السلام عليكم

اقتباس

بس ستنو علينا شوي

     

هلأ بس عم نحكي أفكار... مشان نعرف شلون بدنا نبلش... وأكيد حناخد هالأسبوع إجازة...

السلام عليكم

إن شاء الله إذا قدرنا ننظم الشغل ... حنلاقي نتائج حلوة كتير 

بس هي مبارح واليوم راحو بقطع الإتصالات ... يعني ما بيقدرو ما يـ ........... 

إن شاء الله حأكتب بالمواضيع المتعلقة بالصيدلانيات والأشكال الصيدلانية

لقيت بالموسوعة موجود مقالة عن المعلقات والمستحلبات ... بس إن شاء الله حعدل عليهم

وباقي الأشكال ممكن أكتب عنها:

الحثيرات - الضبوبات - القطورات - المحضرات الحقنية - .... الخ

السلام عليكم


Color your Life

اقتباس

بس هي مبارح واليوم راحو بقطع الإتصالات ... يعني ما بيقدرو ما يـ

     

الحمد الله قولي نحنا هالأسبوع اعفاء وما قطعولنا يا... بس عواضها عم يقطعو الكهربا ...

وما بيحلالهم القطع غير بالليل...

المهم إن شاء الله رح نبلش عالأسبوع الجاية...   وإن شاء الله يزيد عدد المشاركين أكثر...

السلام عليكم...

بصراحة مو عرفانة شو الافكار يلي بيقدر الواحد يكتب عنها.؟؟؟

اذا بتريدو وضحولنا اكتر؟؟

شكرا سلفا...  

وعليكم السلام 

هي الصفحة الرئيسية للموسوعة:

http://www.arabsciencepedia.org/wiki/%D8%A7%D9%84%D8%B5%D9%81%D8%AD%D8%A9_%D8%A7%D9%84%D8%B1%D8%A6%D9%8A%D8%B3%D9%8A%D8%A9

هي ما متل الموسوعات التقليدية ... ومحاولة لتقديم شي مميز ... ممكن ما يكون عبارة عن مقال ... ممكن يكون خبر علمي ... وحتى مشاريع التخرج ممكن تنحط فيها

وإذا لقينا أشياء نحنا بحاجتها من موسوعة تانية فينا نعمل تحويل لرابط هالمقال بالموسوعة التانية ... مع وضع تلخيص بسيط "حسب الموضوع بيهم مين" ... وهيك بيكون في تجنب للتكرار وإستفادة من أنو إذا تم التعديل عالمقال فحيتعدل أوتوماتيكياً معو لأنو اللي حطينا هو الرابط ...

ما بعرف إذا قدرت وضح ... بس بشكل عام أي موضوع علمي ممكن ينكتب بالموسوعة 

ــــــــــــــــــــــــــــــــــــــــــــــــــــــــــــ

اقتباس

وما بيحلالهم القطع غير بالليل...

same to here 

اقتباس

إن شاء الله حأكتب بالمواضيع المتعلقة بالصيدلانيات والأشكال الصيدلانية لقيت بالموسوعة موجود مقالة عن المعلقات والمستحلبات ... بس إن شاء الله حعدل عليهم وباقي الأشكال ممكن أكتب عنها: الحثيرات - الضبوبات - القطورات - المحضرات الحقنية - .... الخ

يلي حابب يكتب بالصيدلانيات:
ممكن يستفيد بشكل كبير من حلقات بحث الصناعية ..
في حلقات فعلاً ممكن تكون مرجع متكامل بموضوعها...

مبارح بس شفت الردود هون تحمست وقلت لحالي رح باشر بالكتابة مباشرة


وإذا بتنقطع الكهربا من الساعة 3 تقريباً للساعة 12 بالليل (يعني 9 ساعات)

بعدين نمت وتاني يوم رحت ع الصيدلية منشان نترزق شوي ولما رجعت المسا وقعدت شوي جيت لاكتب قام قطعوها بس هالمرة بس ساعتين ...

بس خلص رح بلش من هلاً ان شاء الله ..


والواحد بيكتب قد ما بيحسن ومع الوقت بتكبر المقالة وبتصير أوسع ..

السلام عليكم ...

في سؤال صغير محيرني 

طبعا بعد ما سجلت بالموسوعة وعملت جولة صغيرة فيها  ....

لاحظت انو اغلب المقالات يا اما منقولة متل ما هي من المعرفة يا اما محطوط فيها رابط بيحولك عل المعرفة (( رجعنا لنفس الحالة )) يا اما مو موجودين بنوب هالمقالات ...

طيب نحنا ليش ما منضل عل المعرفة باعتبارها واسعة اكتر وباعتبار اغلبنا او كلنا عم يشتغل فيها ..؟؟؟؟

   

..

اقتباس

طيب نحنا ليش ما منضل عل المعرفة باعتبارها واسعة اكتر وباعتبار اغلبنا او كلنا عم يشتغل فيها ..؟؟؟؟ 

برأيي إنو مو المشكلة وين نكتب طالما بالنهاية كل الموسوعات مرتبطة باشهر محرك بحث (غوغل)  ...........
يعني بظن انو مشروع ويكي سيريا كان هدفه قبل كل شي ((إغناء اللغة "العربية" على الانترنت علميا))

ولو انو من الأفضل نحاول نضل منظمين ومتجمعين بموسوعة وحدة مشان ما يضيع الجهد بالتكرار

السلام عليكم ورحمة الله

أكيد هلأ الكل ارتاح ... لهيك هلأ صار وقت نشتغل بالمواضيع يلي حجزناها أكيد معظمكم بلش فيها... بس حبيت حط هالمشاركة كتذكرة بالموضوع...