طيب اذا حدا عندو نص المسألة ياريت يشاركنا فيو

انا كمان ما حضرت هالمحاضرة , التهيت بشغلة وراحت علي للأسف 

الوظيغة هي نفسها الوظيفة الأولى السنة الماضية
وممكن تحملو الوظائف وحلها من هالموضوع للزميل عمر شندير
http://civ.jamaa.net/art263654.html

واللي بدو نص المسألة فقط فرح اقتبسه من الوظيفة:

ما راح خلي اليوم يخلص وما نحكي شي

بدي احكي عن محاضرة التربة
المحاضرة كانت كتيييير ناااااشفة (بشهادة الدكتور )
ومافي غير هالعالم عم تصور هالسلايدات
حسيت حالي بمؤتمر صحفي
والدكتور الله يعطيه العافية سامح للطلاب يصورو على راحتهن
حتى انه كان في طالب ما لحق يصور شريحة ، فرجعله عليها

اجيت قلت لحالي بما انه الدكتور مبين حباب خلينا نروح نتفاوض معه مشان يعطينا هالسلايدات على فلاش
رحت لعنده ،، قلت له دكتور عاجبك انه كل واحد عم يصور السلايدات طول المحاضرة ؟؟
ليش ما بتعطينا اياهن على فلاشة بتكون ريحتنا ومنكون ممنونيك
قال لا مافيو !!!! قال لإنه هو بغيرهن كل سنة !! وكمان ما بحب حدا ياخدهن يعدل عليهن
طيب دكتور اطبعهن طباعة أو حولهن لصور
NO Waaaay
طيب دكتور والله الصور من الكامير ما كتير واضحه لانه اصلا البرجكتر عرضه مو كتير واضح
NO Waaaay
وبالأخير قال خدو الصور من بعض وتعاونو !!!!!!
الله يعطيك العافية يا دكتور بتحب تشجع روح التعاون بين الطلاب

آسف عالإطالة ....
فشو رأيكن ، كيف هالمادة بدها تندرس ،،، محاضران السنة الماضية مختلفة ،،، ومحاضرات الركن لهالسنة ما بعرف ادا نفسها أو لأ ،،، ادا حدا بيعرف ادا موثوقة أو لأ يخبرنا..... وتحياتي للجميع .

دكتور التربة بغض النظر عن مواضيع المحاضرة المعتة وبغض النظر أنو ما عم يعطينا السلايدات ... أنا عجبني كتير ... 

كيف ؟؟؟ ما بعرف ؟؟؟    بس في شي مميز ... 

بالنسبة ليلي عم يكتب محاضرات التربة ...سمعت عنو بس ما بعرفوا ... بس ما بظن أنو ما تطلع المحاضرات منيحة ... أكيد لح يطلع كفو ويدبرها بمعرفتو ... 

عني ما عاد أكلت هم المحاضرات ... بقول لحالي مشكلة كاتب المحاضرات مو مشكلتي    هو بدبر حالو    وما حدا بيستلم شغلة إلا وبيكون بيعرف شوفي وراها ...

وإذا إذا سكرت الأمور بوشنا ... الله يخليلي رفقاتي ... في كم وحدة هوايتن الكتابة بالمحاضرة والتبييض والتسجيل كمان    إلا ما تتدبر ما راح نبقى بلا دراسة ...

بقى ريح بالك ولا تاكل هم ... 



هامش :

اقتباس

ليش ما بتعطينا اياهن على فلاشة بتكون ريحتنا ومنكون ممنونيك

   


سلام ...

ايه وأنا معكن وأنا كمان هالدكتور كتييييير عجبني من أول محاضرة حبيتو واليوم زاد اعجابي فيه
     


======================
هامش