الله يعطيكم العافية يا شباب
يعني فينا نقول تعددت الأسباب و الماجستير واحد
بس يعني و الله قصة الواحد يسجل ماجستير مشان الجيش بس مو حاببها بالمرة
يعني تخيلوا واحد قاعد و محروق قلبو عالماجستير و حابب يدرس و يفلح فلاحة و أنت لأنك جايب أكتر منو بنص علامة بتحرمو من أنو يكمل الشي اللي حابو.
لا تفهموا كلامي غلط.... طبعا حقك إذا معدلك تفوت عالماجستير و ما دخلك باللي جاب أقل منك... بس باعتبار رح تفوتو و تفوتو خلي هدفك سامي... و شو بدك أحسن من هيك.... ماجستير.... و لك ماجستير يا زلمة!!!!
يعني أحكي بالنسب المئوية, قديه نسبة اللي عم يكملو؟؟؟ و قصدي اللي عم يكملو و تكملتهم الها قيمة...مو هون و هون
بالنسبة الي قصتي مع الماجستير طويلة
ههههههههههههههههه
يعني من وقت فتت اقتصاد بعد البكالوريا... كان فيني سجل فروع اعلى بس وقتها اخترت الاقتصاد لأنها تخيلتها أفضل و بتناسب شخصيتي أكتر ( مع أني ما بطيق لا التجارة و لا الأسواق و لا التعاملات المالية) بس حبيت أدرس شي الو علاقة باقتصاديات الدول و القطاعات المختلفة ضمن بنية كل اقتصاد و سبل تطوير البلدان النامية و التخطيط الاقتصادي... يعني شغل مخ على أساس و هالشي وضح أكتر عندي وقت اخترت اختصاص الاقتصاد لأنو ما كانت بدي شي مهني متل المحاسبة أو المصارف و الإدراة (مع احترامي الهم طبعا و دون انتقاص من اهمية أي قسم) بس حبيت ما أدرس شي تخصصي بحت و أدوات ... حابب العلوم الانسانية أكتر من التطبيقية... و بعد التخرج حسيت حالي متل الأطرش بالزفة مالي علاقة بالاقتصاد و مشان هيك حابب كمل و صير أقدر أعطي رأي بالحياة الاقتصادية... فضلا عن اعتقادي بأن الشخص المرتقي بالدرجات العلمية بيرتقي بمكانتو الاجتماعية... و شايفلكم الواحد مالو غير احترامو... و طالما الواحد لسى بطور النمو الفكري و الفراغ ( نوعا ما) لازم الواحد يضل يرتقي على سلم المراتب العلمية و الشغل المناسب بيجي وقتها تحصيل حاصل.
بالنسبة للجيش ما عندي لأني وحيد 
بس لو كان عندي جيش ما كنت تهربت منو و رح أخدمو لما بصير وقتو المناسب و وقت يكون وضعي بأفضل مرحلة
شو أنسة مادلين؟؟؟ خير؟ ما عجبك الحكي؟ بدك تنقي؟
بكرا اقطعي بالقدموس و انزلي عالشام... و إذا حدا بدو يساعدك و يجبلك النتيجة ما رح خليه لأنو أول ما يعلقوا النتائج بدي شقهم
هههههههههههههههههههه
لك عم نقطع وقت شو بدنا نعمل
شكر لجيمع الأعضاء اللي شاركوا و بتمنى للزملاء قصي و مراد المصري و عيد1 و لينا و ماري و الامبراطور السوري.... بتمنالكم مستقبل ممتاز و بطاقة خاصة للزميل مراد على مشاعرو النبيلة تجاه البلد ( و أكيد مو تنظير) لأ،و مو كل واحد بدو يحكي عن التطور بهالبلد بيكون عم ينظر لأنو هي بلدنا كلنا
و لينا شكر عالمشاركة
و ماري .... و لا شي 
و قال إن غداً لناظره.................................................................................................... مو مبين من كتر مو بعيد
و عالمشفى يا بو فهد.......
صدور علامات الامتحان المعياري
