اول شي يسعد اوقاتكون جميعا

مين فينا ما بيعرف بموضوع المنتخب هالايام والي شاغل بال الكل
الكل بيعرف انو كأس أمم اسيا رح يبلش ب 9 الشهر بمباراة سوريا والسعودية


انا حابب اقترح عليكون كطلاب جامعة نتجمع كلنا بمكان محدد بالجامعة ونروح كلنا سوا نحضر المباراة بشي قهوة ونشجع بلدنا سوريا ونكون ممثلين عن فئة طلاب الجامعة بالحملة الوطنية لدعم المنتخب



سمعونا اراءكون عن الموضوع


ومني الى نسور قاسيون احلى سلام

أخي الكريم

كما قلت نحن طلاب جامعة نؤدي واجبنا تجاه وطننا

والعمل على رفعة اسمه من خلال من خلال دراستنا وتحضيرنا

فهذا واجبنا وحق ووطننا علينا

أما إخوتنا في المنتخب الوطني فهم يؤدون واجباتهم أيضاً في رفع علم بلدنا الغالية سورية

لذلك من غير الممكن عقد أية اجتماعات

خاصة أن المباريات لن تكون في دمشق

وأن المنتخب لن يستفد شيئاً من دخولنا إلى قهوة وتنشقنا السموم التي ستؤدي إلى نتائج عكسية على صحتنا

وتضييعنا وقتاً ذهاباً وإياباً إلى القهوة حيث يجب أن نسخر هذا الوقت لخدمة وطننا كم خلال دراستنا.

فكلٌ يقوم بواجبه.

لذا: المشاهدة تكون من على التلفاز لا غير.

مرحبا اعزائي واخواني المشجعين المنمقين بحب البلد وشرف التحية لنسور قاسيون .....
بالتاكيد حابب كون معكم بهي الحملة يلي بالـاكيد ما هي الا شي بسيط بنقدمه لدعم شبابنا يلي باذن الله لح يرفعوا راسنا بالبطولة .........

هلق بالتأكيد في تفاؤل كتييييير كبير لاسباب عديدة من اهمها :.
انه منتخبنا لديه بعض المواهب الفذة بفضل الله يلي بيستطيعوا يخلصوا المباراة بمهارة او غول قاتل باذن الله ........
ثانيا انه المنتخبات يلي معنا مو كتييييير بيتفوقوا علينا عدا اليابان التي لها حسابات خاصة وأنا أامل بكل جدية بان يتبع كيتا طريقة مورينهو مع الانتر حينما لعب ب7 دفاع و3 لاعبين وسط ليحقق ما اراده .... يعني نقطة من اليابان كتير ممتازة ......
هلق السعودية اليوم شفت لعبهم مستواهم مو السعودية تبع زمان يلي كان ينحسبلها مية حساب ..........
شباب بيلعبوا حلو ونحن كمان عنا ما عندهم وان شاء الله اكتر ..........

اما الاردن فنحن ما لح ننقصوا حقه كمان متطورين كتير بالفترة الماضية .....
بس باذن الله احتراف وموهبة الللاعبين عنا بتعمل فرق منييييييح .....النا رجعة بعون الله ....
دمتم بخير   

السلام عليكم ورحمة الله وبركاته
الله ينصر المنتخب ويحقق حلم 25 مليون سوري بسوريا وحوالي 20 مليون بالخارج .
رحت من فترة على الجوازات يلي مقابيل الجامعة مشان أطلع على الدوحة قالو بدك اذن سفرمن شعبة التجنيد , رحنا على شعبة التجنيد قالو انت لسه لتاجيلتك 3 اشهر ما بطلعلك اذن سفر , ومزعوج كتير , حتى قرايبي هنيك شتروا بطاقات مشان المباراة وعم يستنوني , دعولي يطلع اذن السفر ودعولي طالع الجواز ودعولي ابعت صورة عنه على الدوحة مشان كرت الزيارة ودعولي لاقي تكت طيارة  , كل هاد قبل شهر تسعة او قبل الساعة 7 م  من شهر تسعة.
تمنياتي بالتوفيق للجميع.

ان شاء الله بالتوفيق وانا متفأئل كثير بالمنتخب وبرجال المنتخب أول أهداف المنتخب لفراس الخطيب هيك حاس

والله الموفق

انشاء الله بالتوفيق للمنتخب السوري
وبإذن الله بيفوز  وبحرز اللقب وبيحقق حلم كل الشعب السوري

شدو الهمة يا رجال

لا نستطيع إلا أن ندعو لكم بالتوفيق


قلوبنا معكم
               

مشان المباريات الودية ونتائجها بتمنى انو ما حدا ياخدها بعين الاعتبار لانو بتتم تجريبية
يالله شباب شدو الهمة بقيان يومين للمباراة بدنا مشاركات اكتر
ودعاء أكبر لرجال سوريا

السلام عليكم و رحمة الله و بركاته



إن شاء الله يقدم مستوى منيح منتخبنا الوطني


خلينا نشوف شو لح يقدم المنتخب


التوفيق لنسور سورية

شوط أول انتهى باستحواذ سعودي لكن نجاعة سورية بالامتلاكات القليلة...مع اضاعات سهلة للكرة

دفاع سوري من الاسمنت المسلح "على قولة الشوالي"

د 25 انفرادة للشمراني يهديها للسوريين باضاعة سهلة

صاروخية من محمد زينو في الدقيقة 30 يبعدها الحارس السعودي

الدقيقة 37 حملت الفرحة لسوريا من قذيفة عبد الرزاق الحسين بعد لمسة برأس المدافع السعودي..

محاولات سعودية بدون اي فائدة مع انعدام فائدة الحاضر الغائب ياسر القحطاني وصلابة الدفاع الايطالي أقصد السوري..

دقيقتين وقت بدل ضائع لا تحمل أي جديد لينتهى النصف الأول من المباراة بتقدم سوري بعكس التوقعات