طفح الكيل عند ابليس


ابليــــس يصـــف الوضـــع والحالـــة في البلاد

كان إبليس في غرفته , يلملم ملابسه في حقيبة

إلى جانب باقي متعلّقاته ...

على المنضدة القريبة كانت استقالته موقّعة ومختومة حسب الأصول , وبجوارها تقبع تذكرة سفر إلى جزر القمر

كانت ملامح وجهه في تلك اللحظات

تنطق بالحزن, والكآبة , والإحباط , واليأس , وقلّة الحيلة ...

مع دهشة مزمنة ارتسمت عليه منذ فترة ليست بالقريبة,

واعترافٍ بالعجز والفشل .........!!!

إبليس راحلٌ عن بلادنا إلى غير رجعة...

فليفرح المؤمنون ....

وين يا زلمة ؟ ليش عم تضب غراضك ؟؟



يا عمي مالي أعدة عندكم , صرلي سنين عاطل عن العمل

وقرّبت موت من الجوع  .....

كنت من زمان وسوس للوحدة تترك ابنها يبكي وهي عم تحكي مع جاراتها,

هلأ صاروا لحالهم.. يزتو  ولادهم ...

كنت وسوس للواحد ينسى يسمّي بالله قبل ما ياكل ,

هلأ الواحد ما عم يلاقي شئ يأكله يا زلمة ....

إذا أنا ... تسمّمت بالشاورما

كنت وسوس للشب انه يزتلو كم كلمة ع البنت وهي ماشية بالشارع,

صاروا البنات يشلفو  ع الشباب كلام أنا بستحي احكيه ... !!!


واحد يسرق 100 مليون عينك عينك بسجنوه 3 سنين بفيلا عالبحر ,

وإثنين عم يدورو على رزق بالزبالة يمسكوهم الشرطة !! ,

إنتو بدكم إبليس إنتوا  ؟؟؟؟

صار عندكم فائض بالفساد يكفّي 30 سنة لقدّام ,

صرت خاف على حالي منكم يا رجال !!


صرت أحياناً اتجبر  ...

يعني وسوس بالمقلوب و قول للمسؤول إرحم

وللحرامي بكفّي.. خلّي شويّ للحرميّة اللي جايين بعدك..

يعني إذا إنتو لحالكم ما شاء الله عم تعملو كل هالبلاوي,

أنا إبليس شو اعمل ؟؟؟

أشتغل شوفير تكسي يعني

ولاّ  أفتح محل حلاقة ؟


!!



سبحان الله العظيم

مسا الخير..
يعني ماعاد في شي الواحد يحكيه عن حالنا  كلنا شايفين وسامعين.

استحال الحق في زمني جنوناً      وغدا الباطل دواء الجنون!!!

بس إذا عرفنا المرض لازم نعرف الدوا..
وعلى فكرة مع كل موجة الفساد اللي نحنا فيها وانقلاب المعايير وتدهور الشباب و...
في بارقة أمل أنو بهاد الزمن وحسب العصور والتاريخ بيطلع العظماء وهاد الشي اللي شايفينوه -بالمقابل- بالردة الكبيرة و الواعية للشباب اليوم.
الله يقدرنا ونرجع متل ما كنا ونرفع راية وطننا ونبطل كل شي سيء روجلنا اياه أعداءنا.

والله لا تستغربوا أنو حتى ابليس صار عاطل عن العمل
لأنو كلنا منعرف شو الوضع ومشان هيك الله يفرجا
أحسن شي.