السلام عليكم


ان شالله تكونوا عما تقدموا منيح


هلق بالنسبة للانشاءات

ياترى حدا سأل الدكتور بطيخة اذا فينا نحل بطريقة السنة الماضية ؟


لانو الطريقة تغيرت جذريا متل مالي شايف

ومنظر المحاضرات لحالو بكشش البدن

وياترى بالعملي بأي طريقة حليتوا ؟


بالتوفيق يارب...

السلام عليكم ...

كيف البيتون ومواد البناء معكم ؟؟؟

بالنسبة لمحاضرات البيتون النظرية للدكتور شريف برقاوي ... ويلي هنن عبارة عن أربع محاضرات ...كتير سألوني إذا في شي فيهن زيادة عم محاضرات العملي ...


بالرد في تلخيص لأكتر شي لاقيتو مهم بالمحاضرة الخامسة ... ممكن يكون في شي غيرو وما انتبهتلوا ... بس والله أكتر من هيك ما طلع معي    فيكن تستفيدوا من هالأفكار بحيث تفهموا الفكرة في حال إجانا صح وخطأ ...



- كيفية انتقال الحمولات ضمن المنشأة ... صفحة 60 ...

- تؤدي النسبة العالية للغضار في الرمل إلى انتفاخه .

- يتكون البيتون من : 1- مادة بلورية ( البحص ) . 2- مادة غروية ( مونة اسمنتية ) .
و يجب أن تكون المادة البلورية أقوى من المادة الغروية ... أي عامل مرونتها عالي جدا ...
(( ملاحظة : زيادة عامل المرونة للمادة أي : زيادة صلابتها وقوتها ووزنها الحجمي والنوعي . ))
تدعى عملية التداخل بين المادة الغروية والمادة البلورية بالتعشيق وهي التي تعطي الصلابة .

- تحديد المكافئ الرملي ...
تعريفه : معرفة الشوائب والعوالق الغضارية التي تدخل في تركيب الرمل .
عودة إلى الصفحة 63 .

- يزاد السطح النوعي بازدياد قطر الحضويات ويبلغ قيمة عظمى عند القطر 3 مم ثم يتناقص بعدها .

- يكون قطر الحصويات المشكلة للروبة الاسمنتية من 0.2- 3 مم .

-الرمل الناعم يحتاج إلى كمية اسمنت تتراوح بين 400-1000 كغ / م3 للحصول على مقاومات عالية ( يعني غير اقتصادي ) .

-الرمل الخشن يحتاج إلى كمية اسمنت تترواح بين 300 – 400 كغ / م3 للحصول على مقاومة عالية ( أي اقتصادي ) .

- من الممكن أن نحصل على خلطة بيتونية بدون بحص .. ولكن بدون رمل مستحيل وأقل كمية رمل هي 420 كغ .

- كلما زادت نعومة الاسمنت يصبح سريع التصلب .

- بزيادة عيار الاسمنت تزداد مقاومة البيتون ، وعند عيار 300-400 تبلغ قيمة عظمى ... وتبدأ بالتناقص عند عيار 600
الخلاصة : زيادة نسبة الاسمنت تزيد المقاومة .. ولكن زيادة نسبة الاسمنت إلى حد كبير ينقص المقاومة بسبب الفصل بين الحصويات ...



اما بالنسبة لباقي المحاضرات ما بعرف شو بلحق نزل من هون للمسا    الله يبارك بوقتنا 




دعواتكم ... و موفقين ...

السلام عليكم

عندي سؤال
بنماذج البريطانية بالصح والخطأ
النموذج الأول
بالنسبة للفقرة السابعة
يزداد معامل التراص للخلطة مع انخفاض هبوط مخروط ابرامس
أما النموذج التاني
بالفقرة السابعة
يزداد معامل التراص للخلطة مع زيادة هبوط مخروط ابرامس

الفقرتين محلولات انهن خطأ!!!! ،،، مو لازم تكون وحدة منهن صح ؟؟

ونفس الشي قي تناقض بالنسبة للفقرة 7 بالنموذج الخامس والسادس!!!


تمنياتي بالتوفيق للجميع

خلص لقيت الجواب
بالصفحة 14 محاضرة حل ال70 سؤال
الفقرة 36 بتوضع العلاقة بين معامل التراص وهبوط المخروط

معناها
يزداد معامل التراص للخلطة مع زيادة هبوط مخروط ابرامس
صح


سلام

بالنسبة لباقي المحاضرات النظرية ... سامحونا ... ما عاد معي وقت 


*******

في دقيقة بين ردي وردك ... بس ما رح احذفوا ... 


إي صح الجواب يلي لقيتو ...


بالتوفيق ...

مرحبا
حدا عندو اسئلة الدورة الاستثنائية تبع الصيف؟؟
شو الخلطة الي اجت فيها؟بريطانيةولافرنسية؟