((شكرا ...mimi...

وأنا كمان هيك فرضت بالامتحان , ما بعرف حاسس الدكاترة ما فهمونا هالشغلة لانو كمان بتتعلق بأبعاد الجائز , مو بس بسماكة الصفيحة وقطر البرغي حسب الاشتراطات يلي عطونا ياها بالعملي والنظري , متل كأنو عم عمم أبعاد الوصلة على جميع أبعاد الجوائز  وهاد شي غلط.))

هلا
صح حكيك هي هل المادة مدرس شلون...حتى فحصها كان مدري كيف...
وطلعت ما بعرف بحملها ولا برفعها معدل
هي المادة حلوة ويا ريت لو فهمناها أكتر بس مو أخدين منها غير شي بسيط وأد ما انعطى فيها بتاخد


بالتوفيق للكل 






 

اقتباس

بالنسبة للمعدنية ماني شاطر أبدا" بهالمادة  , بس بعرف أنا إنو حسب أبعاد الجائز بتفرض التباعدات بين البراغي الأفقية و الشاقولية و الـ edge & end distance (و بما يتناسب مع أبعاد الجائز و اشتراطات الكود) و بعدها بجمع التباعدات الأفقية و الشاقولية بتنتج أبعاد الوصلة و بعدين بتتحقق من الوصلة المفروضة و بعدين التعديل بما يحقق المقاومة و الإقتصادية

معك حق بس نحنا هاد ما عطونا ياه بالحد المطلوب , مرور طريق بس.

اقتباس

و على فكرة الإشتراطات موجودة بالكود و لاداعي لحفظها (سابقا" وقت الفحص اكتشفت انو في طلاب مابيعرفو هالشي)

قصدك التباعدات الطرفية للبراغي عن الصفيحة يلي موجودة بالجدول 29 و 33 , بس هدول مو كلشي

اقتباس

و كمعلومات عامة برنامج Prokon يلي واضعينو انتو بالمجلة التالتة (بدون أي شرح عن شغلتو)

معك حق بس هيك صار , أنا بالنسبة إلي ما حبيتو وما بعرف ليش في ناس بتفضلو مع انو امكانياتو محدودة.

الكود

بيحل وصلات و بيصمم و بيتحقق من المقاطع المعدنية و بالكود البريطاني كمان

بالاصدار الجديد حذفوه وحطو الكود الاوربي3 وأكواد تانية.
وهي برامج غير مختصة (بروفيشنال) بالوصلات , محددودة الامكانيات وما فيك تعمل كومباين لاكتر من وصلة.
وفي كمان Fastrak بيجبرك تحط لحام وحتى لو انت ما بدك لحام (بس هاد برنامج حلو وبنصح فيه الكل).

اقتباس

على فكرة أنا وقت رفعتها , رفعتها تشحيط للمادة و ما بعرف وين راحتلي العلامات بالضبط, مشان هيك ماني متأكد من صحة ما كتبت (للأمانة)

صرنا تنين وانا طلعت معي شحط ويمكن أشحط منك عالـ 60 , المادة ما درستا هالدراسة وهلىء عم حاول اقرا فيا شوي لانو ما لح تنعاد معي المعلومات مرة تانية وخصوصي الوصلات أهم شي بالمعدنية.

باستخدام برنامج Bentley Ram
هي نتائج الابعاد الجيومترية للوصلة بغض النظر عن الحمولات ونوع الفولاذ (لوصلة الجسد)


وللجناح:

وبالحل اليدوي طلعت محققة عكلشي في حال استخدام صفائح الوصل للجسد بفولاذ من نوع S460

وعلى برنامج تاني اسمو Tedds طلعت كما يلي:


بالمختصر المفيد استنتجت انو يلي عم ينعطى بالمحاضرات من قبل الدكاترة لا يتجاوز أقل من رؤوس أقلام.

وشكرا RTN99 على المساعدة وبالتوفيق إلك  .

اقتباس

صح حكيك هي هل المادة مدري شلون...حتى فحصها كان مدري كيف...
وطلعت ما بعرف بحملها ولا برفعها معدل
هي المادة حلوة ويا ريت لو فهمناها أكتر بس مو أخدين منها غير شي بسيط وأد ما انعطى فيها بتاخد

فعلا معلومات محدودة يلي انعطت والمادة ما اخدت حقها وخصوصي كلشي اخدنا هلىء ما لح ينعاد , ويلي بدو يشتغل بكرى مشروع معدنية (مشروع تخرج) بدو بلاقي صعوبة من محدودية المعلومات يلي عنا.

وبالتوفيق للكل.

بعتذر عن التأخر بالمساعدة ...

بس الحمد لله في مين كفى ووفى ...

حالياً ما قريت بشو عم تتناقشوا ... ان شالله بأقرب فرصة ...

موفقين ...

   

السلام عليكم

 

كيف المعدنية معكن هالأيام

 

حابب اسأل سؤال اذا ممكن حدا يجاوب عليه

بالنسبة لمسألة الضغط اذا طلع معنا المقطع نحيل لا زم نحسب lambda (نسبة النحافة) جديدة

فممكن توضيح كيف بتنحسب لأنو لقيت في اختلاف بين محاضرات السنة والسنة الماضية

هلأ تبع السنة الماضية فهمتها أما تبع السنة مو كتير فهمتها

يا ريت تساعدوني اذا حدا عندو الجواب

رح جاوبك على هوا ما بتذكر وإن شاء الله يكون صح  
وإذا في غلط إن شاء الله حدا بيصلحلي ياه

هلأ بالضغط منحسب نسبة النحافة مشان نحسب قدرة التحمل Pc

طيب عنا قانونين لنسبة التحمل:

للمقاطع اللدنة والمكتنزة ونصف المكتنزة:

Pc=pc*Ag.....1

للمقاطع النحيلة:

Pc=pcs*Aeff.....2

منجي للمقاطع النحيلة:

في حال طلع المقطع نحيل في عنا طريقتين للحل(ولو أنو بظن الأولى أسهل وأقصر)

أول طريقة:
1-منحسب Aeff

2-منحسب (lambda (eff

=(lambda(eff
lambda*(Aeff/A)^0.5
&
lambda=Le/rvv

بتلاقي هل العلاقة صفحة 80 بالكود السطر الرابع

3-منطلع pc من صفحة 82 لصفحة 89

4-منحسب Pc من العلاقة .....2


الطريقة الثانية:

باستخدام النظرية البديلةalternative method صفحة 40 من الكود

1- منحسب Pyr من العلاقة الموجودة بالكود صفحة 40

2-في عندك حالتين: Pyr:235 بتحسب pc من الجداول 82-89

                                  Pyr:235 بتحسب pc من علاقة بيري

3- بتطبق العلاقة....1 لحساب Pc



هلأ الفرق بين الطريقتين

أول طريقة منستخدم Py و lambda Eff و Aeff

يعني خفضنا نسبة النحافة ومساحة المقطع

ومنحسب Pc  من العلاقة الثانية

تاني طريقة منستخدم Pyr و lambda و Ag

يعني خفضنا Py

ومنحسب Pc من العلاقة الأولى

إن شاء الله كون قدرت وصل الفكرة 

وأنا جاهزة لأي توضيح

بالتوفيق يا رب  

للأسف ما عم أقدر ضيف كفاية الرد

عم ينحذف لحالو!!!!

           

           

             

حاولت كتير بس ما نزل أبدا كفاية الرد

وما زبط معي انكليزي وعربي عل الورد

بس على كل حال هاد هو الملف ... نسخت الرد عليه

http://www.jamaa.net/UP/24070/%C7%E1%D8%D1%ED%DE%C9_%C7%E1%CB%C7%E4%ED%C9.docx

وبعتذر كتير...

النت رح يجنني

ما عم يزبط شي  

على كل حال جربت نزل كفاية الرد بموضوع جديد بس ما مشي الحال

http://civ.jamaa.net/post595308.html#post595308

وما قدرت أحذف الموضوع

 

إن شاء الله توصل الفكرة لأنو حاولت كتير زبطه بس ما قدرت

بالتوفيق ...

ههههههه ...

أنا بعرف ليش ما عم ينزل كمالة الرد معك ... بس ما رح قلك ... 

بكل الأحوال ... ظبطت الردود والموضوع يل نزلتيه بمكان واحد ...

والله يعطيكي العافية ...

بالتوفيق للكل ...  

(((أنا بعرف ليش ما عم ينزل كمالة الرد معك ... بس ما رح قلك ..)))

ما بصير     فوق ال 5 مرات حاولت نزله   

شكرا كتير كتير كتير    

بس في تصليح صغير

الطريقة الثانية:2-الحالتين:
أول سطر: Pyr أكبر من 235...
تاني سطر: Pyr أصغر من 235....

سلام