حسب ما قالوا بشؤون الطلاب بتكونوا الساعة 11 مشان تسجلوا أسماؤكم والقسم بعدها.
وطبعا القسم يوم الأربعاء.

بس شو مشان بركي واحد ما بده يأقسم متلي، يعني بالقسم انو ما نبيع أدوية بدون وصفة، مستحيل اكتر من 60% من الأدوية بدون وصفات.
أنا عم فكر ما أقسم؟؟؟؟؟؟؟؟

يعني القسم إجباري ولا لأ

إذا ما إجباري لا رح أقسم ولا شي

وإذا إجباري كمان بجي ولا بأقسم ولا شي

بالأول خليون يصلحوا القوانين والأوضاع

لساتون عايشين عالبرشام والرزم .....

كأنو كمان في قسم وقت حفلة التخرج


والله بتذكر وقت سمعت القسم استغربت كيف بدنا نقسم على هيك شي

مو المشكلة انو نردد معهم او لأ، المشكلة انو القسم على نيتهم أو على نيتي أنا، يمكن لازم اسأل عنها مشان ما يصير تخبيص بالموضوع.

أما قسم حفلة التخرج ما سمعت في لأنو بعمري ما حضرات حفلة تخرج وما بعتقد رح احضر.......... إلا بظروف خاصة جداً.

والمشكلة انو في قسم بالنقابة هنيك ما في مهرب من القسم.

السلام عليكم
حابة اسأل بين مع حدا ايمت تقديم وراق لفحص اللغات
لازم نقدم يعني شو ؟؟؟؟؟؟؟؟؟؟
منسأل بهالكلية ولا جواب شافي
يعني اذا الفحص الخميس ومو عرفانين شو الوراق المطلوبة
شي بضحك كأنو ناقصنا ضياع أكتر ،
,أكيد انو الاربعا يوم القسم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وعليكم السلام:

اقتباس

حابة اسأل بين مع حدا ايمت تقديم وراق لفحص اللغات
لازم نقدم يعني شو ؟؟؟؟؟؟؟؟؟؟

ما فينا نقدم على فحص اللغة قبل ما تطلع وثيقة التخرج تبع الجامعة.

اقتباس

يعني اذا الفحص الخميس ومو عرفانين شو الوراق المطلوبة
شي بضحك كأنو ناقصنا ضياع أكتر ،

مين قال انو الخميس!!!!!! الفحص بـ 4/9/2010 وهالكلام متأكدين منه، واليوم بالجامعة اتأكدنا من هالشي.

اقتباس

أكيد انو الاربعا يوم القسم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اكيد. والساعة 11.

مشـــــــــــــــــــــــــــــــــــــــــــــــــــــــــــكور نبراس
كنت ضايعة
على خير انشالله
بس في ناس قالو انو بيصير تسجيل بمعهد اللغات لحجز اسم فشو رأيك مو بكير على هالشي

اقتباس

بس في ناس قالو انو بيصير تسجيل بمعهد اللغات لحجز اسم فشو رأيك مو بكير على هالشي

هادا الحجز هو نفسه التسجيل يعني بتجيبي وثيقة التخرج ويمكن في وراق تانية، طبعاً ما بيقدروا مايحطوا رسوم مشان يضل الطالب عم يدفع!!!!!!!!!!    
بتذكر يمكن وثيقة التخرج وصورة هوية وطوابع وفي ورقة كمان مع رسم 1000ل.س.  

شكرا نبراس   
مابعرف ليش كل شي حولينا مصر يدخلنا متاهات
           
يلا التخرج بدو تضحية  
  مع العلم انو طلاب طب الاسنان أقسمو من اسبع عأساس نحنا أسرع كلية    
بالتوفيق للجميع    
   
 

اقتباس

مابعرف ليش كل شي حولينا مصر يدخلنا متاهات

يلا التخرج بدو تضحية

يضرب هالماستر، ع أساس شغلة كبيرة عم نسعى وراها، والله العظيم لو ما بدي أجل عسكرية ما بفكر بعمري ادخل هيك ماستر    
لأ وفوق منها بيعملوله ايمه وبيخلوا الطلاب دايخين وعم يستنوا....

لك والله مل قلبي من كتر ما حكيت وما حدا لحدا بعمرنا ما رح نصير.