hala
شكرا كتير الك بس والله حاسة اني ما رح اقدر جيب معدل عالي ما بعرف ليش

اقتباس

طمنوني كيف بيولوجيا النبات ..

الدكتور سمير النوري ما عطانا شي بس لمحة وتعليمات عامة
اما العملي فعطتنا دكتورة ما بعرف شو اسما (نسيت) بس المحاضرة كانت حلوة وبنفس الوقت فيها شوية صعوبة لانو اول مرة منستخدم مجاهر لحالنا بس في دكتور كتير ساعدنا بالعملي وتعب معنا كتير ودار علينا طالب طالب لحتى اشتغلنا كل شي صح

مرحبا أخت هلا

اقتباس

نمت بالمحاضرة وقت فقت لقيت اخدين 30 صفحة .... كانت لح تجيني الجلطة 

و الله و أنا كمان نمت بالمحاضرة أنا و رفقاتي             

اقتباس

لا ترجعي للصفحات يلي درستيهم بعد ما تخلصي

من ناححية الإعادة لا توصي حريص          

اقتباس

طمنوني كيف بيولوجيا النبات

مشان بيولوجيا النبات أنا بصراحة كنت اعدة ورا مشان هيك ما سمعت شي بس باينتو الدكتور حباب          

مرحبن

كيفكم؟؟؟ وكيف العربي معكم ؟؟؟

على زماننا كان النق شغال بس على الحيوان .. هلأ ماشاء الله وكان حيون ونبات 

............

مشان الدكتور معروف ...

نصائح عامة:

1- لا تحضرو المحاضرة .... (من الآخر )
2- مو ضروري تمشو مع الدكتور ... يعني إذا أخدتو 60 صفحة بالمحاضرة لا تقولو بدنا نخلصها قبل المحاضرة الجاية   ... ساعتها دماغكم بطق قبل ما تخلص النسة  
3- لا تحفظو بصم .. تمسكو الكتاب ويلا يلا ... المهم تفهمو الفكرة ... والأهم شغلة تانية قبل الفحص وقت تتعرفو على نظام الفحص الفظيع اللي عنا بتفهموها لحالكم

.......ملحوظة على الهامش: وفرو نشاطكم للدكتور عبدو عطايا

......

مشان النبات .. ما بنعرف الدكتور سمير النوري ... بس هوة رئيس قسم العقاقير يمكن    ... نحنا على زمانا كانت بس الدكتورة ابتسام مستلمة المادة ... ووقتها (لا تنصدمو ) أخدنا كل البلوكة اللي بين أيديكم ...

بشكل عام الكلية بدها شغل وتعب ودراسة .... بس بنفس الوقت لا تقبضوها كتييييييييييييييييير ... بتضل أخف من الباكالوريا

........

مشان المجاهر ... كمان عادي ... كل واحد فينا مر بهيك ظروف ...

بتصدقو أنا لنهاية الفصل التاني (يعني بنهاية جلسات النبات العملي) لحتى قدرت دور على المحضر بطريقة جيدة 
.............

ملاحظة هامة جداً

درسو عملي من هلأ ها ... بكرة بصير في مذاكرات ... نحنا كنا مفكرين العملي تسلاية   ... بس ما حسينا ودرينا إلا المشرفة عم تقول في مذاكرة الدرس الجاية   ... وكمان مشان خوفكم شوي ... أحيانا بكون في مذاكرتي بنفس اليوم ... أو مذاكرة وفحص عملي (متل ما صار معنا)

بالتوفيق على طول ... 

السلام عليكم ورحمة الله وبركاته

كيف الأحوال صيادلة؟

بدكم تطولو بالكم شوي وما في داعي للخوف لهالدرجة....!!
بكرة بتشوفوا أنو المواد يلي عم تاخدوها حلوة بس بدها وقت لتتأقلموا معها...ومعلش اعتبروا حالكم عم تحضروا شي برنامج وثائقي عن النبات أو الحيوان ...يعني انطروا للموضوع على أنه زيادة ثقافة....وهاد الشي بساعد كتير...

بالنسبة لبيولوجيا الخلية...
أول بحث ( مكونات الخلية الحيوانية) يمكن هاد الوحيد يلي بدو حفظ وتركيز لأن كلو معلومات وتعاريف  وبينتسى كتير ...بس بعدين بتشوفوا بقية الأبحاث...بكفي قراءة +فهم...

أما مشان الحضور ...أنا بصراحة كنت أحضر كل شي...بس إذا في نوم بالقصة... ....فيفضل بوقت المحاضرة تطلعوا على المكتبة وتدرسوها...

أما النبات ...فصح الكتاب بلوكة ...بس كمان قراءة + فهم + تركيز على كم شغلة كافية بإذن الله..والحضور ضروري  وبفيد عند د.ابتسام حمد لأنها بتجيب من يلي بتحكي أما عند د.سمير النوري فما بعرف..

ومشان المجاهر ...لا  تاكلوا هم ...معكم معكم بتصيروا بتحضروا كل عينة أحلى من التانية...


وشو بدكم مساعدة نحنا جاهزين...

سلام

hala

اقتباس

انا ما درست غير وقت الفحص وفوقها نمت كتير وضيعت وقت بما فيه الكفاية وبالاخير جبت 70

اي بس على وقيكون كان في مجال قبل الامتحان اما هلأ يوم اي يوم لأ ....ما منلحق نعمل شي


بس يلا شو بدنا نعمل يلي بيدرس وبيتعب بينجح وبمعدل وهاد اللي رح اعملو انشالله
_ _ _ _ _ _ _ _ _ _ _ _ _ _ _ _ _ _ _ _ _ _ _

شكرا كتير حسان واميرة عالنصائح وانشالله منستفاد من تجربتكم 
_ _ _ _ _ _ _ _ _ _ _ _ _ _ _ _ _ _ _ _ _ _ _ _
بس انا ماني شايفة طلاب سنة اولى بالمنتدى غير 3 او 4 طلاب شو بدنا نقضيها هيك  يلا تحركو ؟؟؟

السلام عليكم

اقتباس

بس انا ماني شايفة طلاب سنة اولى بالمنتدى غير 3 او 4 طلاب شو بدنا نقضيها هيك  يلا تحركو  ؟؟؟

هههه.....طبيعي

متل هالوقت بالسنة الماضية ماكان في غير 4 أعضاء...

حسان-حسام-إيلان-آلاء وماكان حدا يشارك..

بس وقت الفحص بلشو الأعضاء الجدد يفوتو وأنا فتت كمان...

والذروة كانت بالفصل الثاني....

يلا إن شاء الله بتكترو وبتتعاونو مع بعض...

موفقين

اقتباس

بس انا ماني شايفة طلاب سنة اولى بالمنتدى غير 3 او 4 طلاب شو بدنا نقضيها هيك  يلا تحركو

عنجد أنا حاسة أنو ما في إلنا وجود بالمنتدى يعني لولا هالساحة ما كنا لقينا و لا طالب سنة أولى عم يفوت عالمنتدى

                               

اقتباس

شكرا كتير حسان واميرة عالنصائح وانشالله منستفاد من تجربتكم

و انا من ناحيتي كمان بشكركن مع هلا على هالنصائح                  

السلام عليكم

طولو بالكم شوي
شو شايفة بلشتو خوف من هلأ
السنة الأولى سهلة وما فيها شي


وبالنسبة للنبات فنحنا ما عطانا ال د.سمير النوري
بس عطانا بمواد تانية

بنصحكم بالحضور لإنو عنجد إعطاء ال د سمير كتييير ممتع (ما بعرف بس أنا بحب هالمادة كتير)
هو بالعادة بيجيب أسئلة دورات قديمة
بس هلأ يمكن ما في لإنو ما درسها قبل هالمرة
وفي أسئلة بتكون من المحاضرات

فإنتو حضرو وشوفو على شو بيركز الدكتور والله بيسر