رد مشاركة : ماذا تقول لمن يخطر على بالك الآن ...
اقتباس
كمان هالحكي صحيح.... بس بتعرفوا شو.. لايمتى ممكن نضل عم نفكر بناس أساسا ممكن نكون خارج دائرة اهتمامها.. يعني ما عم نجيب لحالنا غير الهم والغم ووجع القلب.. ويا ريت على شي.. وإنما كلو عالفاضي.... برأيي خلينا ننسى بكون أحسن بكثير
هلأ بهالشغلة أنا عندي قناعة ما عم أقدر غيرها ... مقتنعة فيها من حيث المبدأ 100% ... بس وقت التطبيق بتناساها أو بلاقيلها تبربرات أحياناً وقت حس أنها مستحيلة
قناعتي أنو ما في حدا بيكون بدائرة اهتمامك وأنتي ما بتكوني بدائرة اهتمامو
يعني ما بتصور أنو في حدا ممكن يرتاح لحدا ... وهالحدا التاني ما بيبادلو هالشي ... والعكس صحيح بحالة عدم الارتياح
بس لما بجي للتطبيق بقول لحالي معناها أنا مخربطة بشعوري ... لأنو عالأقل ظاهرياً ما بيبين معك أحياناً وقد يبين العكس
بس بشكل عام لما تكون الأشياء حسية بعيدة عن المصالح فلازم تنطبق عليها هالقاعدة ... والله أعلم
والأكيد لازم ما يكون في تضييع وقت بالتفكير والحسابات ... يعني ينترك كل شي عالتيسير مع وجود حد أدنى من أحتمال أنو نكون مخربطين بشعورنا (هي من التبريرات اللي ما بعرف إذا منطقية لأنو متل ما قلت بغياب المصلحة إحتمال الخطأ قليل برأي)
ماذا تقول لمن يخطر على بالك الآن ...
بس يعني مجرد كلام عله يخفف علينا.... 
