الله يوفقك يل رب وينور يلي ببالك
بس لاتنسي تنزلي الاجابة على النت يعني لاتفوتي بالحيط (عم امزح)
بس خلص اليوم قررت أسجل دبلوم تأهيل تربوي لانو منيح لمهنة التدريس وانا حابب مهنة التدريس احسن من الشغل في الشركات وخاصتا بسوريا وخارج سوريا اما دبلوم الترجمة فهو خاص للعمل في الشركات والشغل في الترجمة لانو اليوم شفت رفيق رفيقي كان دارس دبلوم تأهيل ونصحني فيه وقلي انو في 13 مادة بالدبلوم منهم5 مواد أتمتة يالله منيح وشوفي يا روز انتي شو بدك تدخلي يعني قرري قرار حاسم بحياتك وأذا حدى منكن بدو شي سؤال عن الدبلوم التأهيل يسألني ولا يخجل ههههههههههه
لك اي اي اي اي اي اي اي دبلوم الترجمة ما بدو امتحان بس المعدل وهديك السنة طلبو معدل نظامي 69
نسيت اقول انا جبت الاجابة انو الواحد بحقلو يفاضل عالدبلومين بس بعد المفاضلة لازم يعتمد على دبلوم واحد واذا مسكوه عم يداوم بدبلومين بطردوه من الدبلومين
وشان التقدم للدبلومين بطلبين موازي وطلعلو الدبلومين بالموازي بروح عليه مصاري الدبلومين هيك قلي رفيقي ورفيقي متأكد من هاد الحكي 99%
                                بدكن شي!!!!
سلامي للحبايب...

مشكور أخ محمد عالمعلومات
انا برأيي انه الشخص يقدم للدبلومين منو خسران شي لانه في اشاعة انه السنة المعدلات اخفض من كل سنة
على كل حال الله يختار الخير

مرحبا للكل :
فهمت من كلامكن أنو دبلوم الترجمة مابدو فحص بس معدل , طيب أنا معدلي 65,23 ممكن يطلعي موازي دبلوم ترجمة ؟؟؟ اذا حدا عندو فكرة اديش طلبو للموازي السنة الماضية بلييز يخبرنا
مشكورين يا شباب وياصبايا

صح كلامك يا ورد
انا راح اقدم طلب نظامي للدبلوم الترجمة بس انتو بدكن تخبروني أيمتى التسجيل للدبلوم الترجمة بس مابدي اقدم طلب موازي للدبلوم الترجمة لانو بدي اقدم طلب نظامي وموازي للدبلوم التأهيل التربوي مشان اذا طلعلي الدبلوم تأهيل تربوي بالموازي ما أخسر مصاري الدبلوم الترجمة لانو انا بفضل دبلوم التأهيل التربوي على الترجمة







ومشان سؤالك يا راما يمكن ما يطلعلك بالموازي يعني اذا كان المعدل69 بنزلوه شغلة 3علامات يعني 66  بس انتي قدمي موازي (لانو في اشاعة ينزلو المعدلات)بس قدمي كمان دبلوم تأهيل تربوي لانو اذا ما طلعلك ترجمة بكون طلعلك دبلوم تأهيل تربوي يعني مشان ما تطلعي من المولد بلا حمص
انا معدلي 63.23 وانتي معدلك 65.23   شفتي الفرق والشبه

                شكرا للمشاركتكن والله يخترلكن الخير

السلام عليكم
1-ممكن تخبرونا اذا بلش التسجيل لدبلوم الترجمة والتعريب
2-اذا بقبلو الطلبات الشرطية ولا لأ
لانو  انا لحد هلأ ما نزلتي ولا مادة وبدي سجل مشان مايروح علي التسجيل
وشكرا

السلام عليكم .....

طلاب شو الأوراق المطلوبة للتسجيل بدبلوم الترجمة والتعريب ؟؟؟

وبلحق هلأ أعملهم اذا بديت ؟؟؟

اي بتلحقي تعملي الاوراق بس .....
ايمتى التسجيل للدبلوم الترجمة يا روز  خبريني بسرعة رجاءا

أحلى شي إني دايما بسأل السؤال وبعد بفترة ولما ما حدا يجاوب بروح أنا بسأل وبجاوب على سؤالي بالمنتدى وهلأ هيك حيصير

المهم التسجيل بدأ يوم الأربعاء

والأوراق المطلوبة هي:

مصنف أخضر دبلوم من عند الكشك اللي بالحقوق

صورة عن الهوية وصورة شخصية

اشعار تخرج او بيان معدل لخريجي الدورةالتالتة

بالتوفيق للجميع

السلام عليكم
بس لو سمحتو الي سؤال صغير
انا لسا باقيلي سنة لاتخرج بس سؤال عن الدبلوم دبلوم الترجمة او التأهيل التربوي شو مشان الحضور هل هو ضروري؟؟؟؟لانه هي صرت رابعة وبنزل بس بقدم امتحانات ما بحضر ابدا رجاء الرد مشان اعرف حطو ببالي او لا
وان شاء الله كل واحد يحقق اللي بباله

شكرا إلك يا روز بس ايمتى بينتهى التسجيل اذا بتعرفي جاوبيني واذا لأ بلا وكمان وين بدنا نسجل؟

على كل حال انا سجلت دبلوم تأهيل تربوي موازي بس يا ريت يطلعلي ترجمة

الله يخترلي الخير..............

ادعولي يا شباب وصبايا......................