اقتباس

مرحبا بس حابة أسأل سؤال على مسألة الهيدرولوجيا الرابعة
هلأ في متلها بالكتاب بس مشان رسم منحني التصاريف كأنو في غلط
أول شي تقسيمات يلي عل الْX مو نفس يلي عل y مع أنو أخدين لوغاريتم الطرفين يعني الرسم المفروض يكون على ورق ميليمتري
بعدين قايلين أنو loga=A=0.825
مع أنو عل الرسم طالعة شي -0.9
أنا جربت حل المعادلة عل الآلة الحاسبة بالاعتماد على منحني الانكفاء الخطي
وعطاني A=0.951
B=2.207
ورسمتها عل الايكسيل وعطتني نفس الأجوبة
أنا ما عندي ورقة الخطأو الصواب بءا ما بعرف إذا هي صح ولا خطأ
وما بعرف إذا قصدون الرسم على ورق لوغاريتمي أو لاء (مع أنو الأرقام ما بدل على هل الشي)
يمكن فوتتكون بالحيط
بءا شو رأيكون وشكرا

للأسف أنا نسيان تفاصيل المادة
بس بالنسبة للتقسيمات - حتى لو على ورق مليمتري ممكن نحنا نعتبر المقياس الأفقي غير المقياس الشاقولي - (مثلا" على المحور الأفقي كل 2سم تعادل 1 , بينما على المحور الشاقولي كل 1 سم بيعادل 1 ) - و ممكن هيك إشتغلنا سنة الماضية
مع العلم إنو كل الرسم بمادة الهيدرولوجيا كان على ورق مليمتري و ما بذكر إنو إستخدمنا ورق لوغاريتمي
و كمان سنة الماضية سأل رفيقي الدكتور عن رسم مفتاح التصاريف على الإكسل - فجاوبو الدكتور إنو هادا الشي غير ممكن لأنو نحنا بالأصل ما منعرف درجة المنحني (من الدرجة الثانية أو الثالثة ) , و بالأخير طلع (حسب ما بذكر) من الدرجة 2.1 و حسابات التراجع بالإكسل ما بتتضمن فواصل فقط أرقام صحيحة (بتمنى كون قدرت وصل الفكرة)
بالتوفيق إلكم بهالمادة و باقي المواد
   

شكرا h.r.u عم نعذبك معنا

اقتباس

إنو هادا الشي غير ممكن لأنو نحنا بالأصل ما منعرف درجة المنحني (من الدرجة الثانية أو الثالثة ) , و بالأخير طلع (حسب ما بذكر) من الدرجة 2.1 و حسابات التراجع بالإكسل ما بتتضمن فواصل فقط أرقام صحيحة

ما هو المشكلة أنو مستقيم

اقتباس

و ما بذكر إنو إستخدمنا ورق لوغاريتمي

أنا بعرف أنو إذا أخنا لوغاريتم الطرفين ما منضطر نرسم على لوغاريتمي بس ما لي متأكدة من هل الشي

ويسلموا كتير عل الرد

وانا كمان لساني خارج التغطية بالمسألة الرابعة ... 


بس كجواب سريع ... ومن خلال ما فهمت من رفيقتي وقت حلتها ... انو ما رسمت على ورق لغاريتمي ... واستخدمت متل ما قلتي الآلة الحاسبة ... متل ما كنا نشتغل بقسم الإحصاء ب ر4 ...

ومتل ما قال h.r.u ما بظن من الممكن تستخدمي الإكسل ... لأنك لازم ترسمي أفضل منحني بيمر من هالنقاط ... اما الإكسل بيرسم منحني بيمر من النقاط ... الأفضل مشان يطلع المنحني تبعك منيح ... تصغري المقياس مشان تصغر مساحة الرسم وبالتالي بيسهل رسم المنحني بالإيد ...




صحي ... يسلمو على ورق الميليمتري ... ما اشتريت غير يلي عطيتيني ياهن    لانو بعد ما خلصت ما كان إلي نفس روح واشتري غيرهن ... 


سلام ...

اقتباس

والله ياريت فيني أخدمك ، بس مو عندي الورقة ،،، دائما بنوي جيبها وبنسى .

مو مشكة صاح رح دبر حالي هلأ شلون ما كان من هون لبكرا

اقتباس

شكرا h.r.u عم نعذبك معنا

اقتباس

إنو هادا الشي غير ممكن لأنو نحنا بالأصل ما منعرف درجة المنحني (من الدرجة الثانية أو الثالثة ) , و بالأخير طلع (حسب ما بذكر) من الدرجة 2.1 و حسابات التراجع بالإكسل ما بتتضمن فواصل فقط أرقام صحيحة

ما هو المشكلة أنو مستقيم

عبارة (ما هو المشكلة إنو مستقيم ) ضحكتني.... بس أنا عنجد اسف , كان قصدي منحني مفتاح التصاريف (يلي شكلو منحني) و يلي منطلع منو b - شكرا" إلك على التنبيه ... 

اقتباس

ومتل ما قال h.r.u ما بظن من الممكن تستخدمي الإكسل ... لأنك لازم ترسمي أفضل منحني بيمر من هالنقاط ... اما الإكسل بيرسم منحني بيمر من النقاط ...

هلأ صراحة في طريقة بالإكسل لرسم أفضل منحني مقارب و بيعطي المعادلة و خطأ متوسط التربيع على الرسمة مباشرة, و الطريقة بدون كتير تفصيل :
بعد كتابة X,Y  للنقاط بالإكسل و تحديدهم
1- منعمل insert > scatter> scatter with only markers
هيك بنكون رسمناهم كنقط فقط
2-بنحدد الرسمة و لما بنحددها بيطلع فوق chart tools بعدين منروح على :
chart tools > layout>trendline>more trendline options
و من هونيك بيتم رسم أفضل منحني (عادي , لوغاريتمي , أسي ) أو مستقيم  مقارب
و أنا جاهز لأي سؤال عن هادا الشرح و خصوصا" إنو كتير بيفيدكم بالهيدرولوجيا و التربة 1

بالتوفيق إلكم,,,
   

السلام عليكم


انا سنة رابعة ازا لازمكن مساعدة جاهز



وبتوقع ابو محفوظ عندو حل الاسئلة كاملة


لانو المسائل نفس مسائلنا السنة الماضية

اقتباس

كان قصدي منحني مفتاح التصاريف (يلي شكلو منحني) و يلي منطلع منو b

هو أنا لقيت رسمتين بالكتاب وحدة منحني منطلع منها الb وهي رسمتها وطلعت الb
ووحدة تانية لحتى نطالع ثوابت معادلة التصاريف يلي هنن a,n وهي مستقيم (أنا هي يلي كنت عم أسأل عليها)
بس أي وحدة اسمها معادلة التصاريف الله أعلم
 

اقتباس

هلأ صراحة في طريقة بالإكسل لرسم أفضل منحني مقارب و بيعطي المعادلة و خطأ متوسط التربيع على الرسمة مباشرة, و الطريقة بدون كتير تفصيل :
بعد كتابة X,Y  للنقاط بالإكسل و تحديدهم
1- منعمل insert > scatter> scatter with only markers
هيك بنكون رسمناهم كنقط فقط
2-بنحدد الرسمة و لما بنحددها بيطلع فوق chart tools بعدين منروح على :
chart tools > layout>trendline>more trendline options
و من هونيك بيتم رسم أفضل منحني (عادي , لوغاريتمي , أسي ) أو مستقيم  مقارب

شكرا كتير عل الشرح

اقتباس

شكرا" إلك على التنبيه

نحن يلي لازم نشكرك

اقتباس

بس كجواب سريع ... ومن خلال ما فهمت من رفيقتي وقت حلتها ... انو ما رسمت على ورق لغاريتمي ... واستخدمت متل ما قلتي الآلة الحاسبة ... متل ما كنا نشتغل بقسم الإحصاء ب ر4 ...

ما أنا هيك حلت مسألة الكتاب وما بعرف ليش عطتني غير أجوبة

اقتباس

صحي ... يسلمو على ورق الميليمتري ... ما اشتريت غير يلي عطيتيني ياهن    لانو بعد ما خلصت ما كان إلي نفس روح واشتري غيرهن ... 

ولو أهلا وسهلا بدنا خدمة تحرز

سلام

اقتباس

شكرا كتير عل الشرح

أهلا و سهلا ميمي , هادا واجبنا .. 

هلأ أنا ما بعرف وين المشكلة و ليش ما عم يطلع معك a,n  صحيحة بس فتحت ملف الوظيفة تبع سنة الماضية و لاحظت شغلة نبه الدكتور عليها سنة الماضية , رح إرجع عيدها (لعل و عسى)
تنبيه الدكتور كان : إنو b من منحني مفتاح التصاريف رح تطلع قيمة سالبة بس لما بنعوضها بالقانون
Q=a.〖(W-b)〗^n
رح تصير قيمة موجبة ( سالب مع سالب بيصير موجب (b-)- ) , هلأ هي نكشة صغيرة بس في طلاب على السرعة غلطو هي الغلطة
بالتوفيق,,,
   

اقتباس

تنبيه الدكتور كان : إنو b من منحني مفتاح التصاريف رح تطلع قيمة سالبة بس لما بنعوضها بالقانون
Q=a.〖(W-b)〗^n

أنا جربت حل مسألة الكتاب قبل ما بلش بالوظيفة مشلن ما حلها غلط وطلعت معي ال b سالبة بس المشكلة كانت بa,n
بالكتاب حاسبينها من رسم المستقيم وإيجاد ال tan
بس ما فهمت كيف طالعة ال log a=A بالكتاب +0.825 بالحل
مع أنو طالعة سالبة بالرسم
فما عرفت كيف طلعوها
والمشكلة رفقاتي ما عندون كتب لحتى أسألون

وعنجد بتشكرك كتير على جهدك