[x]

"وقـل اعمـلوا فسـيرى الله عـملكم ورسـوله والمؤمنـون"


<< المشـاركات الأخيرة : >>         معلومات حول طبيعة الدراسة في كلية البحوث العلمية       آخر رد : Anas mahfoud  ]        مركز Protranslate - الأخبار التقنية       آخر رد : protranslate  ]        هام للباحثين في المجال الرياضي       آخر رد : د.قصي الساعدي  ]        مجلة علوم الرياضة       آخر رد : د.قصي الساعدي  ]        ما هي تقنية LTE ؟       آخر رد : تربية مقداد  ]        حبيت اسلم,,,عليكم ..       آخر رد : The_Sniper7  ]        مسابقة الرياضيات ..... NIGHT rider       آخر رد : *أبو عبيدة*  ]        مفكر ,,, كل عام وأنت بخير       آخر رد : سنفور غضوب  ]        كاميرات تجسس وصغيرة وغير مرئية على شكل قلم وساعة ومنبه من 01200094369       آخر رد : شركة ريماس  ]        كاميرات مراقبة وانذار وانتركم وحضور وانصراف وانذار سرقة وتتبع سيارات من 01200094369       آخر رد : شركة ريماس  ]        ماجستير اتصالات       آخر رد : zoro  ]        موفقين       آخر رد : الوراق  ]        .:: وأخيراً وبعد طول انتظار ::.       آخر رد : ابو فراس  ]        شدوا الهمة       آخر رد : الوراق  ]        كل عام وإنتو بخير يا طلاب البحوث       آخر رد : la nostalgie  ]        تهنئة ودعاء من القلب لزميلتناAlbert Einstein       آخر رد : أحدهم....  ]        هل أنت نادم؟       آخر رد : la nostalgie  ]        تلج تلج.....وأحلى صور لأحلى بحووث...       آخر رد : أمير حمص  ]        وداعاً       آخر رد : black rose..  ]        هل تعرفون ما الفرق بين الزوجة والسكرتيرة؟؟       آخر رد : عاشـق فلسـطين  ]    
...مركز رفع الصور والملفات...
النتائج الامتحانية لجامعة دمشق 2018-2017 - آخر تحديث 13-10-2018



..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"
المعهد العالي للعلوم التطبيقية والتكنولوجيا

مواضيع مميزة..





          ( ~ ^_^ "مواضيع مميزة" ^_^ ~ )       ,,, دروة حجز وتصمصم المواقع الدرسين الثالث والرابع ,,,    < .:: HIAST ::. >      ,,, ماهو مشروع الكيمتريل ,,,    < .:: HIAST ::. >        ,,, فهرس دورة حجز وتصميم المواقع ,,,    < .:: HIAST ::. >    ,,, رسالة في التشفير (1) ,,,      < .:: HIAST ::. >    ,,, رسالة في التشفير (2) ,,,     < .:: HIAST ::. >    ,,, الرياضيات هي الموضوع الذي لا نعرف فيه عما نتحدث ,,,    < .:: HIAST ::. >      ,,, عباءة الاخفاء حلم أم حقيقة ,,,    < .:: HIAST ::. >    ,,, لغز أعجبني وعزبني ,,,      < .:: HIAST ::. >      ,,, ^_^ حزر فزر ^_^ ,,,      < .:: HIAST ::. >      ,,, افحص نظرك مباشرة عالنت ,,,      < .:: HIAST ::. >  


  ملتقى طلاب جامعة دمشق --> المعهد العالي للعلوم التطبيقية والتكنولوجيا --> الأقسام العامة لكلية البحوث العلمية --> المنتدى ,,, العام
    رسالة في التشفير (1)
عنوان البريد :  
كلمة المرور :  
                    تسجيل جـديد


صفحة 1 من 3  1 2 3->

.رسالة في التشفير (1)


Cyrano

جامعـي مبـدعـ





مسجل منذ: 22-05-2010
عدد المشاركات: 255
تقييمات العضو: 4
المتابعون: 10

غير موجود
اشــترك بالتحديثات
رسالة مستعجلة

رسالة في التشفير (1)

08-09-2010 03:31 PM




السلام عليكم جميعاً و خاصةً طلاب البحوث الغوالي
حبيت احكي عن موضوع صرلو شاغل بالي فترة وأنا بشوفو مهم و حلو
بظن انو كلنا عنا فكرة عن اهمية وخطورة امن المعلومات لذلك حبيت اعرض نبذة او ملخص او خطوط عريضة_ سموها متل ما بدكن _عن التشفير 

فينا نبلش بتعريف مثلاً
التشفير : هو مجموعة عمليات نجريها على نص عادي plain text  أو معطيات أو معلومات بقصد جعلها غير مفهومة إلا لأشخاص المعنيين بهذه المعلومات والذين يستطيعون معرفة النص الأصلي انطلاقاً من النص المشفر decrypted text

طبعاً مو بس هدول الناس بيقدرو يقرأوا لنص المشفر
محللي الشيفرات كمان بيقدرو يقرأو النص المشفر بس بدهن وقت أطول

ملاحظة :

لايوجد شيفرة في العالم لا يمكن كسرها ولكن تستغرق بعضها وقتاً أطول من غيرها
والسبب بسيط جداً أن الشيفرة وضعها عقل بشري ولم تأت من المريخ لذلك لا يوجد سبب يمنع عقل بشري آخر من التفكير بالطريقة تفسها ناهيك عن عقل متخصص بفك الشيفرات

إضافةً إلى أن أغبى الطرق لفك الشيفرات ألا وهي تجريب كافة الاحتمالات الممكنة
صارت واردة بسبب وجود الحواسب العملاقة و غير العملاقة (الله يخليلنا البرمجة)
فالقصد من تعقيد الشيفرة أو خوارزمية التشفير أو تعقيد المفتاح هو حماية المعلومة 
لأطول فترة ممكنة بحيث تقفد أهميتها اذا اكتشفها العدو بعد هذه الفترة 


أكيد الحكي مو كتير واضح (جننتنا يا زلمة شو عم تحكي شي مفتاح شي خوارزمية)

طيّب خلص فهمت عليكون

في طريقتين للتشفير
Symmetric key encryption  التشفير بالمفتاح المتناظر

pubic key encryption  التشفير بالمفتاح العام

بالنسبة للطريقة الأولى :


انظر الملف المرفق الأول

رايح بلش بمثال تخلّي الأمور أوضح

أقدم شيفرة معروفة اسما شيفرة قيصر (نسبة إلى يوليوس قيصر)
caesar's ciphering

ويمكن هي أبسط شيفرة
طريقة التشفير أو خوارزمية التشفير كالتالي
بتمسكو أول حرف و بتشوفو الحرف اللي بعدو بحرفين  مثلاً بالأبجدية
وبتحطو محلو
بعدين بتمسكو الحرف التاني وبتشوفو الحرف اللي بعدو بحرفين بالأبجدية وبتحطو محلو
بعدين بتمسكو الحرف التالت ..... انفهمت مو هيك ؟

الطريقة هون هي التبديل أو الازاحة بمقدار ثابت وفق الترتيب الأبجدي 
المفتاح هو مقدار هذه الإزاحة

يعني لحتى تقرأو النص المشفر لازم تعرفو الطريقة و المفتاح واحد منهون ما بيكفي لحالو 

مثال :

تعو نشفر الجملة التالية بطريقة قيصر و المفتاح 3

Cyrano is the best
وبكل تواضع

C بعدين f,e,d
y بعدين b,a,z

كملو لحالكون بيطلع معكون
fbudr lv wkh ehvw

واللي بيقرأ هاذ النص الأزرق ما بيفهم شي و بالتالي ما بيئول عني شايف حالي


طبعاً لحتى تعرفو النص الأصلي المفتاح نفسو والطريقة  بالعكس  يعني بدل ما تمشو لإدام 3 حروف بترجعو 3 حروف

و من هون جاية كلمة متناظر Symmetric

طبعاً سهل إنو تحلو هالشيفرة لأنو ما عندكن كتير  احتمالات 25 لأنو الحرف ما بيساوي نفسو
طبعاً هاد الحكي بالانكليزي أما بالعربي بيزيدو احتمالين
فيكون هذا متفضيين و ماعندكون شي تجربو تفكو الشيفرة بإيدكون أو ببساطة
تكتبو برنامج صغير يجرب كل المفاتيح (بتاكل معو ثواني الله يخليلنا الحاسب و البرمجة العزيزة) و بتشوفو الحلول المقترحة بيطلع معكون 24 نص مو مفهومين و واحد مفهوم موافق للمفتاح الصحيح

هي الشيفرة قديمة شوي عى زمن الرومان قبل الميلاد لما كان يوليوس قيصر قائد لحرب الغال Gallic war طبعاً بلاد الغال هي فرنسا متل ما بتعرفو (أيوا عند استيريكس و أوبيليكيس )




ما عجبتكون الطريقة ؟

خدو هي

monoalphabetic substitutions

بمعنى التبديل الأحادي (هيك ترجمتي والعلم عند الله ماني اختصاص ترجمة)

كمان هون منبدل كل حرف بحرف تاني بس هون بشكل عشوائي يعني
منبدل a ب t  مثلاً و b ب k مثلاً
يعني منخربط ترتيب حروف الأبجدية ومنبدل كل حرف بالحرف الجديد اللي إلو نفس الترتيب بالأبجدية المخربطة تبعنا و اللي هي صارت المفتاح 

هون إذا حدا قدر يعرف يفك حرف أو كلمة ما بيفهم الرسالة أو النص كلو 
لازم كل المفتاح يعني كل حرف بشو بدلناه بينما بطريقة قيصر ازل عرفنا حرف أو كلمة عرفنا المفتاح

تعو نجرب 

شوفو  الملحق التاني

تعو نشفر الجملة الماضية نفسا 
Cyrano is the best

C هي v
y هي z
r  هي y ......

بيطلع معنا
vzydxh wa ujf bfau

شلون ؟
تمام
طبعاً لاحظتو انو طريقة قيصر هي كمان تبديل أحادي
حالة خاصة يعني 
طبعاً ممكن نخلي الحاسب يولدلنا المفتاح انضمن عشوائية أكتر من ازا نحنا اخترعناه


ومع انو الاحتمالات هون اكتر بكتيييييير بس للأسف هالشيفرة مانا قوية كتير
ليش ؟

الحاسب ما بيعرف كبير بيجرب 26! مفتاح شو هالمشكلة
غير هيك ممكن نقللو الحتمالات لأنو الطرق المعتمدة عالتبديل الأحادي فيها عيب أو نقطة ضعف

الأحرف يا شباب مو كلها متل بعضا في شي بيتكرر أكتر من الباقي
مثلاً بالانكليزي اكتر شي حرف ال E
بعدين t,r,n,i,a,o,s
بينما الأحرف z,j,k,q,x
أندر الحروف
وعنا ثتائيات و ثلاثيات ورباعيات شهيرة بتتكرر متل ما هية مثلاً
ch,th,sh,tion,sion
وكل حرف أو مجموعة أحرف إلو نسبة إحصائية للتكرار مثلاً من كل مية حرف منلاقس تقريباً 12 حرف e وبحالتنا هي الحرف اللي بدلناه بال e

طبعاً لكل لغة في خصائص احصائية بالعربي أكتر حرف بيتكرر
الألف طبعاُ و أكتر ثتائية هي ال التعريف

فإذا عنا نص مشفر طويل كفاية أو مجموعة نصوص مشفرة بالمفتاح نفسو
فينا نحزر بعض الحروف من التكرارات الموجودة بمقارنة نسب التكرار مع النسب المعروفة وبالتالي بينزل عدد الحتمالات بشكل مخيف
الملحق 3 جدول لنسب التكرار بالأنكليزي 

في طريقة مساعدة كمان هي انو يكون عندك فكرة عن محتوى النص الأصلس أو موضوعو مثلاً في كلمة لازم تتكرر كتير أو لازم تكون بالأول

هيك بيفكو اللغات القديمة و النقوش أنا بتذكر شفت وثائقي كانو عم بيفكو نقش جداري في بلاد فارس بلغة عير معروفة فافترضو أنو اكتر كلمة تكررت هي كلمة "الملك" و بناءً على هالفرضية انحلت النقوش كلها 



يا شباب الموضوع طويل وإلو جزء تاني رجاء خاص اللي عندو انتقاد من اي نوع يقولو
اللي عندو سؤال يسأل

الجزأ التاني بينزل قريباً منذكر طريق تالتة بتعتمد على مفتاح هو كلمة عادية ومنحكي عن النوه التاني
دمتم سالمين





المرفقـات :
convential_cryptography___.jpg التحميل (78) (41 KB)
Untitled_.png التحميل (70) (227 KB)
letters_frequency___.jpg التحميل (72) (44 KB)
Public_Key_Cryptography___.jpg التحميل (82) (47 KB)



ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


B.L-A-C.K92

جامعـي اســتثنائي

.... سوريا الأسد ....




مسجل منذ: 30-06-2010
عدد المشاركات: 615
تقييمات العضو: 0
المتابعون: 11

غير موجود
اشــترك بالتحديثات
رسالة مستعجلة

رد مشاركة : رسالة في التشفير (1)

08-09-2010 05:08 PM




شكرا كتير على هالمعلومات

وكيفية التشفير

وبانتظار الجديد


يسلم الإيدين


تقبل مروري



BLACK                                                                           





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


السيد العاطفي

جامعـي نشـيط





مسجل منذ: 05-02-2010
عدد المشاركات: 125
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

رد مشاركة : رسالة في التشفير (1)

08-09-2010 05:08 PM




شكرا على الموضوع واني بأيدك انو كل شيفر يمكن حلها مع الوقت
يعني الشغلة مسألة وقت مو أكثر





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


xxlamingo

عضــو فضـي

برودة الدم اختصاصي




مسجل منذ: 08-10-2009
عدد المشاركات: 1257
تقييمات العضو: 2
المتابعون: 62

غير موجود
اشــترك بالتحديثات
رسالة مستعجلة

رد مشاركة : رسالة في التشفير (1)

08-09-2010 05:56 PM




حلو كتير مسيو عبد الرحمن ..........

وإضافة لمعلوماتك ..........

السنة الماضية كان مشروع شحادة الإبراهيم بناء خوارزمية تشفير ..........

وعمل خوارزمية ..........بتجنن ........ عالماتلاب ..........

وطبعا وقت العرض كتب الدكتور خرزم سطر ليجرب الكود ومن السطر طلعت رسالة بدها 18 سنة لينفك تشفيرها ..........

شكرا إلك عالموضوع الظريف متلك ..........





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


أميرة سورية

جامعـي مبـدعـ





مسجل منذ: 27-08-2009
عدد المشاركات: 397
تقييمات العضو: 8
المتابعون: 9

غير موجود
اشــترك بالتحديثات
رسالة مستعجلة

رد مشاركة : رسالة في التشفير (1)

08-09-2010 06:21 PM




مشكوووووووووووووور كتير أخي عبد الرحمن


الله يسلم هالإيدين و الله الموضوع حلو كتير

وعجبتني الفكرة كتير 


وبالمناسبة من فترة كنا عم نحاول أنا ورفيقتي إنو نكتب شيفرة خاصة فينا مشان ماحدا يفهم علينا   

بس الشيفرة لسه قيد التكوين



اقتباس
لايوجد شيفرة في العالم لا يمكن كسرها ولكن تستغرق بعضها وقتاً أطول من غيرها




يه يه يه شو يعني مافي أمل ،لازم تنكسر شيفرتنا



اقتباس
والسبب بسيط جداً أن الشيفرة وضعها عقل بشري ولم تأت من المريخ لذلك لا يوجد سبب يمنع عقل بشري آخر من التفكير بالطريقة تفسها ناهيك عن عقل متخصص بفك الشيفرات



بس أنا عقلي غير شكل   ههههههههههههههه
ماحدا رح يقدر يفك شيفرتنا

برجع بشكرك ع الفكرة المميزة و بانتظار الجزء الثاني


سلااااااااااااااااام

             





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


Muaaz

جامعـي اســتثنائي





مسجل منذ: 27-08-2008
عدد المشاركات: 958
تقييمات العضو: 0
المتابعون: 155

غير موجود
اشــترك بالتحديثات
رسالة مستعجلة

رد مشاركة : رسالة في التشفير (1)

08-09-2010 06:49 PM




شكرا لك أخي الكريم

هذه الطرق قديمة فليلا و لكنها فعالة جداً

سابقا قد ابتكرت طريقة رياضية مبينة على فضاءات رباعي اللأبعاد للحصول على محرف

بطريقة رياضية بحتى فثيها آلاف الاحتمالات ,,, و يمكن بسهولة تغيير المحارف المطابقة للقيم العددية

و كل محرف يقابله عدد معين من المحارف قد يصل إلى عشرات الاحتمالات (لأنها مبية على الارقام العشرية )

ننتظر منك صديقي طرفاً أكثر أهمية

شكرا لك


كل عام و أنت بخير





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


Cyrano

جامعـي مبـدعـ





مسجل منذ: 22-05-2010
عدد المشاركات: 255
تقييمات العضو: 4
المتابعون: 10

غير موجود
اشــترك بالتحديثات
رسالة مستعجلة

رد مشاركة : رسالة في التشفير (1)

08-09-2010 07:22 PM




السلام عليكم و رحمة الله

أخ BK92 انا مبسوط لأنو  الموضوع عجبك وبالمناسبة أنا كمان حبيتو لDarker than black

أخ السيد العاطفي مرورك مقبول و على راسي وأكيد كلنا بشر ما في بشر اذكياء لدرجة انو البشر التانيين ما يفكولن شيفرتون


مشكورين عالمشاركة







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 8


Cyrano

جامعـي مبـدعـ





مسجل منذ: 22-05-2010
عدد المشاركات: 255
تقييمات العضو: 4
المتابعون: 10

غير موجود
اشــترك بالتحديثات
رسالة مستعجلة

رد مشاركة : رسالة في التشفير (1)

08-09-2010 07:23 PM




أستازي شادي منور الموضوع بس


اقتباس
وإضافة لمعلوماتك ..........

قديمة بعرف من وقت ما قدمو و قعدت اما وياه وشرحلي اللي في النصيب كنت وقتا مخترع خوارزمية عرضتا علي بس طلعت مش ادام شغلو الله يحميه معلمنا شحادة
على حد علمك بالمعلوميات ما بياخدو هيك مشاريع؟ حاكم مشروعو كان software بحت


اقتباس
شكرا إلك عالموضوع الظريف متلك ..........

شكرا‘ أحرجتني
بعدين مافي ظريف و انت موجود





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


Cyrano

جامعـي مبـدعـ





مسجل منذ: 22-05-2010
عدد المشاركات: 255
تقييمات العضو: 4
المتابعون: 10

غير موجود
اشــترك بالتحديثات
رسالة مستعجلة

رد مشاركة : رسالة في التشفير (1)

08-09-2010 07:36 PM




أهلين والله أميرة سورية منورة الموضوع

انا مبسوط انو الموضوع عجبك 


اقتباس
وبالمناسبة من فترة كنا عم نحاول أنا ورفيقتي إنو نكتب شيفرة خاصة فينا مشان ماحدا يفهم علينا

بس الشيفرة لسه قيد التكوين


انا كتبت الشيفرة تبعي والبرنامج تبعها باقي في رتوش و بيخلص
وبكرة انشاالله بس تاخدو برمجة بتطورو شيفرتكون لأنو أكيد ما بدكن تكتبو بإيدكون مو هيك أو تضلو ساعة عم تشفرو بكل حرف  مو هيك؟

بصراحة انا احد الأسباب اللي خلتني اهتم بالبرمجة هي هالموضوع كل محاضرة بئعد منتبه كل فقرة مناخدها بسأل حالي
"يا ترى هي ممكن تفيدني بالشيفرة تبعي؟"



اقتباس
بس أنا عقلي غير شكل ههههههههههههههه
ماحدا رح يقدر يفك شيفرتنا


هلأ عقلك غير شكل ما اختلفنا بس ماحدا رح يفك شيفرتكون .... بشك


على كلّن ثابري إلى الأمام بس تخلصو منشوف مين شيفرتو أقوى

سلامات





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 10


Cyrano

جامعـي مبـدعـ





مسجل منذ: 22-05-2010
عدد المشاركات: 255
تقييمات العضو: 4
المتابعون: 10

غير موجود
اشــترك بالتحديثات
رسالة مستعجلة

رد مشاركة : رسالة في التشفير (1)

08-09-2010 07:42 PM




أخ معاذ مشكوووور جداّ عالمرور المميز

الطرق المذكورة مذكورة لأسباب تاريخية ولأنها بسيطة وبالتالي صالحة لأن تكون أمثلة أولية

طبعاً في آلاف الطرق الأفضل

في مجال توضح الطريقة اللي ذكرتها بشوية تفصيل و أمثلة إذا متوفر عندك شرح .

ما بعرف هذا أصدك على جهاز التشفير الألماني Enigma اللي بيعتمد على شي شبيه ولا غير شي ؟

على كلّن مشكوور مرة تانية عالمرور المميز





ملتقى طلاب جامعة دمشق




أنت غير مسجل لدينا.. يمكنك التسجيل الآن.
صفحة 1 من 3  1 2 3->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة