شو مشان صرلنا تقريبا أسبوووووع و ماحدا ضاف لا موضوع ولا تعليق؟؟؟  يعني نحنا لازم نكون أحسن من باقي المنتديات مو هيك؟؟
لذلك حدا يعطينا شي موضوع خرج النقاش !!
ولّا قلكن أنا رح بلّش ..
بدي كل واحد يقول بصراحة ليش اختار فرع الطب البشري؟؟
يعني مشان أهلو؟؟ ولّا مشان العالم ؟؟ ولّا لأنو بحب هالمهنة؟؟
و بدنا أجوبة صريحة و بلا غش !! 

والله انا جاهز وعم دور ع شي محرز للسنة الاولى بس ماعم لاقي...
وباقي الاعضاء ماحدا عم يتحرك...
منرجع للسؤال الأزلي بكل المنتديات الطبية....
انا والله منذ نعومة اظفاري حابب صير دكتور عينية
بس حسب ماشفت حالات الفشل المرافقة للبكلوريا وانو ازا ماعدتيا او رسبتي مابيمشي الحال
اقنعت حالي بالمعلوماتية وفتت ع البكلوريا بس بنهاية البكلوريا لقيت حالي طلعت ماشي حالي فيا قمت قررت فوت اسنان لو شو ماطلعلي
بس بعدين طلعلي طب بشري ومع اني مقتنع 100% بالاسنان بس طمعت كتير....انو حرام روح ع حالي ست سبع علامات عالفاضي
وهيك فتت ع كليتنا العزيزة يعني مافي لا حب ولا شي.....بس حلم وحققتو
هو الحلم كان سببو اني بلاقي انو الطبيب نجاحو بالحياة مضمون ع كافة الاصعدة
و.....بس
هاتي لنشوف انتي ليش فتي عالطب؟؟

يعني والله كأنك عم تحكي قصتي بالتفصيل الممل .. بس الفرق أني بدال المعلوماتية كنت حابة صيدلة .. بس متل ما قلت بعد الفحص اقتنعت تمام بطب الأسنان .. و نفس القصة .. ما قدرت استغني عن هل كم علامة .. فحققت حلمي القديم يللي استغنيت عنو بسنت البكالوريا !!!