المنحوس منحوس ولو حطوا بـ....... فانوس
عطول دفعتنا (الدهبية) بتكون منحوسة ومابعرف ليش

مرحباااااااااااا

((وأكيد مو لأنو مو طبيعي اجت ربع الأسئلة من محاضرة وحدة ))

والله غريب هالحكي  يا سلاموووومع انو كتير كانو الطلاب عم يقولو انو المحاضرة الاخيرة مهمةلأنها جديدة(بصراحة ماتوقعت انها تكون مهمة لهالدرجة)


يلا بسيطةان شاالله ننجح كلنا وربي بيوفقنا جميعا  

موفقين بالانكليزي   

ما لي دارسة غير محاضرة وحدة لشادن ممكن لحق    

أي والله يا بلسومة الحمد لله الله سترها معنا وهدانا إنو ندرسها لأنو كتير طلاب ما كانوا دريانين أصلا إنو في هيك محاضرة..

يعني إجمالا كانت الأسئلة بتنحل (عم بحكي على قسم د.عصام طبعا) وعلامات العملي من فضل رب العالمين منيحة وكم سؤال دورات بينجحو وهو المطلوب .. وإذا جبنا كم علامة فوق النجاح بيكون زيادة خير..

بس ما قلتلكن إنو علامات العملي العالية مو لوجه الله..

 

إن شاء الله موفقين بالانكليزي.. يلا هانت

السلام عليكم

اقتباس

كتير كانو الطلاب عم يقولو انو المحاضرة الاخيرة مهمةلأنها جديدة

مهمة ما اختلفنا.... بس مو يجي 31 سؤال منها... والله حرام كثير طلاب انضربت من وراها..

اقتباس

علامات العملي العالية مو لوجه الله

     

اقتباس

المحاضرة الاخيرة مهمةلأنها جديدة

قد ما كانت مهمة ... بتكون بأهمية قسم الدكتور التاني كلو؟؟؟
صحيح الحق على الطلاب يلي ما درسوها... بس كمان لازم يكون في عدل من الدكتور بتوزيع الأسئلة على المحاضرات...

سبحان الله اليوم الصبح كان زايد معي ساعة قلت ادرس شايات الأطفال و لا ركز الجدول أبو 100 نبات.. فركزت الجدول... يلي بالأخير ما اجا منو شي 
بس خلص  هيك الله كاتب....

شو مشان الانكليزي



بيلحق يدرسها يلي مو دارس غير محاضرة وحدة وبس؟؟؟؟؟!!!!!!!!!!!!

سيدي الحمد لله على يلي صار اليوم .... وشو ما كانت النتيجة تكون ....
والله بصراحة وقت وصلت للسؤال 26 تقريباً كنت قايم سلم الورقة .... لعمه كل الأسئلة من المحاضرة يلي قرأتها عالسريع من دون ما ركز فيها لا اسماء ولا أرقام ولا شي
والأحلى من هيك أنو وقتها دغري بلشت بدراسة المحاضرة من البابونج مو من أولها , قلت لحالي حاجتنا حكي خليني أدرس شي المهم
فطلع هالصفحة العجيبة الأولى في منها أسئلة لح تجي ..... بصراحة شي بيزعل وبيضحك سوا

على كل الحمد لله.... و كل شي من عند ربنا حلو ..... والله يختار يلي فيه الخير


ومن شان الانكليزي , نشالله الله يكرمنا فيها بعلامة عالية .... بس طبعاً انا أجلتها للصيف حاكم مالي دارس منها شي من أول السنة , ومن يومين دريت من أحد الشباب إنها 21 محاضرة , وفي شي بدو بصم وشي على حسب المعلومات السابقة ... فخلص بالصيف بنتسلى فيها نشالله


نشالله موفقين جميعاً ...... بنشوفكم نشالله بخير

بس طلب صغير ..... ادعولوا لأبي بالشفاء والله يكتبلو الصحة والعافية ...


بالتوفيق


   

يلا بسيطة سلام وبلاك توليب طولو بالكون ان شاالله بتنجحوا فيها بعلامة عالية

((من شان الانكليزي , نشالله الله يكرمنا فيها بعلامة عالية .... بس طبعاً انا أجلتها للصيف حاكم مالي دارس ))

والله نصيحة ما تأجلها لأنو انا كمان مالي دارسة ولا حرف من المادة بس كتير طلاب قالولي انو دراسة قسم الدكتورة شادن بيكفيها شي يوم ونص وقسمها منقدر نحلو وطبعا مالنا غنى عن الاطلاع على نمط الاسئلة والدكتورة فوزة بتكفي دراسة مصطلحات

الا اذا تغير هالحكي حاكم على حظ دفعتنا عم تطلع المفاجآت

والا اذا كانت متل الانكليزي تبع السنة الماضية وقتها حمل المادة هو الخيار الصحيح

((دعولوا لأبي بالشفاء والله يكتبلو الصحة والعافية .))

ان شاالله بالشفاء العاجل والصحة والعافية

السلام عليكم...

هلأ بالإنكليزي بيجي أسئلة قواعد مثلا أو  أحرف جر أو phresal verbs؟؟؟
يعني في داعي هالشغلات ندقق عليها و نحنا عم ندرس؟؟

*************************

الله يعافيه و يردلو صحته و عافيته....

**************************

ليش في كتير مشاركات مخفية؟؟؟؟؟؟