بتذكر قصة سمعتها لما كان عمري 18 ما استوعبت انو بتعنيني متل أي شخص تاني غير لبعد 3 سنين بتمنى تكون سرعةالبديهة عندكن اعلى من عندي
القصة بتقول
كان في واحد مو عاجبو الوضع حوليي وقرر يعمل شي راح لعند حكيم وقلو أنا بدي غير هالمجتمع بدي اشتغل قد مافيي لغيرو قلو الحكيم روح بس ضروري تعرف من وين بدك تبدا بالاصلاح راح هالشخص وغاب شي سنتين ورجع لعند الحكيم وقلو والله طلع تغير المجتمع كلو شي كتير صعب رح اكتفي حاليا ببلدي ورح حط كل جهدي بالموضوع قلو الحكيم الله يوفقك ياابني روح وجرب تغير بس ماتنسى لازم تعرف من وين بدك تبدا
بعد كم سنة رجع اخونا وقلو للحكيم بصراحة طلع نطاق البلد اكبر من قدرتي بدي جرب هالمرة غير بمنطقتي يعني مانها كل هالقد كبيرة وبدها كتير من الإصلاحات قلو الحكيم الله معك ياابني انشالله هالمرة بتزبط معك بس فكر منيح كيف بدك تبدا مشوار الألف ميل بيبدا بخطوة
مرقت كمان كم سنة ورجع اخونا وقلو للحكيم عم اشتغل اشتغل وماعم يتغير شي وقررت انو علي بحالي وبولادي رحجرب اصلح عيلتي وما عليي من غيري قلو الحكيم شي كتير منيح انك تصلح عيلتك بس لا تنسى اعرف من وين بدك تبلش
بعد فترة اخونا بعت عالحكيم وهو عفراش الموت إجا الحكيم لعندو وقلو طمني شو صار معك قلو الرجال للحكيم انا هلق لعرفت شو كان قصدك وهلق لاستوعبت انو كان لازم ابدأ من نفسي انا الحجر الأساسي بالبناء لو اني اصلحت من حالي اولا كان ممكن اقدر غير حواليي بس كيف ممكن تتغير الأشياء حواليي وانا رافض التغيير على نفسي
ومات اخونا والتغيير حرقة بقلبو
وكمان بدي قول شي العلماء لما قرروا يطوروا الجينات لقحوا النواة البذرة ومو القشرة وبرأيكن مين النواة
وشكرا لطرح الموضوع انشالله تكون مشاركتي الها قيمتها