دليل طالب السنة الأولى
مواد الفصل الأول :
1- الرياضيات 1
مدرس هذه المادة الدكتور: شكري أبو عرابي
تحتوي هذه المادة على عد ة أبحاث ,,,, المصفوفات .. السلاسل .. النهايات .. المشتقات .. الدوال .. قسم الجبر
مادة سهلة وسلسة ولا يعتمد الطالب على محاضرات الدكتور لأنها لا تكفي و فيها شغلات كتير مو مطالبين فيها بالآونة الأخيرة صارت الأسئلة مشتركة مع قسم الطاقة يلي بيدرس فيها الدكتور ياسر نصر لذلك ينصح بدراسة نوط "أبو أحمد" فيها أمثلة كتير مهمة وشاملة 2-
2- الفيزياء 1
مدرس المادة سابقا د . بسام المغربي وحاليا د . أحمد حيدر " إحتمال السنة يتغير "
الأبحاث التي تدرس بالمادة الضوء والعدسات والإنكسارات حركة النواس
الدكتور أحمد حيدر مزاجو صعب شوي بشان هيك لازن تتعب شوي ع المادة ومرجعك هو الكتاب
3- الميكانيك الهندسي
مادة سهلة كتير ... أبحاث المادة حركة .. تحريك .. هياكل
الدفتر مرجع أساسي والمادة بشكل عام بتعتمد على مبدأ واحد
4- اللغة الإنكليزية
50% كتابة تحريري .. 50% أتمتة
المادة بتعتمد على قوة لغتك بالأساس إذا كنت ضعيف باللغة لابد من دورات بشان السنوات المتقدمة والمستقبل ما بعد التخرج
5- الرسم
مادة سهلة كتير وبتعتمد على الفراغية و الخيال
6- ثقافة
يعني قومية .. الدراسة من الكتاب بصم بالعادة بيجي سؤال ب 30 علامة مساعد بيتم الإعلان عنو قبل الإمتحان بفترة ,,,,, وغالبا ما تتسرب الأسئلة !
7- عربي
مادة معدل كتير سهلة الدراسة حسب دكتورالمادة سابقا كانت 50% أتمتة و 50% كتابة بتنزل محاضرات للدكتوربالكشك بالإضافة للكتاب
مواد الفصل الثاني :
1- الرياضيات 2
تتناول المادة التكاملات و المعادلات التفاضلية ....
بدا شوية شغل و متابعة وينصح بالدراسة من الدفتر بالإضافة لنوط أبو أحمد
2- الفيزياء 2
تحتوي عدة أبحاث الفيزياء النووية .. الحقل الكهربائي
تابع مع الدكتور وحاول تكتب وراه أو تسجل المحاضرات على mp3
3- الكيمياء
أبحاث المادة الترموديناميك ... المحاليل ... الخلايا ... الحرارة
المرجع الأساسي هو الدفتر وضروري مراجعة المسائل الواردة بالكتاب والنظري كتير مهم
4- مدخل حاسوب
تحويلات بين أنظمة العد بالإضافة لمبادئ أساسية بالحاسوب والبرمجة
5- أسس هندسة كهربائية
أبحاث المادة المكثفات د. عصام الزو .. التيار المستمر د. سميح الجابي .. المغناطيسية د. عصام الزو
مادة سهلة خصوصا بعد ما صار دكتورالمادة رئيس بلدية و مو فاضي يحط أسئلة .... بيكرر دورات
المرجع النوطة الموجودة بالكشك + أسئلة الدورات وسلالم التصحيح
6- اللغة الإنكليزية
7- الورشات
مادة عملية بالدرجة الأولى
حدادة .. سباكة .. ميكانيك .. تمديدات كهربائية ... نجارة
كتير ممتعة و بعد كل ورشة بيتقدم تقرير ... في تقارير جاهزة بالكشك بس انسخ والصق
ملاحظة :
الموضوع مغلق للتنسيق والمحافظة على ترتيب دليل السنوات
الأخوة الأعزاء أي ملاحظة أو تعديل أو إضافة يرجى و ضعها بهذا الرابط
http://eng.jamaa.net/post477114.html#post477114
وأي مبادرة من قبل أحد الأخوة الأعضاء للسنوات المتقدمة لهذا الموضوع يتفضل و يبعث رسالة حتى يتم فتح الموضوع ليتسنى له إضافة رده مشكورا
مع تمنياتي للجميع بالتوفيق و النجاح