لك حسبنا الله ونعم الوكيل بهادا نجدة انزور
ولما الدكتور البوطي بيحكي عن المسلسل
بنط انزور وبيقول انو المسلسل لا يستهدف الاسلام

اولا المسلسل بيحكي عن افراد و حالات خاصة و موجودة بالمجتمع و ما حدا بقدر ينكر وجودا
تانيا انتو ما شفتو منو غير انو البنت محجبة و شلحت حجابها 
ليش ما شفتو الشيوخ المتعقلين اللي عم يهدوا الناس و عم يحاولو يعدلو
و العائلة المحبة المتعلمة المتماسكة 
نحنا قد ما حاولنا ننكر هاد كلو موجود بمجتمعنا يعني المسلسل واقعي كتير و تطلعو حواليكن بتشوفو شخصياتو عارض الواقع
https://www.jamaa.net/smilies.php#smile
بتمنى من لكل نتقبل السواد الي بمجتمعنا مع البياض تنقدر نحافظ عحلاوة مجتمعنا و بياضو و نقدر نغير السواد و نخليه ابيض

بس بالمسلسل كمان في شخصيات دينية حكيمة ..



وانا شفت انو عم يصحح المفاهيم ويوضح الأحكام الاسلامية يلي عم تتطبق غلط

و الله أنا بؤول
أنو يمكن 55 أو 85 %من الحأ عالبنات المحجبات
أكيد مو الكل
و مع احترامي الشديد لألن
بس وءت يلي بتكون البنت المحجبة و المتدينة بالصف هي الكسلانة و يامن تراها عند المديرة من كسلها
و الشحادة محجبة
واذا مو هيك بتلائيها مع الرفيق و مو عاملة حساب لا لسمعتها و لا لحجلبها
لأ و الله وكيلكن بالمطعم محجبة و مانطو و عم ادخن سيكارة و أركيلة
لك حسبي الله و نعم الوكيل
الله يفهمنا
معلش أنا آسف بس خلينا نكون واضحين
بعتذر مرة تانية و بأكد أنو مو الكل
و وحدة بتكفي لتخلي ضعاف القلوب يمسكوها علينا و يحكو عالمحجبات
أنا ما تابعيت المسلسل و لا أي مسلسل تاني
لأنو رمضان مو لتضيع الوئت
آسف عالإطالة بس و الله من حرئت ألبي
بلبل
   
 

الحقيقة يا اخ زيزو انا الي زعلت وقت شفت اسم المسلسل على المنتدى
بصراحة انا كتبت عنه وبس للاسف انا بستخدم الكهرباء للاب توب مو البطارية بشان هيك بلحظة طار المقال وشفت موضوعك


                  الحقيقة انه اكتر من تافه انا عايشة بالوقت هاد بجدة وحدة من الناس الي بعرفن صارت تسأل انتوا عن جد عندكم هيك ببلادكم الحقيقة هاد السؤال زعجني كتيير لانوا المسلسل خمس بنات من فئات ومجتماعات وعادات وتقاليد مختلفة وكلن بالنهاية خرجوا عن الدين والادب بس الي زعجني اكتر البنت المحجبة والانسات المحجبات وانهن دائما وبكل المسلسلات بيحطوهن وكانن متخلفات وحتى شكلن بالحجاب بيضحك يعني هنن من زمان عم يوسخوا صورة الحجاب بس هاد المخرج جابها من الاخر ودائما بيحطوا انهن دائما بيغلطوا وانن عايشين باكتائب وغباء وغيره

                    شكراا كتيير ا زيزوا على الموضوع وياريت الاعلام ينتبه لهي المواضيع شوي


                                          تقبل مروري

      رح اكتفي وئلكن

انا استحيت تابع المسلسل ادام اهلي

مارح نحكي عالدين

بس شوفو هالتفاهة بالاباحية ببعض المفردات
يعني صرت حسو فيلم اجنبي ههه


عيب وتافه ووقح


والتوسط دائما موجود
ليش الاخ نجدت حب يعرض الحالات النادرة بس
ليش ماتعرض شوي لللحالات الوسط
البنت محجبة ومنيحة
او سافرة ومنيحة


عكلن تفوووو بس عالسيناريو الرخيص وانتقاء المفردات


تقبل مروري

وكما هي العادة ...  الاستعجال برمي أحكامنا شرقا ً وغربا ً , وفي افضل الحالات
نخفي وجوهنا داخل حفرة في الارض

من الواضح أن الجرأة في طرح الافكار  في الدراما السوريه هذا العام مختلفة عن الاعوام السابقة ... وهذا يدعو للتفاؤل!! فالطريقة الوحيدة لتصويب الخطأ هي بمواجهته .. وهذا لا يدعو للخجل (على الاقل نحن جامعيين وقد تجاوزنا سن المراهقة على حد علمي )

الحالات المطروحة في المسلسل ليست من وحي الخيال ..بل انها موجودة وبكثرة ... وهذا المسلسل كان مدافعا ً عن هذه الحالات ..لم يبرر أفعالها ولكن لم يحملها كامل المسؤولية( مع انني شخصيا ً اميل للتبرير )

وكما نعلم جميعا ً رجم حالات كهذه بالحجارة والتـُهم يعتبر خطأ فادحا ...فليس لأحد أن يدين لأن الديان موجود و عادل ..ورحيم ايضا ً

ولنكن متأكدين أن اي رد قعل خاطئ للأبناء هو نتيجة لمحصلة أفعال في المنزل وفي المجتمع بالدرجة الأولى وكنت آمل ان اجد بعض الآراء الموضوعية وخاصة أننا " جامعيين "

شكرا كتير على طرح الموضوع وأنا كنت كتيير حابة أنه ينطرح ويناقش فيه

بصراحة هاد المسلسل سخيف ومتندي بالأفكار حتى أنه سيئ على كافة اتجاهاته عرضه للفتاة

المحجبة والغير محجبة غير لائق بكل معنى الكلمة

والفكرة بحد ذاتها أن بينوا للناس يلي مابتعرف دين الاسلام أنه هاد الدين دين متعصب وغير عادل

بين الافراد وفي شغلات مطروحة فعلا خاطئة وهاد ماعدى الاتجاه الآخر يلي بالمسلسل هو الاتجاه

الجريء لدرجة يعني فعلا صرنا مانقدر نخلي اخواتنا الصغار يتفرجوا

يعني فعلا فعلا مستوى لايستحق المشاهدة لكن يستحق الإحتجاج ومسألة أنا تمنيت أن الكل

يوقف عندها والشي يلي لازم يلاقاه هاد المسلسل رفض كامل عنه



      وبالنهاية ومتل ماقرأت بأحد ردود الأعضاء نحن مابيطلع بأيدنا غير أنو نفش خلقنا

شكرا لكل يلي مر وعلق ووضح وجهة نظرو
mais..
ياسمينة الشام

STORM OF EMOTIONS
نبع الحب

فراشة الربيع

layan-2000
ce.ayham

mrsaleh
nano 2010

lolo91
4bilal
عازفة الاحزان

*أميرة كل النجمات*
شباط
benoo

السلام عليكم
بصراحة يعني موضوع المسلسل مقصود ومو عن عبث
وخصوصاً لما بحطو المسيئين من النخبة الإسلامية
يعني أثر السجود على الجبهة ,والخمار إضافةً إلى المدرسة ذات الحجاب الكحلي
فنرجو من مخرجنا العزيز النظر فيما يطرح من مواضيع