عش متعة الصيدلية - منتدى جامعة دمشق

مشاركة : 39

مراقب أدوية

جامعـي اســتثنائي

مسجل منذ: 13-12-2010
عدد المشاركات: 610
تقييمات العضو: 430
المتابعون: 40

غير موجود
اشــترك بالتحديثات
رسالة مستعجلة

رد مشاركة : عش متعة الصيدلية

09-03-2011 01:10 PM

اليوم السادس في الصيدلية :

مرحبا دكتورنا الكريم ...........
كيفك اليوم ...............
انشالله مبسوط ..............

كنا عم ننتناقش المبارح انو اذا اجانا مريض معو تكرار وصعوبة تبول مع حرارة شو ممكن يوجهنا هالشيء ؟ وكانت اجابة الدكتورة سلام اجابة صحيحة بانو ممكن يكون التهاب حويضة أو كلية وهون لازم نفكر مباشرة بالتحويل للطبيب مشان تقصي الحالة

وبالنسبة للمرا الحامل اللي قلها الطبيب انو تأخد لقاح الكزاز في الشهر التالت والرابع وراحت عالمشفى وما رضيوا يعطوها اللقاح لإنها حامل .
الحقيقة انو لقاح الكزاز بيتاخد للمرأةالحامل اذا كانت موأخدة اللقاح من تمان سنين كحد أقصى ولهيك ممكن اعطاءها 3جرعات من الشهر الخامس للحمل متل ماذكرت الدكتورة سلام ومو من الشهر التالت متل ماقلها الطبيب ومافي خوف من اعطاءها اللقاح لأنو لقاح الكزاز سليم 100بالمئة لأنو ذيفان معطل

وللتذكير هدول اللقاحات اللي بتتاخد في حالات مختلفة :

للأطفال والأولاد:
شهران : ( دفتيريا ( الخانوق ) والكزاز وشلل الأطفال ) .
4 أشهر : دفتيريا وكزاز وشلل الأطفال .
6 أشهر : دفتيريا وكزاز وشلل الأطفال .
15 شهراً : الحصبة والحميرا وابو كعب .
18 شهراً : دفتيريا وشلل الأطفال
سنتان : انفلونزا .
4 ـ 6 سنوات ( قبيل المدرسة ): دفتيريا وكزاز.
14 ـ 16 : دفتيريا وكزاز .
ثم بعد كل عشرة سنوات : دفتيريا وكزاز .

للأولاد الذين لم يتلقوا
لقاحاً وعمرهم لا يتجاوز السبع سنوات :
يعطى لهم في البداية : دفتيريا وكزاز وشلل الأطفال .
بعد شهر واحد : الحصبة وأبوكعب والحميراء .
بعد شهرين : اللقاح الثلاثي .
بعد 4 أشهر : دفتيريا وكزاز وشلل أطفال .
بعد 6 ـ 12 شهراً ( وقبيل دخول المدرسة ) : دفتيريا وكزاز وشلل أطفال .
بعد سنتين: انفلونزا .
بين 14 ـ 16 سنة : اللقاح الثنائي ( دفتيريا وكزاز ) .
مرة كل عشر سنوات : اللقاح الثنائي ( دفتيريا وكزاز ) .

للأولاد الذين تجاوزوا
السبع سنوات ولم يتعدوا الثماني عشرة سنة .
يعطى لهم في البداية : دفتيريا وكزاز وشلل الأطفال .
بعد شهر : الحصبة وأبوكعب والحميراء .
بعد شهرين : كزاز ودفتيريا وشلل الأطفال .
بعد 6 ـ 12 شهراً: كزاز ودفتيريا وشلل الأطفال .
بين 14 ـ 16 سنة : كزاز ودفتيريا .
مرة كل عشرة سنوات : كزاز ودفتيريا .

إذا كان العمر 18 عاماً أو أكثر ولم يلقح الولد في طفولته هناك لقاح خاص يتألف من فيروسات مقتولة ، ويدرس برنامج اللقاح لمثل هذه الحالات مع الطبيب .

مريض : دخيلك دكتور عم بشكي من اسهال ماكن (شديد)وعم يطلع مع الاسهال مخاط ودم وعم بشكي من وجع ببطني وخصوصي الجهة اليمين
انت :هالأعراض اجتك فجأة ولا كانت خفيفة بعدين زادت قوتها
المريض :اي والله دكتور كانت خفيفة بعدين زادت
انت :حرارتك عم ترتفع شي
المريض :لا دكتور مافي حرارة

مزبوط متل ما عم تفكر التشخيص المبدئي هو زحار أميبي (بالعامية زنطاريا) وحتى تأكد التشخيص لازم تطلب من المريض يساوي تحليل براز بس لازم يعوض السوائل والأملاح اللي فقدها لأنو خطر حدوث التجفاف بهالحالة لا يستهان به وبعد ماتطلع نتيجة التحليل ايجابية تقدر توصف أي مضاد للزحار الأميبي متل الميترونيدازول والسكنيدازول

انت بتعرف انو في نوع تاني من الزحار هو الزحار الجرثومي وأعراضو مشابهة للزحار الأميبي بس بتصير فجأة بدون مقدمات وترتفع حرارة المريض وحتى نأكد التشخيص كمان نطلب فحص البراز ونعوض السوائل وبعد تأكيد التشخيص نقدر نوصف مضاد جرثومي حسب النوع الجرثومي المسبب واللي غالبا مايكون الشيغلا

سؤالي :في دوا بالصيدلية يستخدم لعلاج الزحار الأميبي والجرثومي معا ياترى شو هو؟

سيدة :أنا حامل و عم بشكي من مشاكل بوشي وقالولي الأطباء انو هالشي من الشمس وبدي واقي شمسي ما بأثر عالحمل

ياترى شو الجواب ؟

مريض بدو هالوصفة:
ايزومبيرازول
كلاريثرومايسين
أموكسيسللين
كلوبيدوغريل
روزوفاستاتين
بيريندوبريل

شو الخطأ بهالوصفة ؟

مريض بدو هالوصفة :

بريدلون 20ملغ (تركيبه بريدنيزولون)
7حبات يوميا لمدة خمسة أيام

شو رأيك بهالجرعة وشو ممكن تكون حالة المريض ؟

الى يوم صيدلاني أخر ..............
دمت بخير...............

« عرض آخر مواضيع العضو »

ملتقى طلاب جامعة دمشق

أنت غير مسجل لدينا.. يمكنك التسجيل الآن.