شكراً لدعواتك اليوم انا كمان عملت هي الإجراءات ومنيح اللي تيسرت

الحمدلله انها انفرجت معكن اخر شي اليوم و منيح انو لسا في تسجيل عل الدبلوم يلا يلي ما لحق بيحسن يجرب حظو بعدين هيك خلصتيلي صحن الفول تبعي لك روز انتي و نوشة يعني اذا الصحن عمران و الله حيو بتروحو بتقضو عليه قضاء مبرما ؟؟

و يا ريت خلولنا شوية زيت مشان نتبارك فيهن مع الاكلة وصلت المجاعة تبع الصومال على مدرجات كلية الاداب

الله يفرج أحسن شي


صحي شفتي النومذج تبع فحص الكتابي تبع المعهد العربي و الانكليزي و الله شي بيرعب لحا بلش ادرس من اليوم ادعولنا ننقبل بشي شغلة مشان الله

و على الله أحسن شي

أخ سامي شو قصدك بنموذج الأسئلة العربي والانكليزي؟؟؟ ليش دبلوم الترجمة الو امتحان ولا قصدك على الماجستير؟؟؟؟؟ رجاءاً وضح وكمان من وين جبتو هذا النموذج ؟؟؟

لا مو قصدي عل الدبلوم لانو مالو امتحان عل المعدل فقط

قصدي عل الماجستير تبع المعهد العالي للترجمة و الترجمة الفورية موجود النموذج بالمنتدى نفسو بل الموضوع تبع المعهد العالي للترجمة ......

النموذج صعب و الله وانا هلئ عم ادرسو نصيحتي الك روز قبل ما تطرقي مشوار عل المعهد لانو صار بمبنى كلية الهندسو الميكانيكية على طريق المطار تشوفو نموذج الامتحان العربي و الانكليزي قبل ما تقدمي وراقك وشوفي اذا انتي اد هل الفوتة ولا لا

انا من جهتي مو خسران شي لح اعمل يلي عليي و الباقي على الله

خبرينا شو بيصير معك

سامي معلش تحط الرابط تبع الصفحة أحسسن لو سمحت؟؟ واذا بدكم منحاول نحل الأسئلة سوا ليه لاء....

امرك اخت روز بس ههههههههه ما بعتقد نحسن انا وياكي نحلو لانو بدها تنحل رقابنا ونحنا عم نصفن بهل الاسئلة الظريفة شي مخيف فعلا وهي هيي الروابط  :

اللغة الانكليزية
https://docs.google.com/viewer?url=http://www.damascusuniversity.edu.sy/ins/hiti/ar/images/stories/sample%20placement%20test.pdf

اللغة العربية

https://docs.google.com/viewer?url=http://www.damascusuniversity.edu.sy/ins/hiti/ar/images/stories/file0056.pdf

https://docs.google.com/viewer?url=http://www.damascusuniversity.edu.sy/ins/hiti/ar/images/stories/file0057.pdf

                   

شو هاااااااااااد لك قول دارسين أدب عربي مو هيك... مو بالأول لأعرف أقرأ بيوت الشعر لحتى أعرف أجاوب عليهم!!!

هههههههه لسا ما شفتي شي اخت روز على كل حال ما بدي ثبط معنويات الجماهير المبسوطة باشعار التخرج أنا نزلت كذا شغلة من الانترنت و طبعتن منها معجم الاخطاء الشائعة للعدناني و كمان للانكليزي و نزلت ديكشنري للبريبوزيشنز في حال انكسرنا بكم سؤال ما يروح علينا الباقي

و انا بحكم الحال بكالوريتي ادبي و كنت شاطر بالعربي عسى هل الشي بيساعدني شوي رح نزل كتب البكالوريا و الملخصات تبع الاعراب و الاستعارة و شوف شو فيي اعمل
بس هلئ عم اشتغل بل الانكليزي بس مليت شوي يومين تانيات بشتغل بل العربي ....

أي سؤال نحنا جاهزين

حلو كتير وأنا منزلة عندي ملفات مفيدة بي دي اف لقواعد العربي من شي سنة مرة وضعهم عضو بالمنتدى بس هلأ نسيت هنن بأي موضوع منشان هيك اذا ممكن من حضرة المشرفين اني نزلهون مرة تانية مشان تستفيدو منهم...  وكمان هنن بالعلامة الهم كلمة سر بس موجودة معهم...
بنزلهم غداً إن شاء الله
أنا بكالوريتي كانت ادبي كمان وكنت شاطرة بالقواعد والشعر بس المشكلة نسيتهم ع كل حال براجعهم,...  لا تنسى تركز بالعربي عالـ phrasal verbs لأنهم جايبين منهم
وبالتوفيق لكم جميعاً

برافو روز منيح انو عندك معلومات عن العربي من البكالوريا لك عم فكر ليش ما تجيبي كل شي مفيد عن الامتحان العربي و الانكليزي و انا بعمل نفس الشي و مندمجهم بموضوع واحد و هيك بيصير عنا موضوع متكامل عن فحص الماجستير بالمعهد .

بس المشكلة انو مالي شايف الجماهير متحمسة للفكرة و لا نحنا مستعجلين شوي ؟

بس الفحص السبت الجاية يعني ما عد في وقت زيادة اذا عجبتك الفكرة خبريني قبل ما نام مشان نطبقها بكرا .....


و الله يجعلكن من أهل الخير