أعلن المهندس المعماري العالمي الشهير دانيال ليبسكيند انه سيكشف النقاب عن

النموذج الأولي لفيلا لبيسكيند والتي اعتبرها ثمرة جهوده العالية  تعتبر فيلا المهندس

دانيال قطعة نحتية موقظة للحواس من خلال الفيضانات الخفيفة لمساحات الزجاج

والخطوط النظيفة الداعية للهدوء وصالات العرض الانيقة والسلالم المريحة  كما انها ذات

كفائة عملية تعمل وفق مصادر الطاقة المتجددة لاغراض التدفئة والكهرباء والمياه





















































بلله شو رايكم  فيلا اخر صرعة

(نحت +رسم+هندسة)

انا من جهتي عاجبتني كتييييييييييييييير

بس انتو شو رائيكم

sufe omar

أول شي شكرا........

بصراحة الفيلا بتجنن

خطوط حلوة ............ و كتلة قوية

ألوان رايقة


فعلا          رووووووووووووووووووووووووووووعة

                     
و كمان طاقة و ............ عنجد شغل مرتب


أنا حبيت الكتلة كتير......... بدي اسرق الفكرة

تحياتي


قرنفلــــــــــــــــــــ ـــــــــــــــــــــة

هلأ الحلو ما بيخبي حالو والله حلوة بس مخي ما عم يقدر يتخيل هيك مبنى كمبنى سكني بجوز يكون متحف حديث يعني هيك كتلة بتصلح لهيك شي أكتر من فيلا بس هاد ما بيعني أنها ما بتجنن عنجد حلوة
شكرا إلك

سؤال....


هلأ انا ما فهمت كيف يعني نحت...

الشغلة الأهم....و أنا أكيد ما لي بالمقام يلي بأهلني اني انقد معمار كبير متل دانييل....

بس من باب المناقشة مو اكتر....


النقطة يلي بدي نوه عليها و هي انو الزوايا الحادة مؤذية بصريا.....و بالتالي نفسيا.....

و لازم يكون في بعين الإعتبار....شي اسمو الراحة النفسية...يعني الداخل لهالبيت....لازم ما يخاف ....

يعني....سمعت احد النقاد المعماريين..و هو عميد الجامعة السابق...بيحكي عن ساحة العباسيين...و انو وجودها بالزوايا الحادة و بهالشكل بأدي لأخطاء على الصعيد التصميمي....


اهم نقطة نوه اليها.....هي وجود الكثير من الزوايا الحادة.....

الخلاصة...حدّة الزوايا.....غرابة الشكل....بظنهم يأثرو سلبا على نفسية الداخل للمنشئة.....

بس و في شغلة...بصراحة انا بتابع كافة اعمال ليبسكند....
بس ممكن اعرف ليش وضع " ازا بتشوف اول صورة..الزاوية العلوية اليمنى...فيشبك..و ما بعرف ليششغلتو...


هلأ ليبيسكند بيهتم كتير بالألعاب البصرية...بس بصراحة انا ما بعرف ليش...

هلأ انا جاييني شك بانو  هالتصميم لليبيسكند...

ياريتك حطيت مصدر معلومتك....


هلأ انا كمان صار عندي متل لخبطة بين شكل المنشأة..و البساطة يلي بيحكو عنها...

منجوا الديكورات روعة...بس من برى..........

ياريت لو حطيتلنا شرح لفكرة المصمم من قبل المصمم....يعني فيك تسميها تجاوزا "مذكرة" المصمم..حتى نتفهم  اكثر.....الفكرة..

يعني عمارة ليبيسكند هي العمارة التفكيكة..ام الجدل و الخروج عن القواعد....

هلأ في نقكة كمان...


انو هادا رأيي ......و بينما التصميم رائع جدا.....بس الشبك مو عاجبني....

و ازا كانت وظيفتو بصرية بحتة....فهادا اسمو مبالغة....

هادا رأي..و احتمال يكون كلو خطأ.....بس يا ريت ذكر مصدر الخبر..

يعني مو الموقع المنقول منو الخبر...لا..بدي وكالات انباء تأكد هالشي....و كمان بدي اعرف المنطقة يلي ليتصمم فيها المشؤوع حتى نقيسو نسبة إلها.....و نشوف مدى التوافق...بين التصثميم و الموقع العام....

شكرا صديقي..

كلكة على الهامش....صورة توقيعك رائعة جدا...بحسفيها روح لرمو اسلامي كبير..و هو المسجد....كمان لرمز آخر اسلامي و هو الهلا يلي بيدل على شهر رمضان...


انا هيك قرأتها..و شفت فيها هالشغلتين اضافةً للمشربية يلي حسيت حالي شفتها....

عنجد لوحة رائعة و كان بودي احكي عنها اكتر و ازا بحكي فلبكرا مو بخلص...


لك مودتي.....

اصدقائي

عذرا على التاخير بلرد

محسوبكن كنت مشغول بعرس اخي انشالله عقبالكم جميع


صور جديدة لفيلا ليبسكيند اعتقد انها افضل من سابقاتها

ولي على آمتي انشالله شو هاد     

لك بتجنن عنجد روعة وتصميم متميز لدانيال ليبسكيند بكل المقاييس

يعني بصراحة انا بحس هاد جوي 

على كلن شكراً الك عالصور الحلوة

يعطيك العافية يا sufe omar على هاد الموضوع وموضوع العمارة الخضراء   

السلام عليكم ورحمة الله

قرنفلة

تعليقك كلو طاقة

ولا شكر على واجب

........

معمرجي اصلي

ربما ماقلتهه وارد ولكن لبيسكيند هيك بدو

شكرا لمرورك 

علفكرة انا كتير بحب الادب المهجري

صديقي العزيز  محمد فتح باب المناقشة وهاد اكتر شي بيفيدنا انشالله


صديقي حاولت اوصل لشي عن فكرة ليبسكيند بس مالقيت

الشي الوحيد اللي بعرفو انو(السيد ليبسكيند)مستوحي فكرتو  من المتحف

اليهودي في برلين


بس يا ريت ذكر مصدر الخبر..

يعني مو الموقع المنقول منو الخبر...لا..بدي وكالات انباء تأكد هالشي....و كمان بدي اعرف المنطقة يلي ليتصمم فيها المشؤوع حتى نقيسو نسبة إلها.....و نشوف مدى التوافق...بين التصثميم و الموقع العام....




علكلن هاد موقع الفيلا فيك تدخلو  واول شي بيطلعللك لبسكيند عم يكروت كروته

حلو كتيررر


www.libeskind - villa.com





سؤال....


هلأ انا ما فهمت كيف يعني نحت

بعتقادي كلمة نحت منا محصورةبلنحت على الحجر والخشب وغيرو

الشغلة منا كابدوكيا التركية

من ناحيتي انا بحجم الكتلة وبحطها بشي ساحة مشهورة بلبلد كقطعة نحتية بيتفرجو

عليها الناس

نقطةاخرى

انابشوف انو الكتلة ديناميكية تحريضية لفئة معينة من المجتمع وليس عامة يعني

مافي حل وسط يابتحبوني يابتكرهوني وهون مكمن القوة

شي تاني محيط الفيلا محيط هادئ بمعنى اخر (عاقل) كرمال هلشي دانيال عمل

كسر للرتابة

من خلال خطوط منحرفة عن الطبيعة المجاورة

بس و في شغلة...بصراحة انا بتابع كافة اعمال ليبسكند....
بس ممكن اعرف ليش وضع " ازا بتشوف اول صورة..الزاوية العلوية اليمنى...فيشبك..و ما بعرف ليششغلتو...
انو هادا رأيي ......و بينما التصميم رائع جدا.....بس الشبك مو عاجبني....

و ازا كانت وظيفتو بصرية بحتة....فهادا اسمو مبالغة....

صديقي مابعتقد انو اي عنصر في هذه الفيلا في اي مغالاة

على مااعتقد بان هدف الاستاذ دانيال من هذا الشبك عمل توازن بين الكتلتين

2و3

اذا بتشوف بلكروكي

------------------------




اشي التاني التخريمة اللي عاملها والقريبة من المشربية كانو الهدف منها

عملية ربط بين الفضاء الخارجي من خلال الفتحات اللي فيها  وبين الداخل من خلال

تقطيعات السولد وكانها امتداد الداخل نحو السماء

ايضا متل ماقلت في لعبة بلنور والظل وها الشي مبين بلصورة رقم سبعة

الكتلة انا بعتبرها صومعة او كنيس

شوف الخطوط كلها متجهة نحو السماء ومنتهية بنقطة

وكانها مرتبطة بلسماء

علكلن كانو هلدانيال يهودي متصوف مقرن هههههه

نقطة اخيرة وبعرف اني طولت بلشرح بس حبيت احكي عنها

اذا بتلاحظو الجدران الداخلية والاسقف كلها مطلوسة بلابيض بدون اي لون اخر ما

عدا الارضية

وهاد الشي ايجابي جدا من خلال ارتباطه بلطبيعة وكانه عم يقول اللواني عم اخدها

من الطبيعة الخارجية ولهيك ما ضاف اي لون تاني

يا جماعة لاتواخذوني اذا اخطات بقرائة المشروع والرد علسيد محمد

واذا في اي ملاحظة ياريت تدلوني عليها

شكرا اخي محمد على فتح باب النقاش

وعذرا على التاخير بلرد.....هليومين انا بحلب وعم دور علبيت لاجار وما عم لاقي

عايش حياة المشردين

كلمة على الهامش

شكرا اخي محمد على الاطراء بلنسبة للتوقيع

الشي التاني غير اللي التو المحرك اللوحة التضاد اللوني بين الالوان الازرق

والاورنج الاسود والابيض وغيرو...  الفاتح والغامق اضافة لايقاع

انسة ولاء اذا هاد جوك فانا بحسدك على زوقك

وعلى احساسك المرهف

الشكر اللك على اطلالتك

ولي على امتي خجلتيني هادا واجبي

سلام

شي بياخد العقل ولو اني بفضل تكون اطلالتها احلى
كوني بهتم بالبيئة زيادة عن اللزوم
                               

يعطيكم العافية يا جماعة .... تحليلكم كتير كتير رائع ... بتمنى منكم لو في حد عندو نماذج مشابهة لشغل ليبسكند او اي فلل اشتغلت عطريقتو ينزلها هون او يحط الرابط .... بكون ممنونلكم .......... طلب رجائي .... ارجو الرد وتقبلو فائق الاحترام والتقدير