السلام عليكم صيادلة ......



بس في شغلة بدي ضيفها من بعد إذنكم ......

منضيف الطور المائي للكحولي بالتدريج( بالغرغرة)

مشان تبقى المواد الفعالة ( يلي بالطور الكحولي ) منحلة وما  تترسب
لأن  المواد الزيتية والعطرية  الموجودة بالطور الكحولي غير منحلة بالماء
لهيك منضيف بالتدريج .........ومنحرك 

أما العكس فيؤدي إلى  التمدد السريع و ترسب المواد الفعالة وبالتالي تعكر الغرغرة ........

وهيك بتبقى الغرغرة رائقة وما بتتعكر متل مو مكتوب بالنوطة .........




بالتوفيق للجميع ..........

مسا الخير...........
هلأبالصيدلانيات رح يعطونا المقادير جاهزة للوزن ولا بدنا نقسم ونطلعها نحنا متل ما كنا نعمل بالعملي؟؟

سؤال صعب ........
 
ما بتعرفي شو ممكن يطلع معهم .......

قالو لح يعطونا ورقة عليها وصفة بس ما قالوا شي عن المقادير ...

على كل حال اذا ما عطونا المقادير يلي لازم نحضرها ...
منقسم حجم أو وزن الوصفة المكتوبة بالورقة على الحجم او الوزن المطلوب ....

متل الغراغر
كتبنا وصفة ل 1000 مل وحضرنا 50
قسمناهم على بعض طلع عامل القسمة 20
فقسمنا كل المقادير المكتوبة عنا  على 20 .......

في شغلة أهم من المقادير ....... 
أنو بدنا نكتب طريقة التحضير ونسلم الورقة ........... بعدين منحضر الوصفة ........
يعني لازم نحفظ الطرق

هلأ الدكتورة ما شرحتلنا ممتل  ما قالت أميرة

ووقت أخدنا الجلسة ما كنت قارأها من النوطة تبعنا

الدكتورة قالت بس أنو شره للماء .. فبيتفاعل مع المي بسرعة وبتترسب المواد الفعالة

بقا هيك صار ... شو بدنا نساوي

حظ أوفر!!!!

سلاااااااااام...............
اليوم كان عنا فحص الصيدلانيات وهي اسئلتنا:
1-حضرالوصفة التالية,واذكر طريقة التحضير ,واذكر طريقة استعمال كل مادة بالوصفة واسنعمال الوصفة ككل واذكر اسمها.
المقادير
نشاء القمح الناعم 10غ
غليسيرين 10غ
ماء 130غ


2-تحدث عن الكالامين(كل شي متل الدستور).

3-عرف المحاليل واذكر محاسنها والمساوئ

وبس بعدين بنحضر كل المجموعة نفس الوصفة والي هي عنا الغليسيرية...
موفقين

اقتباس

2-تحدث عن الكالامين(كل شي متل الدستور).

               

يا سلام شو هاد

مو على أساس قالت الدكتورة جميلة أنو من تبعات الدستور مو مطالبين فيهن عدا

الاستعمال و الوصف

إذا حدا بعرف غير هيك خبرونا قبل ما .................

السلام عليكم

اليوم سألو د.جميلة ... قالت مطالبين بالمواد من الدستور ... وحسب السؤال (متل ما جايبين للفئات أكتر من سؤال) ... وبيبقو موضحين شو بدن ...

يعني مطالبين بحفظ المواد من الدستور (وصف وانحلالية واستعمال و ............. الخ) ... ومطالبين بحفظ الاستعمال بالوصفة تبعنا (ووقتا بدنا نكتب معها بس الوصف)...

بالتوفيق...

السلام عليكم ورحمة الله وبركاته


هي أسئلة الصيدلانيات العملي للفئة الأولى القسم التاني:

س1(10 درجات:5 للنظري و5 للعملي) حضر الوصفة التالية مع ذكر استعمال كل مادة في الوصفة وذكر اسم الشكل الصيدلاني الناتج وكتابة طريقة التحضير:

بوراكس 6غ
حمض الصفصاف 0.5غ
غليسيرين 30غ

س2(2 درجة):حضر نظرياً 10 مل غول بدرجة 80 بدءاً من الغول المطلق.

س3:(2 درجة) اذكر ميزات ومساوئ المساحيق.

س4(1درجة)اذكر سبب استخدام الـP.V.P في حلالة البوفيدون اليودية.


بالتوفيق جميعاً

مكتوب بأوراق الصيدلانيات العملي _جزى الله من ساهم فيها كل خير_  أنو النشاء ينحل بالماء البارد بس لأنو الماء الساخن يؤدي لتكتله.....؟؟؟

هاي الجملة صح أم خطأ ؟

كأنو  النشاء لا ينحل بالماء البارد وإنما يتهلم ويمكن أن ينحل بالماء الساخن الذي درجة حرارته أكبر من درجة حرارة التهلم وإلا ليش سخنا بالمخبر .

سؤال:
شو الفرق بين التهلم والانحلال من الناحية الكيميائية ؟

ولكم جزيل الشكر

السلام عليكم ورحمة الله وبركاته

ملاحظة للي جابو نوطة الصيدلانيات عملي :

- بالنسبة للغليسيرين فالدكاترة عم يقولو أنو لا تستخدم كقطورات عينية ...

مع أنو بالدستور البريطاني BP مكتوب أنو أشكاله الصيدلانية: قطورات عينية، تحاميل. وهاد الشي اللي مكتوب بالنوطة ...

الأفضل نضل عحكي الدكاترة ... فاحذفو هالشي لو سمحتو من الأشكال الصيدلانية للغليسيرين

- بجلسة الإستخلاص:

لطلاب د.جميلة:

قالت الدكتورة أنو بالـ (تزحيل) نستخدم أقل كمية من المحل

أما الفئات تبع الشعبة التانية فقالو نستخدم كمية كبيرة من المحل ... ويمكن هاد الشي اللي عملنا بالجلسة لأنو ضفنا كمية منيحة من الكحول

فاللي بتعطيهم د.جميلة يعدلو جملة (كمية كبيرة من المحل) لتصير: أقل كمية من المحل ... لأنو ناقشوها فيها وأكدت أنو أقل كمية ...

ـــــــــــــــــــــــــــــ

هالنقطتين ما بيعتبرو أخطاء قد ما بيعتبرو إختلاف ... فكل حدا يكتب متل ما نقلو دكتور العملي أفضل

بالتوفيق إن شاء الله ...