة ما تفارق وشي والله العظيم خفت نتقلع برات المحاضرة .. منيح اللي استحملنا الدكتور والله لو كنت محلو لكنت قلعت حالي وقلعتك معي 
يا ربي اغفرلي .. ماعاد بدي اضحك بالمحاضرات مشان ما يضحكوا طلابي بمحاضرتي بالمستقبل (ازا اخدنا الدكتوراه يعني  )

هههههه
بالحاسوب جد ما شاء الله شفتي الطلاب القدام الكل مندمج وقت طلعنا سألت وحدة قلتلها شو الوظيفة
قالتلي ليش كنت معو
هدول شو قصتن 
أنا وقت ما صير معو بفصل وببطل أقدر أسكت ولساني بدو فرم 
والغريب لعبت أنا ورفيقتي
أكس * أو
وما كان حدا يفوز عالتاني
جد نحنا شغلات وشغلات
بس أن شاء الله ما منعيدها 


وصحي كيف الصيدلانيات
كانت حلوة بس ليش بحس الدكتورة ما بتعرف تشرح
تقول أعملو هيك وتعو حطلكن علامة
حسيتها فوتت الأمور ببعضها 

السلام عليكم ....

اقتباس

بالحاسوب جد ما شاء الله شفتي الطلاب القدام الكل مندمج وقت طلعنا سألت وحدة قلتلها شو الوظيفة
قالتلي ليش كنت معو

 

أنا بالعكس اول مرة بقعد ورا ...

وفهمت كل شي احسن من لما اقعد قدام ....(لانو كنت نام قدام )

بس في مشكلة ... انو ما بتشوف شي من الشاشة ....وخصوصا اذا الاضوية شغالة 

اقتباس

والغريب لعبت أنا ورفيقتي أكس * أو وما كان حدا يفوز عالتاني

لاتزكريني ....

السنة الماضية كنت العبها مع رفيقي بالفيزيولوجيا .... بعدين حملت المادة 
يعني صحي مو هي السبب .. بس يعني صار عندي عقدة منها 

   
بريليانت وأكس أو وبمحاضرة
لااااا
عاد أنا قلت هلأ بسمع بهدلة من بريليانت
أنو فايتين تلعبو مو
بس بسيطة بريليانت وأن شاء الله تكون أخر مادة بتحملها 

بكرا الثلاثا
وما أدراكم ما الثلاثا والله صايرة عم خاف منو
بدي أسألكن حدا سأل عتجربة بكرا شو الأسئلة
لأنو أسمي تاني أسم 

السلام عليكم ....

اقتباس

أنا قلت هلأ بسمع بهدلة من بريليانت أنو فايتين تلعبو مو

 

كانت مزح هديك المرة 

*************************

اقتباس

بكرا الثلاثا وما أدراكم ما الثلاثا والله صايرة عم خاف منو

والله خايف يصرلي شي بكرا من الروايح الظريفة تبع الكيميا ...

هديك المرة ما كان فيني شي وكنت حأختنق 

اليوم من الصبح معي التهاب بلعوم مدري التهاب لوزات مدري التهاب حلق ....

والله ما بعرف ....
وحاسة الشم لح تنعدم .....
وصوتي لح ينبح 

الله يعينا 

************************

اقتباس

حدا سأل عتجربة بكرا شو الأسئلة لأنو أسمي تاني أسم

I Dont Know