مرحبا شباب و صبايا
كيفكم؟
عاش مين شافكم
بالنسبة للأوراق المطلوبة للتسجيل فهي كالتالي (حسب الكليات الاخرى):
1 – صورة عن مصدقة التخرج + كشف درجات .
2 – وثيقة تبرع بالدم أو إعفاء .
3 – وثيقة غير موظف أو موافقة الجهة التي يعمل لديها .
4- ( 5 ) صور شخصية .
5- مصنف سحاب .
6- بيان وضع من شعبة التجنيد التابع لها الطالب .
هلأ وقت قدمنا عالمفاضلة طلبوا بعض من هي الاوراق, ما بعرف إذا بدهم ياها مرة تانية,
و بالنسبة لكشف العلامات مو متأكد إذا بدهم ياه أو لأ, بس بكل الاحوال اللي ما عندو ياه يطالعو أضمن, لأنو بفيد بغير شغلات, بتقدموا طلب للديوان بالطابق التالت بالكلية مع دفع 500 ليرة للصندوق و بدو يومين ليطلع, و بس يطلع بنصحكم تصوره شي 4 نسخ و تصدقوه من شؤون الطلاب بالقبو, و بدو يوم لتستلموا النسخ.
بالنسبة للتبرع بالدم أو إعفاء, حتى لو قديم بيمشي الحال حسب القانون, و اللي عندو الوثيقة بدون صورة, يروح يصورها شي 4 نسخ و يصدقها من بنك الدم.
وثيقة غير موظف بتوقع الكل مطلعها, و اللي مو مطلعها فيه يطالعها من البريد المركزي جانب ساحة الحجاز بمنطقة الحلبوني, بيكلف 55 ليرة و بدو صورة هوية و بدو يوم ليطلع.
بيان وضع من شعبة التجنيد, بتاخدوا دفتر الجيش و بتروحوا على شعبة التجنيد, و هنيك بتقدم طلب عليه طابع تبع العشر ليرات و عالماشي بيعطوك بيان الوضع.
بالنسبة للسكن الجامعي:
ما بعرف بالضبط شو المطلوب بس من البديهيات:
1- وصل تسجيل بالماجستير أو صورة عنو مع توفر الاصل
2- سند إقامة من المختار ( و أسألوه إذا بدو تصديق من البلدية) و يحق السكن لكل طالب إقامتو بتبعد 60 كم عن دمشق
3- صور شخصية
بتمنى من الكل يجهز وراقو من هلأ, لسى في وقت للتسجيل
ما قلتلولي كيفكم
مبروك زميلنا الامبراطور على الماجستير و المحاسب القانوني و الله يحلي ايامك
قصي مبروك يا معلم, شفت أنو طلعلك؟
اللورد كيفك يا معلم؟؟
مراد..... الحمد لله دائماً, مبروك الماجستير
ضوء القمر مبروك, إدارة المنتدى شكراً
و عيد قلبي معك, عم ننتظر الضريبية لتطمنا, و الله يوفقك
الزميلة مادلين طلعنا سوا بنفس الماجستير, و هي حظها حلو أكتر شي أنو رح تتعرف عليي من خلال المحاضرات و تستفيد من خبرتي الطويلة بمجال سمير و أخواتو
الله يبارك بالجميع و الله يوفقكم لما فيه خير البلد و أنفسكم
اربطوا الاحزمة
رح نقلع بعد شوي
انت يللي ورا.... شايفك عالمراية
ممنوع التدخين
و هلأ المضيفة بتوزع عليكم حلوان الامبراطور
اهلا و سهلا
شرفتونا
و عقبال ............ ولادكم
صدور علامات الامتحان المعياري
