السلام عليكم

ولو بلسومة الموضوع موضوعك... 

والله كثير عجبتني تبع الدورات صدقتي فيها 100% عنجد حلو ...

بس من جد تبع تعى ندرس تقريبا حلو... بس بدو اختصار شوي... لأنو هو عنوان مو موضوع تعبير...   وكان فكري ندحش كلمة دل على إنو خامسة... مو ضروري كلمة... ممكن نحطها رقم ...بس بالياباني ها.... ما بشارك بالموضوع إذا الرقم مو بالياباني...

صح هو عنوان موضوع مو موضوع راحت عن بالي هالنقطة      

وخلص بالياباني  ولايهمك سلام يعني ممكن :(شين شان شون 5 شان))

هي الترجمة تبعها((الخامسةدفعة فهمكون كفايةلحقوني بآخر دورة)) شفتي بالياباني مختصرة أكتر

طيب ليش مانسميه:((كف مخمس بالرسوب  مغمس)) هي في رقم خمسة

والله هالسنة الخامسة من هلأ عم تخلينا نتطلع مواهبنا كيف وقت نداوم الله يستر

       

السلام عليكم:

((كف مخمس بالرسوب مغمس))

شو هاد بلسومة أكيد  كنت عم تاكلي فول

وقت طلع معك هالاسم 


والله ما في ببالي ولا اسم  خلي هالشغلة عليكم


بالتوفيق

و الله العناوين كلها حلوة ..
شو هالابداع بلسم ؟؟؟

بس فعلا هاد تبع التخرج ع الباب و تعا ندرس .. غير شكل

       

آية الرحمن بتعرفي انتي بماإنو العيد مالو زمان خالص لسا بقيان عنا شوية فول مع ملح وكمون والله أطيب اكلة فول خلص تعالو لعندي انتي وسلام وبلاك توليب بضيفكون أطيب أكلة فول     ههههه عم امزح انتو تعالو وأحلى عزيمة لعيونكون

بلاك توليب شايفة هالابداعات تسلميلي ان شاالله
ماحدا فهم ابداعاتي أدك  

بس عن جد أنا حابة نعتمد على هادا الاسم للموضوع وانتو اختارو  وعطوني رأيكون

عم فكر انو اختصر ((مندرس سوا يازميلي مشان نتخرج بدون تكميلي))

ومنساويه ((مندرس سوا يازميلي لنتخرج بدون تكميلي(5صيدلة)  ))أو
(( ساعدني يازميلي لنتخرج بدون تكميلي(5صيدلة)  ))
هي 5 صيدلة مشان ماحدا يفوت عالموضوع من برات الصيدلة لأنو بصراحة هالعنوان بيلفت النظر لأن كل الطلاب عم تعاني من التكميلي
واناكمان من كتر مو محروق قلبي من التكميلي صار بس بدي عنوان يفائلني انو في امل نتخرج بدون تكميلي      

اتفقوا وقرروا وانا معكون شو مابدكون    

السلام عليكم

خلص ماشي أنا من جهتي موافقة... بس مثل ما قلنا رقم خمسة منكتبو بالأرقام اليابانية ها :)...

يسلمو بلسومة... ما في أحلى من أفكارك وإنتي رايقة....

صحيح يسلمو عالعزيمة.... بس أقل من أكلة يلنجي ما بقبل ^_^

تسلميلي يا سلامو انتي الأصل بالأفكار الحلوة نحنا منتعلم منك

ومشان العزيمة انتو تعالو لعندي وأحلى عزيمة على يلنجي وكبب وكل شي بدكون ياه بيحضر

ومشان الموضوع انتي شوفي شو أنسب عنوان ونزليلنا الموضوع مع بداية السنة الجديدة ان شالله

بتعرفي سلام شوصار وانا عم اكتب هالرد كنت كاتبة نزليلنا الموضوع مع بداية الفصل التاني والله بسبب الدورة التكميلية راح عن بالي انو هي سنة جديدة فكرتها فصل تاني
       

السلام عليكم

^_^

تصوري لو صرنا فصل تاني مباشرة مثل ما قلتي وخلصنا من هم الملازمة :( ....

السلام عليكم

لا تخافو من شغلة الملازمة

الواحد بياكل همها

بعدين ما بيعرف شلون بتمضى

بالكتابي قعدنا نراجع دورات ليوم الدورات

آخر شي جابو أسئلة من السنة الأولى

بس أخدنا علامات منيحة

وبالشفهي حسب كل واحد ونصيبو

يا أسئلة سهلة جداً يا شغلات ما حدا بيعرف جوابها

بس نصيحة

يوم الشفهي جيبو معكم سندويش

حاكم ممكن تضلو من الصبح للمسا عالواقف ومن دون أكل بانتظار دوركم

وخدو كتاب البورد إذا في احتمال تطلعو عند دكتورة سوسن


بالنسبة للدفتر لوقتو بنحكي

سلام والله انا بكليتنا تعودت غمض عيوني وامشي وقول يارب

لأنو في كتير مواد كنت متخيلة انها صعبة ومابنجح فيها وكانو يخوفوني منها قمت جبت فيها من اول مرة معدل

وكتير مواد مااتوقعت اني احملها ابدا وحملتها يعني كليتنا انتي وحظك وللأسف هادا الواقع

مثلا انا ماتوقعت ارسب بمادة سهلة وكلها دورات متل الصناعية قمت رسبت وأكبر دليل انها مادة مابتنحمل هو اني جبت فيها76 بالمرة التانيةبدون دراسة

بنفس الوقت ماتوقعت اني انجح بعلامة عالية من أول مرة بمادة صعبة متل الميكروبيولوجية او الكيميا الصيدلية قمت نجحت بعلامة منيحة

فعنجد لا تخافي وتوكلي على الله وان شاالله ماتطلع فنات جديدة بالملازمة على حظ دفعتنا الحلوة
----------------------------------------

شكرا زيد عالمعلومات الله يجزيك الخير
واهم شي مشان السندويشة والله يمكن مانعرف نقدم اذا كنا جوعانين