نسيت قلكن شغلة كتير مهمة ..

هلأ حوالي الساعة 11 إن شاء الله حتنزل آخر محاضرة تجهيزات ميكانيكية
وهيك بتكون كملت محاضرات التجهيزات وأخيراً
كل فصل وإنتو بخير

يعطيكي العافية Black Tulip وشكرا إلك


مشان علامات العملي , اليوم كان لازم ينزل تجهيزات ومواد بناء , بس لسبب مدري شو مراقب الدوام ما حطهن بحجة انو المفتاح تبع الغرفة ما معو وناسيه !!!!!!!!!!!!!

والتربة كمان العلامات على حد علمي بالامحتانات للتدقيق ,      

بالتوفيق

اقتباس

مشان علامات العملي , اليوم كان لازم ينزل تجهيزات ومواد بناء , بس لسبب مدري شو مراقب الدوام ما حطهن بحجة انو المفتاح تبع الغرفة ما معو وناسيه !!!!!!!!!!!!!

يعني منفهم من هالحكي انو مارح ينزلوا

والجمعة والسبت عطلة


يعني راحت ليوم المادة لنعرف العلامات

اقتباس

مشان علامات العملي , اليوم كان لازم ينزل تجهيزات ومواد بناء , بس لسبب مدري شو مراقب الدوام ما حطهن بحجة انو المفتاح تبع الغرفة ما معو وناسيه !!!!!!!!!!!!!

من تجربتي الشخصية , مو ضروري إذا قال مراقب الدوام إنو علامات المادة ما رح تنزل اليوم ... يعني ما رح تنزل اليوم , و في سوابق بهالموضوع و حتى في مادة بأحد السنوات السابقة نزلها بالساعة 4 و كان قايل وقتها لإلنا إنو ما رح تنزل.
بالتوفيق,,,

مرحبا شباب كيف الدراسة عندي سؤال عن اسئلة الدورات لمادة التجيزات كانو في غلط بحل المسألة الاولى لعام2010  2009الفصل الاول ومو واضح وين شعاع التبريد الي غند الحل الصح ياريت يخبرنا و شو هي الابحاث المحذوفة من تجهيزات الميكانيك و الكهرباء

السلام عليكم
شباب عندي طلب وياريت ما تردوني خايب
ياريت اللي عنده سكنر والمحاضرات اللي نزلو اليوم يحطن عال الموقع لأنوا بيتي بعيد وأبو محفوظ بكرا مسكر والسبت ماعاد في وقت
والأجر بإذن الله كبير عند الله
سلام

أول شي بدي هني  Black Tulip من كل قلبي على خلاصها من

كتابة المحاضرات بالسلامة  ... كان لازم نصور هاللحظات الأخيرة المؤثرة   

بس أكيد هي محفورة بذاكرة كل وحدة منا   

اقتباس

حبيبتي بحر تاني مرة إذا..إذا ..إذا غلطت ورجعت كتبت محاضرات فالله يرضى بتدرسيهن قبل بوقت وبتقوليلي الأخطاء ...وإذا تأخرت بتنزيلن بتنزليلي ياهن وبتقوليلي الأخطاء

هلأ من جهة رح تغلطي ... فبعرفك ... بدوري على الهم دوارة ... 

اما شغلة ادرسهن قبل بوقت ... فليس كل ما يتمناه المرء يدركه ... 

اما شغلة نزلن عنك ...  فإذا كنت الفصل الجاية فاضية من هالشغلة ... فإن

شالله ما بقصر بمساعدتك ... وإضافة لمستي السحرية ... 




بالنسبة للأخطاء ... ولا يهمك ... عادي كتير تطلع ... وبظن أي حدا عم يدرس ببين معو الصح من الخطأ ...

اقتباس

ما بعرف ليش هيك طلع أنا يومها أخذت الأرقام يلي انذكرت متل ما هية بالمحاضرات
هو لازم يطلع 314 * 0,2 = 62,8

عادي بتصير كتير ... انا المهم عندي اتاكد من التحويل   

اقتباس

لكان أنا ليش فكرك طولت بالمحاضرات ؟

لك آخ لا تذكريني بهالقصة ... 

بظن ... وبعد التجربة الشخصية ... فينا نقول التالي ...

كل دكتور عندو معلومات أكيد بتفيدنا  ... بس ....

هالمعلومات بدنا نقسمها على معامل فينا نسميه " فوضى الأفكار

" ... ويلي بيختلف من دكتور لدكتور ... وممكن ينعدم عند البعض وممكن

يتجاوز حدوده المسموح بها عند الآخر    طبعاً هالمعامل بيأثر على الفائدة يلي

كان المفروض ناخدها في حال انعدام هاد المعامل   

اقتباس

بس بدك تديري بالك إنو فقرة القيم النسبية للاستطاعة  المشعة بتصوري هامة

منيح يلي نبهتيني ... مدري ليش حسيتها بلا طعمة !!!

اقتباس

على حسابك

بعرفك ما بتقصري  يسلمو إيدكي 




موفقة  Black Tulip    والله يباركلك بوقتك ... وتجيبي أعلى العلامات 

بس لا تنسي تدعيلي ... بتعرفي البير وغطاه   




بالتوفيق للكل   

عندي استقسار بمحاضرات الميكانيك
ص50
هل في خطأ بقيم الغزارات بالمجرى 4 ، 5 ؟؟
واللا أنا في شي فهمانه غلط؟
مو لازم تكون الغزارات متل مو حاسبها بالصورة =>>
>>


وشكرا

صباح الخير

اقتباس

عندي استقسار بمحاضرات الميكانيك
ص50
هل في خطأ بقيم الغزارات بالمجرى 4 ، 5 ؟؟
واللا أنا في شي فهمانه غلط؟
مو لازم تكون الغزارات متل مو حاسبها بالصورة

هلأ شفت المسألة واستفسرت من رفيقتي 
القصة ومافيها إنو الدكتور عطا أرقام للفئة الأولى وبعدين عدلها للفئة الثانية بس عدلها غلط ..أساساً مو مهم كتير نعرفها لأنو بيعطينا ياها بالفحص ..هو هيك قال
وحتى لو كانت بوضعها الراهن فمو مشكلة لأنو بيجوز يكون في ضياعات بالغزارة بطريقة ما..
وحتى حساب زيتا بنفس المسألة أنا بعرف بيعطونا يا جاهز بالفحص

...في غلط بالمحاضرة الرابعة المنحنيين لازم يكون شكلن تماماً متل الشكل بالمحاضرة الأخيرة للمضخات بس بتتغير المحاور فقط بس ...بالمحاضرة الرابعة مكتوب لازم ما نشتري المروحة بالقرب من نقطة التشغيل لأنو نقطة التشغيل بتمثل نقطة حرجة ..وأي تغير بالضاغط أو ...بتصير المراوح بتشتغل عالفاضي ..
بالمحاضرة الأخيرة حكا الدكتور إنو لازم نشتري المضخة بالقرب من نقطة التشغيل
بصراحة ما بعرف شو الصح ؟؟؟ أما بنوطة موسى وبالكتاب مو مكتوب وين نشتري  المضخة بالقرب من نقطة التشغيل أو بعيد عنها وبالنسبة لنفس الفقرة عن المروحة فمو مذكورة بنوب

الله يكون بالعون

اقتباس

هلأ شفت المسألة واستفسرت من رفيقتي 
القصة ومافيها إنو الدكتور عطا أرقام للفئة الأولى وبعدين عدلها للفئة الثانية بس عدلها غلط ..أساساً مو مهم كتير نعرفها لأنو بيعطينا ياها بالفحص ..هو هيك قال
وحتى لو كانت بوضعها الراهن فمو مشكلة لأنو بيجوز يكون في ضياعات بالغزارة بطريقة ما..
وحتى حساب زيتا بنفس المسألة أنا بعرف بيعطونا يا جاهز بالفحص

شكرا الك   ،،، عذبتك معي