اقتباس

هي الصفحة مفقودة 

90 بالمية ماعند حدا وجاية من الركن هيك

لانو السنة الماضية سألت نص رفقاتي عليها وماحدا عندو ياها 

اقتباس

للأسف كمان ما عندي ياها

ما في مشكلة شكرا كتير إلكم

اقتباس

آسف على التأخير بس هلأ حتى صحلي
بالمرفقات موجودة المصطلحات تبع المهندس مفيد القسيس

يسلموا إيديك عذبتك معي

اقتباس

بس سؤال انتوا كيف عمتدرسوا من نوطة ميرنا 

لان طريقتها غير طريقتكم

صح هي الطريقة غير
بس المشكلة مسائل النظري كتير صعبين وطوال وحسيت حالي ما كتير فهمتم

ودفتر العملي تعبي يا دوب يطلع 30 صفحة وغير أتو كنت مفكرة حالي فهمانة ولا بتطلع علامة العملي تبع الإنشاءات أوطى علامة عندي فاكتشفت حالي وقتها أدي معناها فهمانة

الله يستر
والله يمضي هل المادة على خير

موفقين

مسا الخير ..

إن شاء الله تكون دراسة الكل منيحة ..

أول شي ..بالنسبة لهبوط المسند يلي حكت عنو ميمي ( الاقتباس عندي مو شغال لأني فاتحة الفيرفوكس ) لازم يكون موجود بالأصل يعني مو شرط يقلنا عليه بنص المسألة لازم نحنا نعرف لحالنا ..والحالة يلي أخذناها بالمحاضرة هية حالة خاصة للوثاقة الجزئية لأنو كنا عم نقطع بعنصر مستمر ( أفقي ما في زاوية ) مشان هيك قدرنا نهمل الانتقال على yمع إنو موجود حقيقة مع الاخذ بعين الاعتبار خصائص الوثاقة الجزئية (نص القساوة ...) وبالتالي بمسألة المحاضرة صار عنا مجهول واحد هو الدوران بالعقدة الصلدة وما عاد عنا انتقالات
أما بهالمسألة صح إنو الشكل منتاظر وصح إنو الوثاقة جزئية بس بما إنو هون ما عم نقطع بعنصر مستمر ( بزاوية ) لهيك أخذنا الانتقال الشاقولي بعين الاعتبار لهيك منرسم مخطط الانتقالات على أساس إعطاء حركة للمسند الشاقولي والبقية بتعرفوها..

تاني شي ..نوطة المهندسة ميرنا فيها كتير أفكار حتى أكتر من محاضرات النظري بس فيها كمان اختلاف كتير
مثلاً بهالمسألة نفسها صفحة206  عند ميرنا مو حاطين بالجدول g  مع إنو هية وثاقة حقيقية
الشي يلي بدي إسألكم يا ... صفحة 87 من محاضرات الدكتور بطيخة ما فهمت كيف طالعنا العزم لنقطة الوثاقة الجزئية بالتوازن ؟ يعني نحنا دخلنا رد الفعل الشاقولي عاليسار بمعادلة التوازن ولا لاء ؟


ثالث شي ..بالنسبة لطريقة الدكتور بطيخة بالميل والسهم حلوة بس كتييييييييييير طويلة يعني مستحيل نعتمدها بالحل حتى لو بإزاحة وحدة
الطريقة باختصار بتقول
1- منطالع العزوم الناتجة عن الآثار الخارجية :
أ- إذا كان في قوى خارجية بحسبلها العزوم فوراً من القوانين الجاهزة
ب- إذا كان في أثر حراري أو انتقال إجباري أو دوران إجباري بدنا نرسم مخطط الانتقالات الناتج عن أي منها ونحسب العزوم كمان بقوانينا المعروفة
ج- بنتيجة الخطوتين السابقين صار عندي عزوم ( أرقام ما في مجاهيل لحد الآن )

2- نوازن المنشأ بوضع العزوم المحسوبة ( نحسب العزوم عن الآثار لكل عنصر )

3- نعطي دوراناً للوثاقات التي أضفناها عندما قيدنا المنشأ بحيث كلما افترضنا دوران لوثاقة وحسبنا العزوم الناتجة عنها في العناصر نعود لنوازن المنشأ
(يعني إذا كان ضفنا أربع وثاقات للتثبيت رح وازن بهالخطوة أربع مرات وكل مرة حيطلع عندي العزوم وردود الأفعال بدلالة الدوران يلي فرضتوا مثلاً تيتا c ومرة تانية تيتا b وهكذا ..)

4- نرسم مخطط الانتقالات الناتج عن كل إزاحة موجودة بالمنشأ ثم نعود فنوازن المنشأ من جديد

5- نأخذ معادلات متجانسة مع الانتقال الذي فرضتناه ( مجموع x=0 ) عند النقطة B  مثلاً التي وضعنا عندها المسند الإضافي الأفقي فنجمع كل ما نتج عند B من كل الموازنات للمنشأ التي قمنا بها في المسألة جمع جبري

6- تنتج لدينا معادلات عددها = عدد المجاهيل فنستنتج المجاهيل (دورانات وانتقالات)

7- نعوض قيم المجاهيل في المسألة وأستطيع بعد 7 خطوات الآن رسم العزوم وحساب ردود الأفعال

هي هية الطريقة إن شاء الله كون قدرت فيدكن بشي
إدعولي إنجح بهالمادة لأنو معي عملي فيها عالي زيادة عن اللزوم 
موفقين

اقتباس

الطريقة باختصار بتقول
1-
.
.
.
7-
هي هية الطريقة إن شاء الله كون قدرت فيدكن بشي

هلق هاد هو المختصر

كنت عما فكر  اقراها تفكير بس مو اكتر ...ام هلق بطلت على الاخر 


ان شالله بالتوفيق للكل ... وان شالله بترفعيها معدل

اقتباس

اقتباس

لطريقة باختصار بتقول
1-
.
.
.
7-
هي هية الطريقة إن شاء الله كون قدرت فيدكن بشي

هلق هاد هو المختصر 

كنت عما فكر  اقراها تفكير بس مو اكتر ...ام هلق بطلت على الاخر

 

أنا تشجعت وقريتها
بس بصراحة هالطريقة كتير معتة وطويلة
وبرأيي طريقة السنة الماضية أحسن

وعلى فكرة هي الطريقة موجودة بالانشاءات2 تحت اسم
مصفوفة القساوة فيلي درسها بكون ريح حالو منها بالفصل التاني

مرحبا

طمنونا كيف الانشاءات
 
الأسئلة كتير سئيلة كانت
   

وشفت اليوم منظر أول مرة بشوفو بحياتي

بعد ما توزعت الاسئلة بخمس دقايق كان فاضي نص القاعة

فكتير طلاب سلموا ورقتهم فاضية وطلعو أول ما شافو الاسئلة
   

لا تفكرو أنو أنا كان وضعي أحسن بس أنا صمدت نص ساعة حاولت حل فيها
         
بس للأسف ما في شي زبط معي


يعني بس بدي افهم شو بيخسرو اذا جابو اسئلة متل العالم والناس وبتنحل
           

السلام عليكم
كيف طلعتو انشاء الله تمام
أن من جهتي              
وخصوصي أنو المسألة اللي كنت معتمد عليها طلعت غير أرقام
بالتوفيق للجميع
سلام

اقتباس

حطيتها من شان اتشوفوها
بالتوفيق للجميع
سلام

آسف بس الحل يلي حاطو خطأ

أنا عدت حلها باستخدام العمل الوهمي
وبعدين تأكدت على الكمبيوتر فطلعت معي غير نتيجتك

سمعت انو الاسئلة كانوا غلاظ
انا شخصيا مارحت عالفحص لاني كنت بعرف اني مارح قدم منيح



باقيلنا مادتين

ان شاء الله بيكونوا سهلين ومنرفعن


خاصة من علامات العملي الرائعة !!!

السلام عليكم

اقتباس

الحل يلي حاطو خطأ

أنا عدت حلها باستخدام العمل الوهمي
وبعدين تأكدت على الكمبيوتر فطلعت معي غير نتيجتك

أخي SCORPIO
حكيك صح الحل اللي حطيتوا أنا كان خطأ لأني كنت حاطط القوة الموزعة مية بدل خمسين
من شان هيك حذفته من المرفقات وشكرا إلك عالملاحظة
بس النهفة ما هون النهفة إني عامل نفس الغلط بالفحص
يالله الحمد لله على كل حال
وقدر الله وما شاء فعل
الله يقدم اللي في الخير
سلام

مرحبا
كيف التربة معكم

بس سؤال
بالمحاضرة الرابعة بالصفحة الأولى في فقرة وهي
العوامل المؤثرة على معامل النفاذية

وكمان منعادة هالفقرة بأول صفحة بالمحاضرة الخامسة

وفي اختلاف بين الاتنين

فشو الفرق بين هالفقرتين