الطب مانو سهل....
بس كمان مانو صعب....
يعني بدو وقت مو أكتر...
أهم شي انك تقرئي بسرعة...
وما تطولي وتضيعي وقتك بالحفظ الدقيق....

عندك التشريح بدو حفظ دقيق...
مواد الكيميا والفيزيا بدن فهم أكتر....
الانجليزي فيكي تحسنيه بالمسلسلات والأفلام
بالاضافة للكتب الطبية لتحفظي المصطلحات الطبية....

وأهم شي عودي حالك بالطب تكون شخصيتك قوية....
بيهون عليكي كتير اشيا...

السلام عليكم
انا بعدي ما فتت الجامعة
بس السنة هاي ان شاء الله طب بشري سنة اولى
انا بعدي ما وصلت سوريا ، سجلت وانقبلت
بس طمنوني ،،، كيف اول سنة جامدة ؟؟؟ ولّا بيراعوا انو احنا بعدنا جدد
طمووووووني بليييز

أول سنة بتجمع كتير من معلومات البكالوريا...
من فيزيا وكيميا...
بس كمان هي مدخل أساسي للطب....
بدك وقت تمخمخي عل تشريح والجنين
هدول بدايات الطب.....
وهي بصراحة سنة معدّل لذلك عطيها كل وقتك....

السلام عليكم

انا مثلكم لساتني طالبه سنه اولى

من ناحيه اللغه مو مشكله مع الممارسه باللغه وخصوصا في مجال الطب

رح تتحس لغتك ما تخافي الله في النهايه بيعين ومن ناحية الدورات في مجال الانجلش حلو

بس وانتي بتدرسي الطب بعتقد انو رح ياثر على مستواكي فا بنصحك عن تجربه اجلي الدورات

لحتى ما تخلص السنه وبالاجازه بتلحقي كل شي والله ولي التوفيق

مرحبا انا سنة اولى طب الحقيقة علاماتي ما كانت عالية ابدا بهالفصل  لاني ما بلشت بدراسة المحاضرات  إلا وقت الامتحان غلطت غلطة وندمانة عليها كتير كتييييييرررررر بس ما حملت مواد شو بتنصحوني اعمل وكيف ابدأ بالفصل التاني

يعطيكم ألف عافية
وبوركت جهودكم

مرحبا جميعا

اول شي انا بدي اتشكركن كتييييير عهلموقع لانو عنجد مفيد و اللع يجزي صاحبو كلللل خير

انا انقبلت بلبشري بس حاسة بخوف كبييييير و خصوصي عم يقولولي انو بأول سنة حيكون عندي دوام للساعة 8 و بتعرفو بهيك ظروف الساعة 8 متل الساعة 3 الصبح فممكن حدا يوضحلي هلشي

و بلنسبة للدراسة من الكتب و لا الملخصات؟؟؟

مشكورين سلف ^_^

السلام عليكم ....
انا داومت من بعد 3 أسابيع من بداية الدوام الفعلي وراح علي كتير محاضرات....
سؤالي::طريقة الدراسة كيف لازم تكون؟؟؟؟
يعني احفظ المحاضرات أو الكتاب بصم ,,, أو إني ركز على نقاط معينة.
يعني بالمختصر المفيد ,, طريقة الدراسة كيييييف؟؟؟؟