لو سمحتو في مجال حدا يصورنا نتائج الادارة بللللييز
     

مبروك لجميع الزملاء المقبولين بالماستر هاد العام
و للي ما طلعلهون خيرها بغيرها انشالله الله بيعوض
الموضوع مع انو صار طويل كتير و اول مرة بشوف متل هيك موضوع
بس كتيييير مهضوم هو و كل شخص كتب فيه
بتمنى من القائمين على هاد الموضوع او من الادارة انو تجاوبني عن هاد الاستفسار  و مشكورين سلفا
نظرا لاني مو من الشام و صعبة اني رايح جاي لاعرف المعلومات
انا طلعلي ماستر اقتصاد و الحمدلله
اولا :شو الاوراق المطلوبة للتسجيل يا ترى؟ حتى ما نتعذب و نجي ع الشام و تطلع اوراقنا ناقصة ,
ثانيا : حدا عنده فكرة عن السكن الجامعي ؟ ايمتى التسجيل لسكن الدراسات ؟ و شو الاوراق المطلوبة كمان ؟ و وين السكن باي حي؟ و لايمتى بيستمر التسجيل ؟
في الختام لا تواخذوني لاني طولت  كتير  .... مع احترامي لكل مجيب

ألف مبروووووك لجميع الزملاء بدون استثناء
الامبراطور- مراد -مجد- قصي- لورد- أبوكمال-مادلين- لوليس وتحية للزميلة آية
الحمدلله أخيراً ارتاح بالنا وكملت فرحتنا
كان وجهنا حلو على بعض لأنو تقريباً كل الموجودين هون طلعلنا
وقضينا مع بعض أوقات حلوة ونقينا سوا وتسلينا
وأكيد بشكر من كل ألبي كل مين تذكرني وباركلي
وعنجد متل ماقال الزميل مراد اتعودنا عالفوتة للمنتدى و إنشاالله نبقى دائماً على تواصل
أحلى تحية بعطر الياسمين للجميع     

بالنسبة للزملاء يللي عم يسألوا عن الأوراق المطلوبة
عبارة عن ورقة الطبابة +صورة عن المصدقة فقط
والتسجيل يبدأ بعد 7/11 ويستمر لغاية أسبوع
وبالتوفيق للجميع.....

ألف مبررررررررروك للجميع من دون استثناء و ان شاء الله عقبال الدكتوراة و شكرا كتير عالصور
بس لازم نلاقي شي جديد ننق علي هلق؟؟؟؟؟؟؟؟؟؟؟؟

صباح الخير للجميع
اول شي بحب قول الف الف مبروك للشباب والصبايا يلي انقبلو وصاروا زملاءنا بالماجستير
ويلي ما طلعلو ان شا الله السنة الجاي بتكون خير عليهون وبتمنالون كل التوفيق

تاني شي بحب طمن كل اللي مو عرفانين شو بدنا نحكي بعد ما طلعت النتائج وعلى شو بدنا أنق
بقولون انو لاتخافوا لأنو مافي اكتر من المشاكل عنا ورح أنق على شي الف قصة بالايام اللي جاي
وثالثاً بالنسبة لموضوع الحلوان هلا اكيد انا وعدت شي نص سكان سوريا بحلوان بس والله مو عرفان شو بدي اعمل يعني بالمشرمحي خربان بيت القصة مو لعبة
وما  بدي كتر حكي بلا طعمة بس انو الف مبروك لألي ولكل يلي انقبل وان شا الله عقبال الدكتوراه


ملاحظة: اذا بالماجستير هيك عملوا فينا شلون بدنا نعمل دكتوراه بيجوز ولادنا يلحقو النتائج

السلام عليكم ورحمة الله وبركاته
ومساالورد ياورود
الحمدلله رب العالمين على كل حال فمابالك اذا كنا باحسن حال
أول شي ألف ألف ألف مبروك لكل الناجحين وكل اللي طلعلون ماجستير
وبالنسبة للزملاء اللي ماطلعلون بحب قلون عسى أن تكرهو شيئا وهو خير لكم
ألف مبروك للكل ومابدي حدد اسماء مشان ماانسى حدا مع انو الايام اللي قضيناها هون اكيد مابتنسى شي طبيعي  الاسى مااااااااا بينتسى
هههههههههههههههههههههههههههههههههههههههه
عم امزح اكيد مو اسى بعتبرها من احلى ايام حياتي  صح الانتظار صعب بس بوجودكون كان كتير حلو
كل الشكر لأخي وحبيبي مراد لأن عذبتو كتير وأنا عم نق واتصل كل خمس دقات وكل الشكر كمان لحبيبنا قصي لأنو عذبناه كتير ونردلكونياها بالافراح
بتمنى من كل قلبي نبقى على تواصل مستمر وبتمنى من كل قلبي انو تنعاد هالجمعة هي بس على ارض الواقع وبدي وعد من الكل انو نلتقي إن بقينا احياء ونجتمع
كل الشكر للمشرفة الرائعة أختنا آية والله يوفقك يارب عذبناكي معنا
والحمدلله رب العالمين ....... ببساطة .......... أنارامي مو مراد

مرحبا زملاء
اللي عم يسأل عن السكن الجامعي للدراسات

هداك الاسبوع  قالولي انو ببلش الاسبوع القادم يعني قصدهن هاد الاسبوع
والاوراق المطلوبة هي:
1-صورة عن الهوية
2-ورقة غير موظف
3-طلب سكن موقع من عميد الكلية
4-وصل تسجيل في الماجستير أو صورة عن الوصل الاصلي
5-صورتين شخصيتين

وبس
و منتمنالكن إقامة مريحة
هلا أنا معلوماتي بتقول انو السكن بالمزة بالمدينة الجامعية هي بالنسبة للبنات بس الشباب ما بعرف اذا بنفس المدينة ما عندي أدنى فكرة

وشكرا