السلام عليكم من بعد غياب.....
شووووووووووو هاااااااااااادشو صاير بغيابي .....حرب بين البنات والشباب
يا باطل
هلأ بين بعضنا بنات يعني الكلية بلا شباب بالمرة صعبة  مو مشان شئ بس مشان إذا الدكتورة بدها المايك أو جهاز (يمكن اسمو الاسقاط نسيت)هاد الكبير يلي ألو ضوء نلاقي شي شب يحملو ويظبطو .....بعدين ع طب الأسنان فهمناها يعني لنفرض صفينا كلية بنات بس جنبنا بيضل في شوية شباب أما عالهندسات يعني البرامكة. ....وليييييييييي بتصير جامعات المزة كلها بنات لأ بصراحة كتير ناشفة


لا تنصدمو يا بنات من حكيي هلأ بقلكن ليش عم أحكي بهالطريقة وكأني واقفة مع الشباب  وشوي تانية ما ضل غير قول للبنات روحو ع رياض الأطفال

هاد اسلوب استراتيجي لتحقيق المآرب؟لح وضح كيف

أنا بنفش بالشباب وبكش عليهن وهنن بيكبر راسهن(أكتر مو هو كبير :أكيد مو معبى علم ) بيقومو بيصير بدن يفوتو عالمدرج من هداك الباب أبو مترين(شبرين)ما بيقدرو  وبيصيرو بدل ما هلأ ينزعجو ليش البنات بدهن يحطولهن حصيرة بآخر المدرج بيطرو يجيبو هنن لحالهن حصيرة ويمدوها برات المدرج. ....وهيك منقعد مرتاحين  بعدين يا محلى زورات البنات قدام تطليعات الشباب يلي بتقطع القلب بتلاقي الواحد منن قاعد مقعد ثاني وعم يطلع بكل نظرة بريئة(لح نبكي عليي ع كتر ما بحسسنا أنو مظلوم) عالمقعد الأول وكأنو كان قاعد وأجو البنات قلعوه لورا ما بيقول لحالو والله أنا أجيت متأخر
قال شو بدن يساوو حلف عسكري قال ...نحن حاطينكن بالكلية لتحمونا مو لتحاربونا  بس الظاهر أنتو ما قدرتو هالكرم هاد منا

صحي عندي خبر عاااااااااجل

هاد يا جماعة بلا طول سيرة (بتعرفوني ما بحب الحكي الزايد )
اليوم طلعنا من مخبر الصيدلانيات المشمس عم ننازع من كتر الشوب والضغط  ركضنا ع براد المي وإذ حتى بالتنقيط مو شغال  قمنا قررنا إما النصر أو الشهادة.... (أنا ورفيقتي)
المهم ذهبنا إلى مكتب الوكيل العلمي باعتباره مكلف حاليا من قبل العميد بتسيير الأمور وقلنالو  يا دكتور نحن معصبين وبدنا نفش خلقنا بتسمحلنا ولا لأ قال ولو تفضلو
قام نحن قلنالو لدينا الاعتراضات التالية:
أول شئ من حق أي طالب أنو يبل ريقو يلي مو بس بينشف بيتيبس ع الأخر من ظرافة المحاضرات  وطالبنا ترجع المي الباردة متل السنة الماضية تخدق خدق(ما شاء الله من عيني)قام الدكتور فجأة وقف وراح جاب دفتر وكتب بصفحة فاضية
1.البرادات...... وسألنا شو في غيرو
قلنالو ما لح نقول بدنا مكيف بس أقل شئ بدنا برادي نسكر هالشبابيك يلي بحسها بتسحب أشعة الشمس من داخل القطر وخارجه(القطر العربي السوري)وبتفوتها عالمخبر وبتقنص عالراس مباشرة يعني يا محلى الفيروسات يلي خايفين منها قدام السحايااااا....!!!!!!
والدكتور دغري كتب عالدفتر
2.البرادي بمخبر الصيدلانيات .....وسألنا غيرو..؟
قلنالو فضلت على راسنا قام قال بس هيك...؟أي بسيطة تكرمو

وعفكرة كان انسان رائع  مكتبو معبى ناس(اربع رجال)ومع هاد سمعنا بهدوء وقدرنا كتير والله يعطي ألف عافي عن جد

صحي تذكرت سؤااااال لوجه الله تعالى
أنا بعد ما فرمتت اللاب توب راح برنامج البلوتث من عندي قالولي سحبيه من النت بس أنا جاي من العصر العباسي وما بعرف من أي موقع بالضبط فإذا حدا بيعرف يفضل ع راسي ويقلي

يلا سلام وآسفة ع الإطالة بس صلي زمان مو حاكية
         

هبة
يا لطيف شو بتحبي المشاكل
لك ما صدقتي دريتي أنو في مشكلة حتى جبتي قوات التدخل السريع تبعك


ع كل حال

شو رأيكن نتصالح
خلينا نتفق ع هادا الحل
الشباب كلهن بيطلعوا من المدرج وبيتركوه للبنات وقت محاضرات الحاسوب والصيدلانيات
والبنات بيطلعوا وقت محاضرات تأثير الأدوية والكيميا الفيزيائية   
شو رأيكن؟؟؟؟

السلام عليكم ورحمة الله وبركاته