هلا انا بحياتي ما شفت حدا عم يحكي عن حالو متلك أنا انشالله ما انحط عالمايك لأني ما بعرف احكي عن حالي
ونحنا عم نستناك أميرة لا طولي علينا

سلاااااااام
hala,,,,, ما كنت بعرف انك طباخة ماهرة
بس ما بنصدق لندوق
لازم تعمليلك شي طبخة وتجيبيها عالكلية
وخليها بشاميل لانها اكلتي المفضلة
شو نستنى العزيمة؟؟؟؟؟؟  

بوعدك بس يصير معدلي 99,9 بعزمك أحلى عزيمة

معناتها رح استنى كتيييييييييييييييييييييييييييييييييييييييييييييييير
بس تعزميني رح يكون ما ضل عندي سنان لاكل البشاميل

السلام عليكم ورحمة الله وبركاته

جمعة مباركة


بصراحة مالي عرفانة بشو بلش...

حأبدا بشوي عن حالي والأشياء يلي بحبها....

حساسة كتير...وحساسيتي الزايدة كتير بتعملي مشاكل..
بس هلأ عالجامعة بلشت تمسح شوي...

بحب النظام والترتيب...والالتزام عندي بالقوانين شي أساسي...
ما بعرف ليش..ََ

بحب كل شي مثالي ...ولو أنو هالشي بعيد عن الواقع...بس مو بإيدي..

نزقة وبدي كل شي يصير بسرعة... باعتبار عصرنا هو عصر السرعة

شعاري الدائم:
((ابتسم تبتسم لك الحياة... ))

اجتماعية وبحب أتعرف على ناس كتير...

طيبة وبتعامل مع الناس بقلب كبير وبتمنى يعاملوني بالمثل..

عندي كتير طموحات وأحلام...بعرف يمكن ما تتحقق كلها بس حلو الواحد يحلم..

ليش فتت كلية الصيدلة؟؟

بصراحة ما بعرف...
بس هلأ مالي ندمانة أبداً

الفرع يلي كان ممكن فوتوا بدل الصيدلة هو هندسةالعمارة...

بحب كتير التصميمات والرسوم ...

اللبس والملابس من اهتماماتي وبحس أنو بتعبر عن الشخصية نوعاً ما...

بحب الطبخ..
بس لسا ما صرت شيف متل هلا...

أنا اختصاصي حلويات ...



العلم والثقافة إلو حيز كبير بحياتي...ويعد من أولوياتي...



يلا حاجة هلأ...

سنعود بعد قليل....

عدنا ....

مسالمة نوعاً ما...يعني في استثناءات ببعض الأحيان..

جدية...وهي كمان عم حاول خففها شوي..لأنو لازم الواحد يكون مرن بحدود..

بهتم بالتفاصيل الدقيقة ....وبحب كل شي يكون على أكمل وجه..

بحب جرب شغلات جديدة وغريبة ...وبحب المغامرات...

وأهم شي المشاوير...سواء العائلية أو مع رفقاتي..

ما بحسن ضل قاعدة بالبيت...

هواياتي:

بالمرتبة الأولى...

السباحة..

بحبها كتير من وقت ما كنت صغيرة...وبحب كل شي إلو علاقة بالمي..

يليها:

كرة السلة...

بحسها ممتعة  وبتسلي...

بحب الأعمل اليدوية ...متل صناعة البطات  ...
صناعة الأساور  من خيطان وشغل الصوف...والورق والأشغال ..وعندي عدة كاملة لكل واحدة من هدول...

بحب القراءة...بس أحياناً بديق خلقي من الكتاب وببطل كمل...

بحب السفر والاستكشاف...
بس لهلأ ولا مرة ركبت طيارة...



يتبع...

     

بصراحة ما كنت متوقع أميرة تحكي بهل الأسلوب المرن وهل تفاصيل هي

يلا ... كل مالنا عم نكتشف شغلات جديدة فبكم مع أنو ألي سنة بعرفكم