اهلا فيكي اختي زهرة التوليب
اكيد مو متاخرة
بامكانك تخبرينا اي جزء بتحبي تقرئي برمضان
و قبل بيومين من الشهر الفضيل رح ننزل برنامج العبادة

شكرا على هذا الموضوع المميز والله نحن بحاجة للتذكير بهذا الكلام دائما وعسى الله أن يتقبل منا ومنك صالح الاعمال

السلام عليكم للكل
انا كنت مسافرة وهي رجعت
 بمسيكن بأنوار النبي العدنان انا قرأت الردود كلها وشفت انو في اعضاء  فهموني غلط وقت قلت انو بدنا نصلي  عالنبي  هادا الشهر ونستغفر (وقلت انو نستحضر روح نبينا معنا ) انا ما كان اصدي شي  بس انا كنت بقصد (اذكروني اذكركم)بس مو اكتر  انا اسفة اذا حدا فهمني غلط

ولا تنسو انو نحنا جيل مثقف  وواعي 

وعفون نسيت اشكر كل شخص ساهم وقرأ معنا  وانشالله يكون هذا العمل بميزان اعمال كل شخص ساهم وقرأ وساعد بانجاز هذه الختمات

سلمت الآيادي وسلمت الافكار

اخي الكريم انا هوون جاهزة  لاي جزء قراءة من القران

الحمد لله المواد يلي حاملتها قليلة وما بتفرج عالتلفاز

شوف شو بتعطيني اجزاء وانا بحملهن وعلى الامانة

جزاك الله خيرا وجعله في ميزان حسناتك

شكراً إلك أخي خادم رسول الله

أنا جاهزة ان شاء الله لقراءة أي جزء بتعطوني ياه (ما عرفت أنو جزء اقرا لانو شفت الجدول مليان ماشاء الله)

الله يجزيكم الخير

السلام عليكم ..

جزاك الله خيرا أخ خادم رسول الله على فكرتك وسعيك لنكون ممارسين للدين والعبادة مو ممارسين للتسلاية والفرجة على التلفاز ...

بس عندي أقتراح ..

ليش بدل ما نقرأ اجزاء وونجمعهن ليصيرو ختمة ..

ليش ما كل واحد بيقرأ ختمة ...

ونحاول نقرأ أكبر عدد من الختم ..

أنا بكل رمضان بحاول أقرأ اكتر من ختمة ...

ليش ما نتسابق على قراءة الختم مو الأجزاء ..

وكل واحد بخلص ختمة بيقول عنها ..

خلينا نعمل ها السنة ختمة مليونية ..لرفع البلا عنا وعن وطننا الغالي...

يعني مو بس أعضاء المنتدى وكل واحد بخلص ختمة أو حدا بيعرفو بخلص وحدة يقول عنها ...

أنا كنت حابة اطرح هالفكرة بموضوع تاني بس حبيت ضيفها هون بما أنو الهدف واحد...

سلامة ....

بصراحة أنا ضايعة كتييير و ملخبطة...

سؤال صغير

ايمتى لازم اقرأ الجزء تبعي؟؟؟

أنا قرأته يوم صمنا نصف شعبان...

و ايمتى كمان ولا خلص؟؟؟

السلام عليكم ورحمة الله
انا بفتح الموقع كل يوم بس اليوم حتى شفت الموضوع بصراحة فكرة اكثر من رائعة الله يجزي الخير اللي اقترحها وكل مين شارك فيها
اكيد بدي شارك معكن بهالثواب العظيم وانا جاهزة يا ريت صاحب الموضوع الاخ"خادم رسول الله" تنزلنا اسماء المشاركين بالختمة وانا فيها اكيد مشان اعرف اي جزء لازم اقرأ انا حابة شارككن بشغلة تانية نعملها كلنا وهي الصلاة على النبي صلى الله عليه وسلم كل يوم 100مرة ما بتكلف وقت كتير بس نلتزم فيها وبنية وحدة ربنا يرحم بلدنا ويزيح عنها الهم والحزن بس تفسير صغير لحديث عن الرسول صلى الله عليه وسلم من صلى علي صلاة صلى الله عليه بها عشرا ومعنى الصلاة على النبي هي الدعاء الو بالرحمة وبالتالي لما نصلي على النبي مرة ربنا بنزل علينا عشر رحمات وهاد اللي نحنا بحاجتو رحمة رب العالمين اسفة عالاطالة بس هي مشاركتي وبتمنى الكل يتفاعل معها وبتمنى ترد علي بسرعة اخي خادم رسول الله لاني عن قريب مسافرة وما رح اقدر افتح الموقع وربي يوفق الكل
اميييييييييييييييييييين

شكرا الكم كلكم و الله يجزيكم الخير
بالنسبة للاخوة و الاخوات يللي طلبوا انوانا حدد الهم اجزاء يقرؤوها
انشالله اليوم او بكرا بخبرهم فيها
و ليلي عم يسال شو بدو يعمل كمان بقلوا انشالله الخميس او الجمعة بيكون برنامج الحملة جاهز