هلق انا بس حابة اعرف انه هي المواد كلا مؤتمتة ولا كييف

مسا الخير اول شي بدي اشكر الاخت اية على التعب اللي عم تتعبو معنا

ومع الطلاب بهالموقع ما شاء الله عليكي ما بتتركي لا شاردة ولا واردة ..!

===========

بالنسبة لمواد الفصل التاني  انا هلآ سنة تانية وبقولو مابعرف الوجع غير اللي داقو

صح ولا لا ؟؟ هههه

المهم ياجماعة مواد الفصل التاني لكتير ناس هي مواد معدل
يعني اللي بركز منيح وبدرس بطلع من المادة وبعرف حالو ناجح ولا راسب
وحتى بمعدل منيح كمان

الجرد مادة حلوة اذا الواحد فهمها وبدها فهم وشوية حفظ اهم شي
وهي المادة نصها مأتمت ونصها كتابي

التسويق مادة متلها متل مادة الادارة بس هي احلى شوي بتحسوها بتمس الواقع
يعني في شي ملموس كمان حفظ مع الفهم
وبفضل طريقة الدراسة عن طريق الورقة والقلم متل ماقالت الاخت اية

القانون المدني هي المادة اللي ضربونا فيها السنة الماضية مع انو المادة حلوة وبدها فهم للقواانين والامثلة تبعا وبتوقع انو بتدخل للعقل مباشرة لهيك مافي داعي للبصم العميق ..!
وملاحظة بالنسبة لهالمادة : قالولنا في محذوفات السنة الماضية والاسألة كلها اجت من المحذوفات لهيك بنصحكن ماتحذفو شي منها

الرياضيات الاقتصادية : مادة حلوة ورياضية يعني بدها تشغيل مخ وبدها واحد يكون شاطر شوي بالمصفوفات

المعلوماتية 1 : اهم شي الفهم وبالنسبة الي انا درست المحاضرات بس مع هيك ضلت عليي شوي شغلات مافهمتها فيها لهيك بنصح بالحضور مشان تقدرو تفهمو

الانكليزي 2: الدكتورة اللي عنا غير اللي عنكن لهيك بنصحكن تسمعو للدكتور اللي عم يعطيكن المادة وان شاء الله بالتوفيق

سلاام للجميع

مسا الخير اول شي بدي اشكر الاخت اية على التعب اللي عم تتعبو معنا

ومع الطلاب بهالموقع ما شاء الله عليكي ما بتتركي لا شاردة ولا واردة ..!

شكرا لك على هذا الاطراء ..

وبعتقد ابن القمر كفى ووفى بالشرح

يعني كل المواد موتمتة عدا المحاسبة نص موتمت ونص كتابي