الزملاء

Adam
ابو فراس
The Dark Dragon
pure_m
الضمير الحي
mimi

شكرا" جزيلا" على ردودكم الجميلة

اقتباس

راااااااااائع بس للأسف القصة خيالية كتير والواقع أنو
إحتمالية وجود رجل أناني بهل شكل أقل بكتير من وجود زوجة صالحة لهل درجة
وبصراحة ومن الأخير في شي بتشترك في معظم (90%) من النساء وهو حب الحياة الدنيا
وحب التملك والمال وهي الحقيقة للأسف

أول شي بعتذر لأني تأخرت بالرد عليك مع إنو تعليقك الأول , بس للأسف كانت مشاركتك مخفية , هلأ للصراحة ما بقدر ارفض كلامك لأنو فيه شي من الصحة و هادا رأيك و أنا بحترمو بالكامل ,و كمان ما بقدر وافق عليه لأني شب و بعرف الطريقة يلي بيفكر فيها و النظرة يلي بينظرلها نسبة كبيرة من الشباب (حتى المثقف بالجامعة)  و هي نظرة برأيي أبعد ما تكون عن الإيجابية.

اقتباس

قد كون القصة حقيقة وقد تكون غير حقيقية

ولكن المهم أنها قصة مؤثرة فعلاً وفيها عبرة جميلة

واجمل شيئ بالقصة هو ذكاء هذه المرأة وبعد نظرها

كلامك صحيح أخ أبو فراس و مشكور عليه


هلأ بالنسبة للأخ مجد , كلامك كمان صحيح و ما عندي شي لحتى زيد عليه, بس بالنسبة لـ    ...

اقتباس

على كل شكرا على موضوعك....ولو انو بكاني...بس من ناحية غير اللي بكت العالم....بكاني لأنو الهمزات اللي فيه متهربة من الجلوس في مواضعها الصحيحة

يا زلمة الله يسامحك   , بس هلأ أنا ماني شاطر بالإملاء و القواعد أكتر من برنامج الـ MS.Word  مشان هيك نسخت المقالة على الوورد لحتى شوف الأغلاط  , و طلعلي نسبة الإغلاط الإملائية الكلية 2.31% و هالشي من أصل 1255 كلمة (مع أسماء الأشخاص و الكلمات العامية و الكلمات المكررة) و إذا تجاهلنا أسماء الأشخاص بيصير حوالي 1.43% و الكلمات يلي فيها غلط بالهمزة كلمتين فقط (إمرأة لازم تكتب امرأة , و الى لازم تكتب إلى)
أما بالنسبة لتعليقك يلي إنت كاتبو طلع فيه نسبة الأغلاط الإملائية 23.40%  و هالشي مع أغلاط الهمزات طبعا" 

أكيد عم امزح تحياتي وشكري الك مجد 

اقتباس

عنجد القصة كتير مؤثرة



المرأة مخلوق بيضحي كتير و الرجل غالبا اناني مابيحس بشي ..


وكتير احيانا مابيشوف بالدنيا غير شو بيسعدو بغض النظر عن سعادة زوجتو ..

يمكن لأنو هنن واحد بيخطرلو انو سعادتو بتكفي !!!


طبعا انا مابشمل كل الرجال بحكيي




شكرا كتير عالقصة

شكرا" الك pure_m على كلامك الحلو, و صراحة سمعت عن اكتر من قصة صارت عنا بالبلد عن نساء أخفو عن عائلاتون خبر إصابتون بإمراض مزمنة , و ما كان الأهل يكتشفو هالشي إلا بمراحل متقدمة من المرض.

اقتباس

بشكرك كتير أختيh.r.u على هالقصه
فعلا قصه مؤثره وهادفه
مشكووووووووووووووره
أخوكي الضمير الحي

مشكور جدا" أخي    , بس أنا شب  , بس مو مشكلة من الطبيعي جدا" تصير هيك أخطاء على الإنترنت , مشكور جدا" على مرورك مرة تانية 

اقتباس

القصة كتير حلوة ومؤثرة

الواحد ما بحس بأغلى شي بيملكوه لحتى يفقدوه

وأغلى شي بالدنيا هي هي اللحظات يلي بتستمر ثواني ودقايق وبنضل عايشيين بخيالها شهر وهي يلي بتجمل حياتنا وبتخلي إلها متعة ومعنى


مشكور كتير h.r.u عل القصة الحلوة

سلام

شكرا" الك mimi على هالكلام الحلو و التعابير الكتييير حلوة  و أنا كتير مسرور لإعجابك بالموضوع , و معك حق الشخص ما بحس بأغلى شي لحتى يفقدو 
و على فكرة تعليقك خلاني إتذكر حكمة قريتها من فترة قصيرة على أحد المواقع المشهورة , بتقول:

تذكر دائما أنكـ تحتاج إلى دقيقة واحدة لتكتشف الشخص المميز.
وتحتاج لساعة لتعرف سر تميزه.
وإلى يوم لكي تحبه بسبب تميزه.
ولكن بعدها تحتاج إلى الدهر كله لكي تنساه

شكرا" جزيلا" للجميع مرة ثانية,
سلامي و تحياتي,,,
   

يعطيك الف عافية   


القصة حلوة بس ما بعرف ليش دايما بنهوها بالسرطان والموت ... ليش ما تنتهي نهاية سعيدة ما بعرف 


يعني ما رح علق كتير بس رح قول .... الاشياء الصغيرة تمس بصدق شغاف القلب


مو بس بالحب والعلاقات الزوجية ... كمان بمختلف جوانب حياتنا و بعلاقتنا بكل الناس نحنا بحاجة لهي الاشيا الصغيرة والبسيطة كتير يلي بتعبر عنا نحنا وبس ... ويلي الناس  ما بلاقوها الا عنا نحنا

من هون بيخلق تميزنا ومكانتنا الخاصة بقلوب يلي حوالينا و يلي ما ممكن يبدلها او يحل محلها اي شي بالدنيا


برجع بشكرك مرة تانية

وبدي اشكرك كمان لانو عملتو لمجد مدقق املائي ونحوي 

من زمان بقلو لمجد انو بغار من الوورد وانو نفسو ياخد مكانو  بالتدقيق  وتصليح الاخطاء  

اقتباس

يعطيك الف عافية

أهلا و سهلا Just Smile الله يعافيكي 

اقتباس

القصة حلوة بس ما بعرف ليش دايما بنهوها بالسرطان والموت ... ليش ما تنتهي نهاية سعيدة ما بعرف

أكيد كلنا منحب و منرغب بالنهايات السعيدة لأنو معظم القرّاء بيتخيلو حالن مكان بطل الرواية أثناء القراءة, بس باعتقادي أحيانا" النهايات غير السعيدة بتساهم بجعل تفاصيل القصة مؤثرة و هالشي أكيد حسب شطارة و إبداع كاتب الرواية.

اقتباس

يعني ما رح علق كتير بس رح قول .... الاشياء الصغيرة تمس بصدق شغاف القلب


مو بس بالحب والعلاقات الزوجية ... كمان بمختلف جوانب حياتنا و بعلاقتنا بكل الناس نحنا بحاجة لهي الاشيا الصغيرة والبسيطة كتير يلي بتعبر عنا نحنا وبس ... ويلي الناس ما بلاقوها الا عنا نحنا

من هون بيخلق تميزنا ومكانتنا الخاصة بقلوب يلي حوالينا و يلي ما ممكن يبدلها او يحل محلها اي شي بالدنيا

كلامك حلو و صحيح 100% ,   الأشياء البسيطة و العفوية يلي بتصدر عنا و عن الناس يلي عم نتعامل معهن هيي يلي بتعزز أو بتقلل مكانتنا بقلوبهم أو مكانتهم بقلوبنا , لأنو هالأشياء البسيطة و العفوية هيي يلي بتعبر عن حقيقة الشخص, و أكيد ليس الكلام المنمق و التصرفات المصطنعة.

اقتباس

برجع بشكرك مرة تانية

الشكر إلك و لمرورك الحلو يلي نور الموضوع 

اقتباس

وبدي اشكرك كمان لانو عملتو لمجد مدقق املائي ونحوي

من زمان بقلو لمجد انو بغار من الوورد وانو نفسو ياخد مكانو بالتدقيق وتصليح الاخطاء

لا شكر على واجب   

القصة ,,,أكتر من ,,,,رائعة ,,,

ولي زاد ,,,,جمالها ,,,نهايته ,,,المأساوية ,,,,

ما بعرف ,,,ليش ,,,بس أنا ,,,بحب ,,,النهيات الحزينة ,,,

و خصوصا ,,,شعور البطل بالندم ,,,,


شكرا ,,,مرة تاني ,,,,

و يبئى ,,,أذا أجاك ايميل ,,,مشابه ,,,لا تحرمنا ,,,منه ,,,

شكرا كتير

القصة عنجد مؤثرة

                       
                 
;         
       

القصة كتيير حلوة ومؤثرة وهذا ما اتفق الجميع عليه:


بس حابة احكي بعدة نقط:


المرأة "وخاصة الأم" مخلوق عظيم ورائع ولكنه ضعيف مهما أبدى من قوة وارادة

لذا بحاجة دائما الى السند , بحاجة الى الحنان      بحاجة الى الرجل الحقيقي"بقوته وحنانه"سواء كان هذا الرجل اخ او اب او زوج..............

وكذلك الرجل هناك جانب من النقص عنده لا تكمله الا المرأة......

وأصعب شي البخل بالمشاعر ...................


وفي النهاية حابة اختم وقوووول :

ما أكثر أشباه الرجال في عصرنا ..............................

اقتباس

شكرا كتير

القصة عنجد مؤثرة

شكرا" كتير إلك SCORPIO 

اقتباس

القصة كتيير حلوة ومؤثرة وهذا ما اتفق الجميع عليه:


بس حابة احكي بعدة نقط:


المرأة "وخاصة الأم" مخلوق عظيم ورائع ولكنه ضعيف مهما أبدى من قوة وارادة

لذا بحاجة دائما الى السند , بحاجة الى الحنان بحاجة الى الرجل الحقيقي"بقوته وحنانه"سواء كان هذا الرجل اخ او اب او زوج..............

وكذلك الرجل هناك جانب من النقص عنده لا تكمله الا المرأة......

وأصعب شي البخل بالمشاعر ...................


وفي النهاية حابة اختم وقوووول :

ما أكثر أشباه الرجال في عصرنا ..............................

شكرا" كتير إلك جودي ابوت    على مرورك و نقاشك الحلو بالموضوع.
بالتوفيق,,,
   

    على فكرة القصة انا براي اكثر من رائعة
و الحلو فيها وفاء الزوجة و حكمتها الغير مالوفان في الزوجة غالبا
الحكمة في المراة ثروة لا يمكن اهمالها
و مشكور جدا على القصة الرائعة

                           

اقتباس

على فكرة القصة انا براي اكثر من رائعة
و الحلو فيها وفاء الزوجة و حكمتها الغير مالوفان في الزوجة غالبا
الحكمة في المراة ثروة لا يمكن اهمالها
و مشكور جدا على القصة الرائعة

مشكور جدا" على مرورك و نقاشك الحلو أخ زياد
بالتوفيق إلك,,,