السلام عليكم ورحمة الله وبركاته
آسف عالتأخير بالموضوع بس بتعرفو عجقة العيد
المرة الماضية حكيت عن ال monoalohabetical substitutions
واللي هي باختصار تبديل كل حرف بمقابل له ينما ورد في النص
و تحدثت عن ضعف هذه الطرق لأسباب احصائية وغير ذلك
هناك طررق أقوى وتصنف ضمن تبديلات أخرى ليست monoalphabetical وإنما
polyalphabetical substitutions
ما رح ترجمها لأنو متل ما حكيت ماني اختصاصي ترجمة اللي بعرفو انو
poly يعنيي متعدد و alphabet يعني أبجدية و substitution تبديل
بلا طول سيرة
بالتبديلات بهيك نوع مقابل الحرف بيتعلق بشغلتين
الحرف نفسه
و موقعه بالنص
يعني
بالنوع السابق و بفرض مقابلa هو g فكل مرة بيكون عنا بالنص الأصليa بيكون عنا مقابلها بالنص المشفر g
اما بال polyalphabetical substitutions اذا كان النص الأصلي مثلا
aaaa
فالنص المشفر مارح يكون مثلأ gggg
بيجوز يكونghur او kcwv
مع انو الحرف نفسه بس كل مرة كان مقابله مختلف يعني اذا اجا حرف الa اول شي غير اذا اجا خامس شي غير اذا اجا تاسع شي
طبعاً ضمن قاعدة معينة مو اعتباطي الموضوع
بشو بيفيد هالحكي؟
حكينا انو حرف الe بيتكرر اكتر شي او عنا كلمات بتتكرر بنص معين أو رباعيات او ثلاثيات متل tion , ing وغلها نسب معينة والخ
بتبديل mono ممكن نتوقع شو مقابلاتها وبالتالي نعرف جزء من المفتاح او كلو بتقليل فظيع لعدد الحتمالات
بينما بتبديل poly التكرار مزيف بيجوز نلاقي بالنص المشفر 60 حرف b بس كل واحد منون أصلو شكل وكل ing مثلا هي غير التانية
المثال المشهور على تبديل من هالنوع هي خوارزمية vigene`re
نسبة الى دبلوماسي فرنسي اهتم بالتشفير اثناء عمله في روما في القرن السادس عشر (قديمة بس احدث من طريقة قيصر مو هيك)
نجعل لكل حرف مقابل رقمي a تقابل 0 z تقابل 25 بالترتيب طبعاً
نختار كلمة تكون كلمة السر أو الkey
مثلا
cyrano يعني انا
اقبر حالي ماأحلاني
نقابل الc = 2 , y = 24 , r = 17 , n=13 , o = 14
نكتب النص المراد تشفيره وكنتب المفتاح تحته مع تكراره على طول النص
مثلا
I love Syria
c yran ocyra
نجمع المقابل العددي لكل حرف من النص الأصلي مع حرف المفتاح المقابل له ونأخذ باقي القسمة على 25 ونبدل الحرف بالحرف المقابل لباقي القسم الناتج
مثلا I = 8 , c=2 ,8+2=10=k ويكون مقابل الحرف I الأول هو k
بتكرار نفس العملية يكون النص المشفر هو
k kgvr kaqza
لاحظو معي شو صار
عنا 2 حروفk كل واحد منون شكل واحد s و واحد L وواحد I
وعنا بالنص الأصلي حرفين I واحد صار k والتاني z
بالنسبة للتشفير بالمفتاح المتناظر
Symmetric key cryptography
إلو مشاكلو
مثلا صعب تحافظ على سرية المفتاح او تنقلو بأمان لاشخاص تانيين عبر اي قناة اتصال لانو اذا انعرف مصيبة لذلك هاد النوع يستعمل اكتر شي لتشفير الوثائق المحفوظة اللي ما بدنا نرسلها لحدا لصعوبة حماية الخوارزمية والمفتاح في بعض الحالات
والمفتاح اذا ماتغير من فترة للتانية بينكشف اذا استعمل كتير ممكن ينكشف من تاني مرة
وصعب كل مابدك تغير المفتاح تعممو عالمعنيين بالأمر خصوصي اذا المعلومات على مستوى خطير مافيك تضمن سرية نقل المفاتيح لذلك الطريقة هي مثالية لتشفير ملفات خاصة محفوظة لكتر مما هي مناسبة للتواصل
الطريقة التانية اللي ذكرناها ببداية الجزء الأزل هي المفتاح العام
public key cryptograohy
شوفو الملف المرفق
المفتاح اللي بيفك التشفير والمفتاح اللي بيشفر مختلفين
كيف هيك؟
في مسائل او بالاحرى عمليات بالرياضيات متل الضرب
مثلا اذا سألتكون 5 = 2 + x
شو قيمة x رح بتقولو 3
لنفرض عملية اسما &
x & y = 4 مثلا حيث y معلومة
في عمليات بيكون تقريبا مستحيل نعرف فيها قيمة x
بمعنى آخر تقريبا ما فينا نعرف المفتاح الخاص انطلاقاً من المفتاح العام حتى بالحواسيب السريعة جدا بتاكل وقت كتيير طويل
والخوارزمية هون معلنة مو مخفية متل التشفير المتناظر
خلينا نصيغها بطرقة تانية
في واحد بس
بس واحد معو المفتاح الخاص
وكل شخص بالعالم ممكن يحصل عالمفتاح العام مو مشكلة مو بس هيك
والخوارزمية كمان
اللي معو المفتاح الخاص هو الوحيد اللي بيقدر يفك التشفير
الباقيين بيقدرو يشفرو بالمفتاح العام و بيبعتولو النص المشفر عبر قنوات الاتصال المتفق عليها
واللي ممكن ما تكون امنة بس مو مشكلة اصلا اللي شفر ما بيقدر يفك لانو مفتاح الفك مو معو (المفتاح الخاص private key)
من الخوارزميات المشهورة للتشير بامفتاح الخاص :
1 _ (
RSA :مخترعيها, Ron
Rivest, Adi
Shamir, and Leonard
Adleman)
وبالمناسبة التلاتة يهود أمريكان من MIT
2_ خوارزمية الجمل
el-Gamal نسب الى
طاهر الجمل عربي من مصر
وهي احدث واقوى من السابقة
3- خوازمية
Rabin وهي احدث الثلاث
التشفير بالمفتاح الخاص جديد نسبياً ظهر للمرة الأولى عام 1978
وله عيوبه ايضا
معظم الخوارزميات التي طرحت بداية كانت غير امنة بشكل كاف و ماهو آمن
منها بطي جدا مقارنة بالتشفير المتناظر
وفي الخوارزميات القوية منها يكون المفتاح طويلا جدا جدا (كتل ما قلي واحد شاغل فيهون عدد طولو شبر وماكان عم يبالغ مو بس طولو شبر لأ وأولي كمان)
أو بيكون النص بعد التشفير أطول بمنيح من النص الاصلي
يعني
لكل شيء اذا ما تم نقصان فلا يغر بطيب العيش انسان
مافي شي كامل كل شي الو شغلو . النهاية -تم بعونه تعالى-
ماني عارف شو بدي قول
خلص الموضوع بس لسا فييي كتيييير حكي ما حكيتو وفي حكي اكتر بكتيير مافهمتو
لحتى احكيلكون ياه
كان كل الهدف من الموضوع انو حمسكون شوي لتشوفو انتو وتبحثو
انا هلأ صاير عم احلم بالشيفرات و عك حوص بالبيت رايح راجع وفكر
(شلون بدي برمج هي وشلون بدي فك هي وشلون....) الله وكيلكون ما عم نام
بس
بحياتي ما كنت مبسوط اد هلأ انشا الله كاكون بتكونو مبسوطين جميعا
انشا الله يتمونو استفدتو
اذا كان استفدتو دعوووووولي لاتنسو
واذا ما استفدتو لا تدعو عليي الله يخليكون مو ناقصني انا رح نزل المراجع اللي قريت منها قريبا مشان كون عملت كل شي فيني اعملو
والله وراء القصد
والسلام عليكم ورحمة الله وبركاته
هيكلية المجلة (أقسامها الرئسية )
رسالة في التشفير (2)
