اميرة كل النجمات

اذا كان حكيك مزبوط بدنا الدليل

انت عم بتقولي انو شفتي المقطع من فترة يا هل ترى كم هي هاي الفترة  هاد  اولاً

تانياً : اذا سمحتي حطينا الرابط الاصلي للمقطع لاننا حابين نشوفو ( مقطع السليمانية  على قولك)

ثالثاً : اذا انك بتعرفي بتطبيق مقاطع الفيدو على الصوت وقواعدو

يعني بهوليود ما بتنعمل ( إلا لتكون صحيحة حصراً)

ورابعاً: يعني شهادة أي واحد (من الشارع )ما بتنفي الحقيقة اللي واضحة وضوح الشمس

وأخيراً تقبلي ردي بصدر رحب

وهاي الحقيقة المرّة اللي نحنا منحاول منتهرب منها

والسلام على من أتبع الهدى

اخ ياسر جرب اكسير بروكسي ليفتح معك الفيديو

الفيديو تم عرضو اليوم على الجزيرة و العربية و غيرها

و فيها (( كلاب )) بشرية عم يعتدو على الإنسانية

أما تكذيب هاد الفيديو و هي تبع قرايبها من هنيك

فبتركها للأيام

يا حرام ...ياحرام ....ياحرام.....

هيك صار تعامل السوريين مع بعض....... والله تاري عنا قوى غير شكل ما بعرف ليش ما بتروح على فلسطين لتحررها !!! وخصوصي أننا مندعم المقاومة


مين ما كانوا هالهمجيين لازم يتحاسبوا لأن ما في أي ديانة سماوية بتسمح بذل الإنسان للإنسان بهالطريقة





الله يحمي سورية وأهلها ويحفظهم من كل سوء

اذا انتو ما بتطوعوا بالامن ما بتعرفوا


حتى يطلع عنصر من قوات الامن على مداهمة هيك بيكون ولد؟؟؟؟؟؟؟؟



بس اذا حابين تعرفوا اسالوا كم عمر عنصر الامن في اول يوم تطوع فيه بالامن



وشو يعني عرضته الجزيرة ولا العربية؟؟؟؟؟؟؟؟


هي نفسها القنوات يلي عرضت ميتين قاموا بعد الصلاة


         

حاس حالي عايش بمحكمة ..

انا لله و انا اليه راجعووون

كل واحد عم يفصل الحدث على كيفو ....وعم يطلب ادلة و براهين !

 

الرجاء ثم الرجاء .. انتقاء الكلمات بصورة افضل حتى لا يتعرض الرد للاخفاء ثم الحذذذذف ..

ويرجى عدم كتابة المسبات و الشتائم و التشبيهات غير المقبولة ...

 

اخي الاعصار

معك حق بمطالبتك بدليل

وانا شفت عالفيديو من 4 ايام في الفيس بوك وعم حاول اتذكر الصفحة او الصديق يلي كان

عارض الفيديو (والفيديو معروض باللهجة الكردية بوقتا)

ولله العظيم يااخي

انا مو ئصة شي

بس ضد يستغبو الشعب السوري سواء اعلامنا او اعلام غيرنا

وانا لما شفت المقطع عالجزيرة جنيت تماما لانو انا شايفتو ولو ما اختي شايفتو معي

كنت فكرت حالي مستشبهة

ويلي خلاني اتاكد انو هاد الفيديو نفسو انو في هاد الجندي الزغير يلي ما بظن عمرو

فوق 18 سنة وقت كان يضحك للكاميرا وينط فوق الاشخاص عالارض

والتصوير كان بكاميرا بروفيشنال مو كاميرا جوال

كاميرا بورفيشنال مجهزة بمكان مناسب ومقابلة للاحداث

ونحنا منعرف انو وقت يصير اي شي من قبيلو  اول شي الموبايلات بتتصادر

متل قصة كلية العلوم والحقوق الخميس الماضي وقتا كل شخص عم بصور تصادر موبايلو

بئة في شي اسمو منطق

انا بغار على سوريا

وبغار على وعي شبابها

وبس لائي الرابط تاكد اخي الكريم دغري رح حطو

تحياتي

 

أميرة كل النجمات

اللي عبيصور هو واحد من الاممن وهالشي باين من كلامو مع العناصر لان بيعرفن كلن
الفيديو تصوير موبايل ومو كاميرا بروفيشنال
الكاميرا مو مجهزة لانها كانت عمتتحرك من مكان لآخر وبعدين اجا واحد من رفقات اللي عميصور وحركو وتغيرت وضعية الكاميرا
بعدين ما بعرف كيف اللي قال انو هالمكان مو البيضة عرف لان مو باين كتير واضح المكان
ونحن إذا ما عرفنا المكان أكييييييييد منعرف لهجة الشباب حبايب قلبنا " علي عباس" و " ابو هادي" وأمثالن..
وبزيدك من الشعر بيت انا شايف بعيني هيك مناظر وأضرب كمان
ومشان اللبس فهنن لابسين مدني وحاطين بس كمر للأسلحة وما بعرف شو كمان..والأمن العراقي مو هيك لبسو ! ... بيلبسو أبيض مموه

اقتباس

وانا شفت عالفيديو من 4 ايام في الفيس بوك وعم حاول اتذكر الصفحة او الصديق يلي كان عارض الفيديو (والفيديو معروض باللهجة الكردية بوقتا)

يا ريت تحطيلنا الصفحة وفيكي ترجعي للهيستوري تبع الكمبيوتر بتلاقيها...بعدين معقول تنسي الصديق بأربع تيام ! كتير ذاكرتك ضعيفة

بالنسبة للفيديو فموجود عالفضائيات ليلاً نهاراً لو كان في مشاكل باليوتيوب...وموجود عند صديق أميرة كمان.بس مافي داعي تعملوله إخفاء من المنتدى.....لا تحجب الشمس باصبع

السلام عليكم


لا يعرف الإنسان ماذا يتكلم

ولكن أقول:

حتى لو لم يكن هذا الفيديو صحيحا أقول كما قال أحد الكتاب

((إن الحقيقة تأتي على مهل، ولكنّها تأتي))


وستاتي بإذن الله

ورب العالمين يمهل ولا يهمل

أما مشان الاخت اميرة كل النجمات

شكرا على ردك اللطيف

أما مشان العبارة :

((ويلي خلاني اتاكد انو هاد الفيديو نفسو انو في هاد الجندي الزغير يلي ما بظن عمرو

فوق 18 سنة وقت كان يضحك للكاميرا وينط فوق الاشخاص عالارض))

أنا بعرف انو عنا الواحد بروح على الجيش بس يصير عمرو 18 فما في شي غريب بالموضوع

انا بشوف العساكر بالشارع بحرقني قلبي عليهم (بقول بنفسي والله حرام لساتهم زغار)

والعبارة :

(((والتصوير كان بكاميرا بروفيشنال مو كاميرا جوال

كاميرا بورفيشنال مجهزة بمكان مناسب ومقابلة للاحداث

ونحنا منعرف انو وقت يصير اي شي من قبيلو  اول شي الموبايلات بتتصادر

متل قصة كلية العلوم والحقوق الخميس الماضي وقتا كل شخص عم بصور تصادر موبايلو)))

هاد مع احترامي الشديد لرأيك تصوير جوال   ... واضح  من دقة التصوير الرديئة

ومو مجهزة بالمرّة ابداً

واذا بتلاحظي اعطى الجوال لزميلو وقلو صورني

وبعدين مشان مصادرة الجوالات بس يصير شي حدث هاد الحكي للناس العادية متلي ومتلك

مو للأمن وللشرطة ولا للجيش........ شو هنّا بدهم يصادرو جوالاتهم بحالهم وببدلو بعض يعني

أنا براي تراجعي المقطع منيح وتدءءي على ءولتك

والله يجيب العواقب سليمة

كمان أنا مثلك عم دور على دليل ينفي المقطع بس للاسف الشديد ماني ملاقي

إذا صار عندك رابط المقطع الجديد حطيه بهالموضوع وبكون ممنولك كتير

مع أني ما بتوقع .............................