السلام عليكم:

كانت جلسة المايكرو عن مراقبة الماء ونظام حفظه بالمعمل الدوائي
متل النظري تماماً و طرق المراقبة الجرثومية ومنها MPN  وعليه بكون الشغل
وما بدو شي شغلة نصف ساعة بالكتير .

وطبعاً بآخر كل جلسة في أسئلة لما بتسلمي التقرير.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أما الكيمياء الصيدلية :

كشف الأنتي بيرين (4 تفاعلات) والبيراميدون (3 تفاعلات)

ومعايرة الأنتي بيرين.

السلام عليكم

شكراً إلك آية الرحمن

خلص إذا هيك  شو رأيك من يوم ورايح إنتي تستلمي هالشغلة
بتخبرينا دايما شو أخدتو بالميكرو و الكيمياء الصيدلية

إذا ما عندك مانع طبعاً

السلام عليكم....

سؤال

بالمايكرو قلنا الخيوط الجراحية الممتصة تعقم بأشعة غاما, طيب غير الممتصة(يعني الخارجية)

بشو؟؟؟؟؟ 


بظن إنو الحرارة الرطبة ما بتخربها لهيك من عقم فيها و كونها الأسهل...

السلام عليكم

في محاضرة من المحاضرات الأخيرة بتم شرح طريقة تعقيم كل أداة
                                                                     
صراحة مالي متذكر شو فيها

السلام عليكم
عندي سؤال بخص المايكروبيولوجيا يا ترى الدراسة من المحاضرات بتكفي ولا في شي تاني لازم ندرسو ؟من جهتي عم أفهم المحاضرات بس عم حس إنها ما بتنحفظ بالمرة يعني بتنفهم و بس ولا شو رأيكن
وكمان الكيمياء الصيدلية يا ترى النوطة بتكفي لأنو في مين عم يقول إنو الدكتور بيجيب من الكتاب كمان .
وشو صار معكن مشان أسئلة الكيمياء الصيدلية يا ترى في حدى بيعرف إذا الدكتور أخد شي من الطلاب ولا لأ و إذا حدى بيعرف يخبرنا و لا يكون لئيم ويحتكرها إلو ماشي

السلام عليكم
                                       
بمادة المايكرو إذا الطلاب عم يكتبو شرح الدكتور بطريقة منيحة فالمحاضرات كافية
                                                                       
وإذا بدكم في كتاب الدكتور مترجم منو المحاضرات
                                                                                                       

السلام عليكم

هلأ بالنسبة لأسئلة الكيمياء الصيدلية
فما سمعت إنو حدا عطى للدكتور شي

بس لاتستبعدي

هديك المرة سمعت طلاب الشعبة التانية
عم يحكو إنو الدكتور بيجيب كتير من الأسئلة اللي بيعطوها ياه الطلاب
وعم يقولو :
لما عطيناه الأسئلة بالسنة الأولى جاب اكتر من نص الأسئلة منها

ونحنا مانا عرفانين إنو كان في أسئلة بالأصل

فأنا كتير خايفة من هالشغلة خصوصا
بسبب وجودهانماذج من الطلاب اللي مابيحبو الخير لحدا
مشان هيك اقترحت علي رفيقتي إنو نحنا نكتب أسئلة
منشان عالأقل نضمن كم سؤال
قال هي مانها متأملة أبدا إنو الأسئلة رح توصللنا

بس ما حبيت الفكرة قلت لحالي بلا مانكتر أسئلة على حالنا
شو بدنا نساوي مابعرف!!!

الله بيسر 

السلام عليكم...

مشان أسئلة الكيمياء الصيدلية اتفقنا إنو أي حدا بيكتب أسئلة يعطيني نسخة إلي و حطينا واحد بكل فئة ليخبر فئتو بهالشي فإذا فئتك مو دريانة يا ريت تخبريهون بهالشي لأنو الفئة الأولى و الثانية و الثالثة و الرابعة و الخامسة كلهون صار عندهم علم بقيان إنتو.. و بالشعبة الثانية كريم مستلم القصة.....

السلام عليكم...


هلأ أنا قلتلن إنو ممكن نجمع الأسئلة عند شخص واحد
وعالأغلب إنتي

بس ما رجعتي أكدتيلي

خلص بكرا بإذن الله بخبرهن

وإن شاء الله يصير خير
(أهم شي ما يكون في خيانات بالموضوع)

السلام عليكم
كيف الدراسة مع الجميع إنشاء الله ماشية منيح ولا عم تشحط فرام كل شوي على العموم إتشاء الله الأمور كلها منيحة مع الجميع
على العموم عندي كم سؤال و إذا حدا بيعرف الإجابة لا يبخل علي و يجاوب
1-بالكيمياء الصيدلية شو مشان الأرقام (درجات غليان -انصهار- جرعات .......إلخ)
وكما الي بيعرف شو الأبحاث الي صار عاطيها الدكتور يا ريت يخبرني .
2-بصيدلية المجتمع يا ترى الإحصائيات في فقرات الوبائيات(مثل 5-6%يصابون بالمرض الفلاني)مطلب منانحفظها أو لأ وكمان الخطة العلاجية مطلوب منا هي تابعة لأي بلد مثل متبعة بالولايات المتحدة أو غيرها
3- بتأثير الأدوية  بالمحاضرة 2 المجموعة الدوائية الأخيرة تبع الجيمفيبرازول هلأ أن فهمت آلية التأثير بهالشكل و حاسة إنو في حلقة مفقودة أو في شي خطأ بفهمي فياريت تصححولي الفهم تبعي الي هو 
ألية تأثير الجيمفيبرازول هي تنشيط الليبوبرتين ليباز في الدوران بالتالي زيادة استقلاب الكيلوميكرون و ال VLDL
زيادة استقلاب الVLDL تؤدي لزيادة نسبة الIDL بالدوران بالتالي نكون من جهة أنقصنا أحد عوامل الخطورة و من جهة ثانية زدنا عامل خطور ثاني بالتالي (مثل الي ماشي وهولسا بمكانو)
و بالختام بشكر الجميع الي ساعدني و الي رح يساعدني مستقبلا
و سامحونا على كتر اللعي تبعي