السلام عليكم

لااااااااااااااااااااااااااا الدكتور وضاح الخطيب ابدا مو متل ما عم يحكو الطلاب عنو
بالعكس اسلوب سلس وشيق ومفيد
واسألتو من يلي المقرر مافي شي من المريخ
وبنتمنى التوفيق للكل 

انا حبيت كتير هادا الموضوع لاني كنت خاف كتير من الدكتور وضاح ومادة الشعر لدرجة اني من كتر ماخفت منه ماقدمت رضيت ادرس المادة ابدا ب سنة تالتة وطبعا رسبت بس تخيلو مارضيت ادرسها قد ماخوفونا منو  بس بعد انقطاع سنتين عن الدراسة بسبب الزواج والحمل  رجعت وقدمتها بس هالمرة درستها ورفعتها من اول مرةوعرفت انو اسلوبو حلو وممتع وبس تعرفو شو بدو فورا بتنجحو عندو  وع فكرة انا هلا عم ادرس شعر رابعة عند باسل مسالمة لقيت فرق كبير القصيدة عند وضاح بتنرسم بذهنك للابد بس مع وضاح بكن شوية تعب  اسفة ع ني طولت عليكن حبيت بس فيد وشكرا

الحقيقة أنا مو بالبلد وماحضرت ولا محاضرة هي السنة بس بالنسبة للدكتور وضاح فأسلوبو حلو والافكار بالمحاضرة مرتبة
بس بيحس الواحد أنو المادة مقررة عليه
يعني الحقيقة الكتاب مطلوب وحياة الشعراء مقررة وعدد الاسثلة 40سؤال بالامتحان يعني الغلطة بكفرة
بس الحقيقة واضح أنو الدكتور فهمان شو عم يطلب لانو طالب السنة التالة لازم يعتمد ع حالو شوي بقى


بالنهاية يارب ننجح كلنا بالشعر

بالنسبة للدكتور وضاح فعنجد انا افتقدت له
هلق عم ناخد شعر بدون ما تفهم القصيدة عن شو ولا حتى الفكرة تبعها
مجرد اختيار بعض الابيات واستخراج الصورة اللي فيها ...
بالمختصر - الله يرحم ايام التالتة وايام وضاح- كان يعطي المادة بتفاني والواحد بيطلع عرفان عن شو القصيدة ... صحيح اسئلته أيام صعبة بس كمان بتكون فهمان كل شي قبل الفحص ..

لك ولله أنو الدكتور وضاح الخطيب هوه أفظع دكتور بالجامعة كللا و هو الوحيد يللي عرفان يدرس .. و هوه عنجد بيدريس بضمير ..

دكتور مميز بكل معنى الكلمة ومهما حكينا شهادتنا فيه مجروحة...شوية تحضير قبل المحاضرة وبتستمتعوا بالشرح والأفكار المدروسة والنكتة الذكية يلي بتحضر باللحظة المناسبة...ونيالكن عن جد استمتعوا بكل لحظة لأنها مابتنعاد وموفقين..

عفكرة الدكتور وضاح فخر لكل جامعة دمشق  ووجودو  بقسم اللغة الانكليزية خلا القسم شوي مقبول.....
حاجة بقا زهقنا من الدكاترة المستهترين يلي بيحطوا أسئلة من قفا ايدن تلت رباعها أخطاء... وما بدي اذكر أمثلة بلا فضايح.... ومنيح انو الدكتور عمار صندوق بيعرف هالشي كتير منيح... وبتمنى يكون في رقابة عالأسئلة هالفصل بما أنو انخفض عدد المواد للنص....
وكل واحد بيحكي عالدكتور وضاح بيكون إما فاشل إما فاشل
يعني ما بعرف حاسة الجيل تغير ومعظم طلاب التالتة بيوافقوني والدليل الردود اللي قبلي.
ياريت يعطينا كل المواد بركي بصدق حالي شوي اني عم أدرس (أدب انكليزي)

سلام
شفت اسم الدكتور وضاح الخطيب و ما قدرت ما أشارك
انا كتير كنت خايقة من المادة تبعو بالسنة التالتة بس حطيتا براسي و قلت اذا ما رفعتا هلأ ما رح رفعا بعدين ....الدراسة بتعتمد عالكتاب بشكل كلي ادرس كل شي بالكتاب كلمة كلمة و حرف حرف و اذا ما نجحت بكون ما بفهم  شي .. و عفكرة المادة ممتعة جدا و مسلية و من أحلى المواد اللي درستا بالجامعة
نسيت قلكن انو الدكتور وضاح كتير مزوح و مو جدي متل ما عم تقولوا ...انا بحترموكتير و بوجهلو شكر كتير كبير على جهودو...بيكفي ما كان يلقمنا كل شي تلقيم و خلانا نتعود عحالنا شوي
طريقتو بالاعطاء كتير حلوة و ذكية
عنجد بشكرو من قلبي

سبحان الله على هالدنيا !!!!
الواحد مننا لما بينجح بجدارة وبيسطع اسمو بس الناس وخاصة بين الطلاب مابيخلص من اللت والعجن من أعدائو !! وخاصة الدكتور وضاح الخطيب !!!
الدكتور وضاح علم رائع من أعلام قسم اللغة الانكليزية...أنا شخصيا بحترمو وبعزو كتير ..
هو الدكتور الأول يللي خلانا نتعامل مع الكتاب الأكاديمي بشكل مباشر....
قمة بالتدريس على أصولو الحقيقية.... خلاني أعرف شو معنى الدراسة ودراسة الأدب بشكل خاص.... ساعدني من خلال طريقة دراسة المادة على ترتيب أفكاري ومعلوماتي السابقة بالنسة للعصور والشعراء..  بفضلو بعد الدكتور باسل المسالمة لما كنت سنة اولى( على ايديه اتأسست بالشعر) حبيت مادة الشعر
أسئلتو مالها مستحيلة الحل أبدا.. الواحد مننا اذا عرف كيف يدرس بشكل صحيح ممكن ينجح وبعلامة عالية
ويللي بيقول ( وضاح و وضاح و أسئلة وضاح وشو بيعرفني) بيكون  واحد مالو مستعد يحرك مخو ولو شوي
موفئين

الدكتور وضاح كتير منيح ومن أحسن الدكاترة عنا بالجامعة أنا جبت 77 لا تخافي ابدا من المادة بس نصيحة ادرسي من الكتاب ولا تقربي على المحاضرات
وبالمناسبة اسئلة الدكتور وضاح كتير واضحة والجواب على السؤال واضح جدا يعني بس درسي وبسهولة بتجيبي فوق السبعين بنتمنى كون ساعدتك بشي
بالتوفيق