رد مشاركة : مين قدك المايك بيدك

24-10-2010 01:51 PM

((لوتس وعائلتها))


أنا ترتيبي بالنص (( خير الأمور أوسطها )) 

شبين أكبر مني  ..وشب وبنوتة أصغر مني 

علاقتي مع أخواتي الشباب ما كانت قوية 

حتى أنو بتذكر لما كنا صغار كنت كتير أتخانق معهن لأني كتيــــــــــــــــر فسادة 

ومافي غير أفسد عليهن وياكلو أتلة من بابا وماما   

بس هلأ أوووووووووووه 

الكل بيحسدنا ((سمنه على عسل ))

أنا ما درست هون درست بالسعودية    وهلأ أجيت لهون بفترة جامعتي 

بس أخواتي الشباب سبقوني 

وصرنا كتير نحكي عالنت لما أنا ضليت بالسعودية وهنن أجو عسوريا 

  وقلن همومي فصارت علاقتي معهن كتير قوية   

حتى أنو الكل بقلي نيالك 

فالله يخليلي ياهن ((ويخليكن أخواتكن ))

وهلأ عندي أخ بكلوريا (( الله يكون بعونو ))

وأختي المدللــه رنودة يلي عمرها 5 سنين ((لما حدا يشوفنا بفكر أنو هي بنتي ))

هالبنوتة أجتني بعد 12 سنة بس بمووووووووووووت أذا صرلها شي

  وعندي ياها بالدنيا 

وبالنسبة لبابا وماما فما عندي أغلى منهن

صحي معذبتهم ومشيبتلن شعراتن ((الله يخليلنا صبغات الشعر  ))

  بس  ما بسوى شي بلاهن 

الله يخليلي ياهن  ويخليلكن أهلكن

وهي لمحة بسيطة عن عيلتي .............

« عرض آخر مواضيع العضو »

---

علمتني الحياة ان لا اسرف

بحزني و فرحي

لان الحياة

لا تتم على وتيرة

واحدة   

رد مشاركة : مين قدك المايك بيدك

24-10-2010 01:55 PM

((قصة كتير عجبتني ))

خلينا ناخد فاصل ....     (كرمال ما تملو مني )

في قصة قرأتها
كتير حبيتها وأثرت فيي
رح أحكيلكن ياها ....

في زمان غير زماننا
وربما
في مكان غير مكاننا
كانت الحيوانات و النباتات تتكلم
وفي ذلك الزمان
وقعت قصة غريبة
وحسب ما جاء في الحكاية
أن عصفوراً أحب وردةً بيضاء
فقرر أن يصارحها بحبه و أن يخبرها بمشاعره
ولكنها كانت تصده و ترفض سماع ما يقول
ومع ذالك لم يمل و لم ييئس
فواصل المحاولة
وذات يوم
قالت الوردة للعصفور تعال اليوم سوف أستمع لحديثك
فرح العصفور
واقترب من الوردة البيضاء
وصارحها بمشاعره النبيلة والصادقة
استمعت الوردة لحديث العصفور بغرور و تعالي
كانت تريد أن تتسلى بالعصفور ولم تكن تعني ما قالت
وعندما أنها العصفور حديثه
نظرت الوردة إلى العصفور باستهتار
وقالت أنا لا أحبك
و واصلت استهتارها بمشاعره
وقالت عندما أصبح وردة حمراء سوف أحبك
صعق العصفور من رد الوردة فعجز عن الكلام
ولكن
دموعه تحدثت عندما سالت
ابتعدت الوردة البيضاء عن العصفور وهي تضحك
غير مبالية بدموع العصفور ولا بمشاعره الصادقة قبل ذلك
وظل العصفور في مكانه ولم يستطع الحراك
كانت الدهشة تعقد لسانه وتشل حركته
وفي تلك الأثناء أنقطع أحساس العصفور بمن حوله
فلم يعد يشعر إلا بالكلمات الأخيرة للوردة البيضاء وهي تتردد في أذنيه
عندما أصبح وردة حمراء سوف أحبك
أصبح وردة حمراء سوف أحبك
وردة حمراء سوف أحبك
حمراء سوف أحبك
سوف أحبك
أحبك
وفجأة
أنطلق العصفور بسرعة عاليه
و هو يحلق عاليا في السماء
حتى إذا ما رتفع
أنحرف راجعاً إلى الأرض مسرعاً
وهو يتجه إلى شجيرة الأشواك
وعندما أقترب من شجيرة الأشواك
ارتمى في داخلها وهو ينتفض
غير مبالٍ بالأشواك اللتي كانت تخترق جسده الصغير وتمزقه
وبعد برهة من الزمن
خرج العصفور من شجيرة الأشواك
وهو ينزف
وطار بصعوبة
كل هذا كان يحدث على مرأى و مسمع من الوردة البيضاء
طار العصفور رغم الألم والجراح
طار وهو ينزف
حتى إذا ما أصبح فوق الوردة البيضاء
أخذ يحوم حولها
ودمه يتساقط فوق أوراقها البيضاء و الناعمة
كانت الوردة تشاهد وتشعر بما يفعل العصفور
ولكنها لم تستطع أن تتكلم أو أن تتحرك
ظلت واقفة في مكانها
تشاهد لونها الأبيض الناصع وهو ينقلب للأحمر القاني
وفجأة
وقع العصفور أمام الوردة
ونظر لها مبتسماً وهو يحتضر
وقال الآن أصبحتي وردة حمراء فهل تحبينني
حينها فقط
أدركت الوردة كم أحبها العصفور
ولكن
بعد فوات الأوان

             

« عرض آخر مواضيع العضو »

---

علمتني الحياة ان لا اسرف

بحزني و فرحي

لان الحياة

لا تتم على وتيرة

واحدة   

رد مشاركة : مين قدك المايك بيدك

24-10-2010 02:16 PM

 
    (( لوتس مع كليتها ورفقاتها ))

مممممممممممممم

تقريبا تعودت عالكلية بس لسع في خوف   بالنبسة للمواد وكيف بدي

أدرسهم          ((الله كريم ونعم بالله ))

والطلاب يلي فيها أكابر وخصوصا تبع المنتدى بجننووووو   

بالنسبة لرفقاتي ..

فهلأ أقرب شي لألي رؤى وسلفر

وبتمنى نضل هيك عطووووول والله لا يفرقنا 

بنتين بجننو 

بالنسبة لرؤى تعرفت عليها  بأول يوم بالجامعة

صحي هي مو بفئتي بس حظي كتير حلو لأنو بشوفها

بعملي التشريح لأنو فئتي وفئتها سوا   

بنت كتير أكابر وحبابة شخصيتها حلوة و قوية

وبيعتمد عليها 

بس فيها شغلة أنو بتشلئ الدنيا كلها (( بس بطريقة حلوة وعفوية  ))

بالنسبة لسلفر تعرفت عليها عالمنتدى

وهي بفئتي ((فوين ما بروح بلاقيها بوجهي  ))

كتير طيوبة ومهضومة وبتحب الفرفشة

بس نقاقة درجة أولى ((صحي كلنا هيك بس هي قدوتنا بهالشغلة ))


(( الله يوفقهن يا رب ويخليلي ياهن ))   

  بس بتمنى أنو هنن يكونوا مبسوطين معي

فشو صبايا    

« عرض آخر مواضيع العضو »

---

علمتني الحياة ان لا اسرف

بحزني و فرحي

لان الحياة

لا تتم على وتيرة

واحدة   

رد مشاركة : مين قدك المايك بيدك

24-10-2010 02:22 PM

    ((لوتس مع الصداقة ))


ممممممممممممممم

هلأ أنا كتييييييييييير بقدس الصداقة 

وبحسها أحلى شي بالدنيا كلهــــــــــــــــا   

لأنو الواحد ما بيقدر يعيش من دون أصدقاء

وخصوصا أذا كانوا أوفيـــــــــــــــاء وصادقين معك ...  

في قصة كتيــــــــــــــــر حبيتها عن الصداقة

رح أتركم معها ..............


قال الجندي لرئيسه :

صديقي لم يعد من ساحه المعركه سيدي..
أطلب منك الإذن الذهاب للبحث عنه ..

الرئيس:

' الاذن مرفوض '

و أضاف الرئيس قائلا :

لا أريدك أن تخاطر بحياتك من أجل رجل من المحتمل أنه قد مات

الجندي:

دون أن يعطي أهمية لرفض رئيسه .
ذهب وبعد ساعة عاد وهو مصاب بجرح مميت حاملاً جثة صديقة ...


كان الرئيس معتزاً بنفسه  :

لقد قلت لك أنه قد مات ..
قل لي أكان يستحق منك كل هذه المخاطره للعثور على جثته ؟؟؟

أجاب الجندي ' محتضراً ' بكل تأكيد سيدي .. عندما وجدته كان لا يزال حياً،،
واستطاع أن يقول لي :

( كنت واثقاً بأنك ستأتي )


_____________________________________________________
______________________________________________

الصديق الحقيقي ...هو الذي يأتيك دائما حتى عندما يتخلى الجميع عنك

الصديق الحقيقي : هو الصديق الذي تكون معه , كما تكون وحدك ..
أي هو الإنسان الذي تعتبره بمثابة النفس .

الصديق الحقيقي : هو الذي يؤثرك على نفسه و يتمنى لك الخير دائما .

الصديق الحقيقي : هو الذي ينصحك إذا رأى عيبك و يشجعك إذا رأى منك الخيرويعينك على العمل الصالح .

الصديق الحقيقي : هو الذي يوسع لك في المجلس و يسبقك بالسلام إذا لقاك و يسعى في حاجتك إذا احتجت أليه .

الصديق الحقيقي : هو الذي يدعي لك بظهر الغيب دون أن تطلب منه ذلك .

الصديق الحقيقي : هو الذي يقبل عذرك و يسامحك إذا أخطأت و يسد مسدك في غيابك .

الصديق الحقيقي : هو الذي يحبك بالله و في الله دون مصلحة مادية أو معنوية .

الصديق الحقيقي : هو الذي يفيدك بعمله و صلاحه و أدبه و أخلاقه
.

« عرض آخر مواضيع العضو »

---

علمتني الحياة ان لا اسرف

بحزني و فرحي

لان الحياة

لا تتم على وتيرة

واحدة   

رد مشاركة : مين قدك المايك بيدك

24-10-2010 02:54 PM

        (( لوتس وأذنها الموسيقية )) 

بالنسبة شو بحب أسمع

  مممممم ...

فمشكل

بالنسبة للأناشيد الدينية بحب أسمع لأحمد بو خاطر والعفاسي

ولكل يلي بينشدو بهالطريقة 

أما بالنسبة للأغاني

فأنا مودي كلاسيكي بس مو لتبع أيام زمان 

هلأ بما أني بحب أشعار نزار قباني

  فبحب أسمع لكاظم الساهر كتيـــــــــــــــــــــــر

متل ..ورح أكتب مطلع الغنية لأنو ما بعرف أسمائهن 

( حبيبتي )  (الى من كانت الأولى بحياتي ) (حبيبي ) (يدك الصغيرة )

(قولي أحبك )

ولماجدة الرومي ....

(يسمعني كلمات ) (ليلي عيشني حبك )

يعني بمختصر بحب أسمع الأغاني الرومنسية الهادية 

« عرض آخر مواضيع العضو »

---

علمتني الحياة ان لا اسرف

بحزني و فرحي

لان الحياة

لا تتم على وتيرة

واحدة   

رد مشاركة : مين قدك المايك بيدك

24-10-2010 02:57 PM

                 

حسيتكن مليوتو مني         

  بس جد هالمايك غريـــــــــــــب أنا شو حاطتلو

بس ما دخلني ليش أعطيتوني ياه

أتحمـــــــــــــــــلوا لألكن     

رد مشاركة : مين قدك المايك بيدك

24-10-2010 03:03 PM

  (( لوتس والمطر ))

هلأ أنا بمووووووووت بفصل الشتاء 

لأنو بهالفصل بينزل المطر 

المطر ........ عندي ياه أحلا شي بالدنيا 

والي ذكريات كتير كتيـــــــر حلوة بأيام المطر

وخصوصا مع رفقاتي      يلي ما عم أقدر شوفهن 

وبيوم ما ينزل المطر بحس حالي مجنونة بتمنى المطر ينزل

عطووووووووووووول وما يوقف 

لأنو حياتي بتحلى فيه ........

وهي قصتي مع المطر 

رد مشاركة : مين قدك المايك بيدك

24-10-2010 03:07 PM

((عضو  ==== .......... ))



رح أكتب لكل عضو صفة أتميز فيها عندي 

أسيل == الرقة والأناقة

إيلان ==الهضامة والروح المرحة

hala==  الطيبة والأبداع

أميرة == الطموح والثقة

هلا == الهدوء والنضوج

رؤى == الجرأة و الشجاعة

سلفر == خفة الدم و المرح +شو مشان

هي البنات ...

أما بالشباب فما كتير بعرفهن بس يلي حفظت أسائهم

حــ$$ـــان ==التعاون وحسن التعامل

حسـام == حب الخير والمساعدة

وأكيد كل الأعضاء خير وبركة بس أكيد بيجي يوم

وبقول رأي بكل عضو   

وبالنهاية

المنتدى ==== أسرة وحدة 

« عرض آخر مواضيع العضو »

---

علمتني الحياة ان لا اسرف

بحزني و فرحي

لان الحياة

لا تتم على وتيرة

واحدة   

رد مشاركة : مين قدك المايك بيدك

24-10-2010 03:13 PM

أكيـــــــــــــــــــــد عم بتقولوا

(( شو مشـــــــــــــــــــــــــــــــــــــــــــان ))

         

أسفة طولت عليكن كتيــــــــــــــــــــــــــــــــــر

بس جد أنا أستمتعت 

بتمنى أنكن تكونوا أستمتعتوا معي 

وهلأ أنا أنتهيـــــــــــــت وصار فيكن تعلقوا علي للساعة 11 

وخدوا راحتكن

بتحمل النقد أنا 

هلأ مشان العضو يلي بعدي فحابة أكسر الروتين 

وحط شب محلي 

فمشــــــــــــــان هيك

  رح حط

          حـــــــــــــــــ$$ــــــــــــــــان 

فأهلا وسهلا

والمايك معك ... مين قدك

« عرض آخر مواضيع العضو »

---

علمتني الحياة ان لا اسرف

بحزني و فرحي

لان الحياة

لا تتم على وتيرة

واحدة   

رد مشاركة : مين قدك المايك بيدك

24-10-2010 03:26 PM

السلام عليكم

شو وردة اللوتس
المايك أخر رواق ......

اقتباس

بحطو على كتافي وبكتنلو كل أحترام

بس لما شخص يغلط علي أكتر من مره فهون بنقلب فوقاني تحتاني

كأنك عم تحكي عني 

اقتباس

لأني عفوية وبرفع الكلفة مع الكل ((مو هيـــــــــــــك ))

وخصوصا أنو أجتماعية كتييير

عفويتك كتير حلوة وبمكانها .......

اقتباس

حتى أنو بتذكر لما كنا صغار كنت كتير أتخانق معهن لأني كتيــــــــــــــــر فسادة

ومافي غير أفسد عليهن وياكلو أتلة من بابا وماما

ولي منيح يلي ما كنت أختي
كنت


المتعارف عليه عندي أنو الكبير هو الفساد (( يعني أنا  )) وما حدا بيسترجي يقول شي  ...... لانو روحو مهددة بالخطر 
ولهلأ اختي عم تعاني من استبدادي وظلمي 
ما بينعطوا وجه 

اقتباس

صحي معذبتهم ومشيبتلن شعراتن ((الله يخليلنا صبغات الشعر ))

ماتزعلي الحال من بعضو 


القصة كتير معبرة يسلمو كتير 

لي عودة بإذن الله 

سلااااام

صحيح لاتحكي كتير مشان ما ينبح صوتك