و الله يا روز انا معدلي 58,71 تافه مهيك على كل عملت يلي عليي و الباقي على الله

و اذا ما طلعلي هون بركي بيطلعلي بالمعهد العالي ....... على الله أحسن شي

شو عم نسمع في سيرة اكلة فول بالجامعة ابئا لا تنسو تعملو حسابنا و ياريت تكترو الزيتات لاني بحبو الفول يكون مغرق بالزيت .

بالخدمة دوما

والله ياسامي طلعت حربوق اكتر مني ههههههههه لانو محسوبتك حملت حالها ورجعت عالبيت بعد ما قالو مافي تسجيل للدبلوم .... الله وكيلكن نزلت من الساعة 8 فتت عالشباك طار عقلي ماكان في غير 5 طلاب صافين عالدور .. ودرت وشي عاليمين قلت هدول يلي بالمدرج الرابع ليش هيك قاعدين متل سياخ اللحمة ههههههه قلت يمكن عندهن شي محاضرة هههههههههههههه المهم بيجيلك واحد متل اللوح وعلى صراخ وبهادل ومابعرف شو وسجلو اسمائكن وبيفوت موظف اجدب بدو يكتب اسماء الطلاب بيعد بيبلش من اخر صف ياحرام والطلاب يلي جاية قبلهن بيتسجل اسمها اخر الشي .. قمت حملت حالي ونزلت لتحت عالطاولة طبعا قاعدينلكن شي 3  4 متل لجنة التحكيم تبع أربز غات تالينت ههههههههههه ولك رح بوس ايديهن بس بدي اسأل سؤال عن الموزاي ماكانو يخلوني كان في (دكتور عربي ابن حلال مصفى ) صار يعيط ويقلي بتسألي بس يجي دورك الاسماء ......... لك بس سؤااااااااااال ياعااااااااااااااالم وخانئها لابتسام وقلها مابتردي على حدا قمت حردت وحملت حالي ومشيت بعد ماقالو مافي تسجيل للدبلوم .... بس السبت بدي ارجع لعندهن غص من عني مع انو كرامتي عم توجعني بعد هالذل هاد هههههههههههههههههه

روووووز حبيتبي حتى مسج مافيني ابعتلك .. ليش هيك حاطيني عالبلاك ليست :( :(
عكل حال انا هون .. اذا فيكي بعتيلي انتي ايميلك مسج

والله آسفة نوشة بس مافي مشرفين للأسف يعني هنن هلأ بسابع نومة هههه ما بعرف كيف فيني ساعدك؟؟  إن شاء الله غدا صباحا أنا بدخل على الصفحة واذا لقيت المشاركات ما انفتحت رح شوف المشرفين وبردلك خبر .. ماشي؟؟؟

طبعا رح أفتح مشاركاتك قبل ماروح عالجامعة لشوف اذا بدك شي انت اطمني وروحي نامي وتصبحي على خير

اوكييييتو ماااااااشي :) :) بس والله انا فتت بالحيط :S يعني ماعم اقدر لا ابعتلك مسجااات وحتى عم اكتب هووون ماعم يطلع .... يلا منحكي بعدين وانت من اهلووو

معليش نوشة بدك تتحملي شو بدك تعملي لانو نحنا من أهم صفاتنا الذوق  الرفيع بالتعامل مع الطلاب و خاصة وقت بيكونو محروقين عل التسجيل بتعرفي ما عنا شغلة غير ننشك بالدور متل سياخ اللحمة (عجبني هل المصطلح ) و نعد نتفرج على وجوه الوظفين الحلوة من جهتي كنت حشبهن بلجنة تحكيم سوبر ستار بس لقيت الفرق الشاسع لذلك خلينا على اربز تالينت أوزن هههههههههه

بتعرفي منيح انك رحتي لانو لو محلك اكيد كنت طلعت من عل الباب بعد ما شوف هل الصريخ هاد لا تنسي تنزلي اليوم و تشوفي شو الوضع و خبرينا عل المشاهدات يلي بتصدافك هنيك .

عم فكر ساوي مسلسل بيشبه بقعة ضوء من هالموضوع هاد شكلو فكرة دارجة و كتير اوريجينال فشو رأيكن هههههههههههههههههه

المعلم اب السيم بخدمة الطيبين

مرحبا جميعاً كيفكم؟؟؟؟؟

سامي :

إن شاء الله بيطلعلك اللي بدك يا وأصلا على كل حال الماجستير تبع المعهد العالي ما بدو معدل.. بس شو هاد يا سامي اليوم ما خليتلنا فول وحضرتك خلصت عالصحن لحالك ...  المرة الجاي على حسابك الفولات هههه

اليوم على فكرة كانت الجامعة شبه فاضية وما أحلاها والديوان مسكر والامتحانات فاتحة ومن هناك جبت اشعار التخرج وأخيراً..

نوشة:

زيدي مشاركاتك بروح اخفاء المشاركات... واذا عندك أي مشكلة احكي مع المشرف وسام مستعد يساعدك


طلاب اليوم سألتلكم عدة أسألة وجبتلكم ما يلي:

1- مصاري الموازي بروحو عليك اذا ما سجلت عالموازي
2- اليوم ما كان في تسجيل للدبلوم كان فقط للماستر .... والتسجيل غدا الأحد والاثنين وروحو لحقوا واكسبوها
3- المعهد العالي للترجمة الفورية يقبل خريجي الدورة التالتة للتسجيل لديهم على شرط احضار اشعار تخرج

وأي شي جاهزين وموفقين جميعاً

صحيح نوشة

بس مو تروحي هلأ وتكتبي أي شي بأي موضوع لتزيدي مشاركاتك!!!! لازم تكون ذات فائدة للطلاب أهم شي

               

مرحبا يا روز....انشالله بالتوفيق و  احلى بشارة الك هي انو رفيقتي اليوم قدمت على اشعار و استلمتوا  بعد تقريباساعة و راحت من سكرتيرة شؤون الطلاب بالطابق تحت الامتحانات و توقعوا عند نائبة العميد.....


دعواتي الك