شو من شان أنو ماحدا ردلنا خبر عن الدكتور النوري وشو حكا
زعلتوني وماصرلي كتير مشاركة
وحابة تكتر المشاركات ب مناقشة المواد الأمتحانية حتى نعرف شو ندرس

طولي بالك ديانا 

ليش  هيك كتير  اكلة هم  ؟؟؟؟؟؟

ما في  شي  بيستاهل     

زميلة ريم و زميل كنان شكراً لتجاوبكم ^^

حالنا يازميلة إنو الحمدلله مو متلكون فايتين بالحيط .. لأنه مابقي حيطان أصلاً فصرنا نفوت بالكتب ( ألف حيط )

و أنا و زملائي السنافر عم نفكر بتأجيل بعض المواد للصيف و طلاب السنة التانية ضد أفكارنا و عم ينصحونا بإلغاء هالمشاريع ( الكبيرة علينا )

و الحالة يُرثى لهآ والحمدلله ^^

منتوكل ع رب العالمين و ان شالله خير .. دعواتكن


~~~

و إنتوا إحكولي عن أحوالكن الإمتحانية و تحضيراتكن ؟

وبالنسبة للمشاريع .. في شي بيشبه مشاريعنا ولا نحن متفائلين زيادة عن المعقول ^^

موفقين ~

أهلين نسمة...

اقتباس

و إنتوا إحكولي عن أحوالكن الإمتحانية و تحضيراتكن ؟

أحوالنا...

بتعرفي انتي الكمية كتييير كبيرة و مافي وئت أصلا ...

يعني شلون بدو يمرؤ هالفحص ما بعرف!!!



أما بالنسبة لتأجيل المواد...انا ضد هالفكرة ...و رح أدم كلشي و شوف شو بيطلع معي...

تسلمي مس نايس .. كلامك صح

رح أعمل الي متطمنتله برغم إنو الأغلب ضده !


~~~


أهلين فيكي زميلة ريم ^^

إنو يمكن إنتي ضد فكرة التأجيل لأنه ماعم بتفكري بقضية (المعدل )  ..

بس نحن كَون تقصيرنا الملحوظ  ( سامحناالله و أبعدنا عنه في المرة المقبلة^^) تقريباً أغلبنا عم بيفكر بهالطريقة ..


و في جانب آخر عم بيفكروا بإنه ( اللهم النجاح و الخلاص ) متل حضرتك, و يابتصيب يا بتخيب ^^

و عنجد لا تشيلي هم .. بس توكلي ع رب العالمين و اعملي الي بإيدك ( ولا يكلف الله نفساً إلا وسعها )

وعسى كلياتنا ناجحين و موفقين

..

هلأ خلصتوا دوام بالجامعة ولا مازالت المحاضرات مستمرة !

وكيف برنامجكن الإمتحاني ؟

نسمة ،

اي خلصنا دوام ،، وانتو ؟

برنامجنا الامتحاني هيك:

احد ثلاثا خميس ، احد ثلاثا اربعا ، اثنين

المواد بالترتيب :

بيولوجيا خلية ، عربي - رياضيات ، كيميا - تشريح - انجليزي ، بيولوجيا نبات

وانتو شلون برنامجكن ؟


----

سيلفر ، رأيي متل رأيك

خلينا نقدّم ونشوف شو بيطلع بإيدنا ..

والله يوفقنا كلنا

اقتباس

إنو يمكن إنتي ضد فكرة التأجيل لأنه ماعم بتفكري بقضية (المعدل )  ..

امبلا... عم فكر فيها...بس يعني بركي اجت الأسئلة كتيييير سهلة و ما بدها كتيير دراسة؟؟



خلص هيك بكون عملت يللي عليي...و ما قصرت بس لمجرد افتراض...

اقتباس

سيلفر ، رأيي متل رأيك

خلينا نقدّم ونشوف شو بيطلع بإيدنا ..

الله حيو...

عنجد  لازم نقدم كل شي هلأ 


ويلي بيطلع معنا يطلع     

اقتباس

سيلفر ، رأيي متل رأيك

خلينا نقدّم ونشوف شو بيطلع بإيدنا ..

أحلى شي التعاون

وانا نضميت الكم

       

مرحبا....

طلعت علامات التشريح....حدا جابن؟؟؟

و ازا حدا شافن...كيف لائيتوهن...عاليين و لا  ..؟

انا ما ائدرت جيبون...  

يعني راحت معي لبكرا...