لعيونك حبيب.. انت فصل و السنة التانية كلها بتلبس

انت بس خبرني شو ساوي و لعيووووووووووونك

و أنا باذن الله رح كون من أوائل الموقعين

بس شو رأي الشباب انو يكون التوقيع على قوائم الأسماء منشان يقتنع السيد العميد انو الكل موقع و ماننا مألفين شي من عندنا؟؟

آسف على التأخر بالرد

بس أكيد أنا معكون وجاهز لأي شي ممكن ينطلب مني

وان شالله بنطلع بنتيجة بالنهاية

عذرا على التأخير....ولكن النت هو السبب....شلل في شلل


بما أن الآراء تمحورت حول كتابة العريضة في البداية ليكون هناك جدية أكثر


سأنزل عند رغبتكم أخوتي وأخواتي....وشكرا لكم جميعا على المشاركة وعلى الجهود التي بذلتموها في هذا الصدد


ولا يسعني إلا أن أقول


جاري كتابة العريضة....



وستكون قابلة للتدقيق والتعديل من قبل الجميع بعد التشاور....ومن ثم هي بحاجة لمجهودكم


أتمنى ألا يطول غيابي عليكم....لأن الأيام القادمة ستكون متعبة لي ولكم بخصوص المواد والمشاريع



مجد

انا معكون 1000000000000000000000000000000000000000000000 بالمية بكل شي بدكون تساوو ه

وبالنسبة للتوقيع فانا بوقع ومستعدة امنلكون تواقيع رفقاتي كمان اذا بتحبو

والموضوع مهم جدا واذا ما تكاتفنا وكنا ايد وحدة فما رح يكون في اي جدوى من الحكي

يعني الخلاصة علامات العملي موضوع بهم الكل وبالتالي لازم يهتم الكل فيه ويوقع عليه لا سيما وانو كلنا وبدون استثناء انظلمنا بعلاماتنا

والله يسلم ايديك يا مجد عل الموضوع الاكتر من مهم

بس في نقطة مهمة لازم نعرفها وانت اكيد بتعرفها قبلنا كلنا مفادها انو نحنا ما فينا نتجاوز الهيئة على الرغم من انها ما بتساعدنا ولا مرة بشي بس العلة انو العميد وقت اللي منروح لعندو رح يقلنا رفعوا الموضوع للهيئة

(هادا الكلام مو لالك للطلاب اللي بيعارضوا فكرة وضع العريضة عند الهيئة )

وبشكرك مرة تانية عل الموضوع

شكرا على هالخطوة يلي كان لازم تصير من زمان


يعني اذا حدا عااااانى من العملي بكون انا ودفعت تمن هالشي السنة الاولىبكاملها    

وهلأ انا سنة تالتة وعم عيد 4مواد عملي مو مشان احصل على 28أو29 لا سمح الله

بس لحتى وصل للعشرييين

لا تقولو عم بالغ بس عنجد اعلى علامة عندي 14

مع العلم اني داااائما علاماتي بالنظري بتجي متل رفقاتي بس هنن بينجحوااا وانا


يلا الحمد لله والله بقولها من قلبي لأنو الشكوى لالو وحدو والفرج منو كمان بقا بصراااااااااااااااااااااااااااحة مابهمني اذا ردوا ععريضتنا او لاء
         

شكرا  الك مجد عطرح الموضوع مع انك هالسنة تخرج ورح تترك الشقا عمين بقا

عذرا عالطالة بس فرصة لحتى فضفض شوي
__________________________________________________

نحنا كلنا جاهزين ورح نوقع



                                           
                                 

.........................................................

bashoura

شكرا الك عالمشاركة و الله يسلمك



التواقيع.....مهمة ولكنها ثانوية



المهم انو يكون في استمرارية من الطلاب والحاح ونق....لأنو بالنهاية هالشي لمصلحتن...واذا  خارت عزيمتن...منكون ما استفدنا شي



أما غير هيك.....فما رح يكون في نتيجة





***************************************


جودي أبوت


لا شكر على واجب أختي....


معاناتك وصلت....وهدف موضوعي بيخدمها بالتأكيد



كلي إيمان بأن كل شيء بيد الله عز وجل....لكن علينا فعل واجبنا ثم التوكل على الله



أختي الكريمة لما بكون سنة خامسة وعم حاول اعمل شي أنا أقل المستفيدين منو....بكون أكيد ما تركت الشقا على مين بقى......لأني معكون هلأ و بكرا وللسنة الجاية....بس المهم انتوا تكونوا قد وقفتي معكن




**************************


pure_m



خير الكلام ما قل ودل......بتمنى تكونوا جاهزين....لأنو هاد حقكون وحرام يضيع




مجد

اسفة اذا فهمتني غلط و انا مقدرة هالخطوة منك بس هيك والله بحس انو كل يلي بيتخرج محظوظ وبضلوا هالطلاب عم يتعتروا هيييييييييييك لحتى يتخرجوا ويدخلوا
الحياة العملية

.............(ومن هون اجت كلمتي تركت الشقا عمين بقا) ............................................

( .......... دائما بحاول ما اتفزلك بس غصبن عني )............................................

.يمكن عم بالغ شوي بس بصراحة تجربتي بها الكلية مع المواد, الطلاب "بقصد الطالبات" , الاساتذة ما بتخليني اتفاءل اكتر من هيك ........

بس الحمد لحد هلأ متقبلة الوضع وبحب كليتنا اكتر من اي كلية على الرغم من كل هالتناقضااااات

واكبر دليل انضمامي للعيلة

عجبتني "مثقفة بدرجة جيدة نسبيا"    

وعلى فكرة نحنا قدها وقدود 

وبدنا نوقع


تقبل مروري واسفة

اقتباس

بتقديم عريضة موقعة من طلاب السنوات الأولى والثانية والثالثة والرابعة والخامسة تكون مدعمة بالأسباب المقنعة والمنطقية

بحب ذكرن انو اثناء التسجيل في الجامعة و توقيعنا ع الاتفاقية
في مادة بتقول ممنوع تقديم عريضة من الطلاب و المظاهرات
ياريت تارجعوا شؤون الطلاب مشان هيك امر

اخي مجد كلنا معك بهيك امر 100 ب المية
بس ما بدنا نضيع وقتنا بدنا يكون العمل منظم
انا برأي تسال شؤون الطلاب عن العريضة
لانو ممنوعة و انا متاكد