السلام عليكم ورحة الله وبركاته
يعطيكم الف عافية يا شباب وخصوصا الأخ ابراهيم ع المحاضرات اللي جد متعوب عليها ويعطي العافية لكل الشباب اللي ساعدو وقفو معو
هلأ عم يوصلني أخبار انو الدكتور الزحيلي والبرقاوي ما عطو كل النوطة وفي فقرات محذوفة فياريت اللي بيعرف شي يخبرنا
أما بالنسبة لمحاضرات الاستاذ الدكتور غسان محمود فأتوقع حسب حضوري انو في فقرة الأعمدة المسندة جانبياالصفحة4 وبالكود ص93 وحالات اللامركزية بالصفحة26 "مالاقيتها بالكود" هامين كتير ركز عليهم بالمحاضرات  واتوقع كل الأسئلة اللي كانت بالكويز هي أسئلة نظري هامة واتنبهو انو غالب فقرات النظري موجودة بالكود يعني مابدكم تتغلبو وتحفظوها "هاد بالنسبة لقسم الاستاذ الدكتور محمود"
والله يوفق الجميع.... وإن شاء الله منرفع كلنا المادة وبعلامات عالية

مرحباااااااااااااا ...............

اقتباس

يعطيكم الف عافية يا شباب وخصوصا الأخ ابراهيم ع المحاضرات اللي جد متعوب عليها ويعطي العافية لكل الشباب اللي ساعدو وقفو معو

تسلمي يارب ............ كلك زوووووووووق........

هلق بالنسبة لنوطة الدكتور برقاوي مبارح وصاني انو بالمحاضرة 2 فقط محذوف فيها : ص8 + ص 14 لــــــ 17

أما بالنسبة للمركزيات موجودين بالكود ص 220

وبالتةفيق انشالله سلاااااااااااااااام

معليش شباب بحي قلكن خلينا عم نتواصل ها ليومي بالكي في شي جديد منشان نتعرف عليه كلنا ونعرف علينا غيرنا .............

بس ضروري يا شباب كل شي مهم عم ينحكى هون يوصل لأكبر قدر ممكن من الطلاب ........

وسلااااااااااااااااااااااااااام

السلام عليكم
كيفك الحال وكيف الخرسانة معكم أكيد سهلة كثير  
هذه صفحات الكود العربي السوري التي لها علاقة بمنهاج الخرسانة 1
وهي عبارة عن ملفين word2007 & word2003
حسب الأوفيس الموجود على جهازك اختار الملف المناسب
وإذا فيها خطأ أو نقص أتمنى الإخبار عنه وشكرا
وبالنهاية أتمنى للجميع أن يرفع الخرسانة وبمعدلات حلوة إن شاء الله   
سلام  

شكرا tears-eng على ملف الوورد , مع انو شكلي حافظهن بصم لأرقام الصفحات , بس المهم نعرف نحل المسائل بفحص الخرسانة خلال التلت ساعات لانو سألت أصحابي تبع السنة الماضية انو الوقت ما بكفي للأسئلة , الله يستر 

السلام عليكم ورحمة الله وبركاته
شكرا لكل مين شارك بملاحظات عن النظري المهم والله فكرة كتير حلوة وضرورية ومنقذة جدا للبعض اذا مو للاغلبية
كمان عرفت انو في بمحاضرات برقاوي التالتة ص48عن الخلطات شي مهم جدا وعلى اساس سهل الحفظ والتمييز من حيث المقارنات والكميات والنسب
كمان انو ظواهر التماسك واطوال التماسك ص17وص23
علما ان اطوال التماسك ومعلومات اخرى عن التماسك موجود بالكود ص268 (ارجو التاكد لاني بس تاكدت من وجودهن ما تاكدت من احتواءهن كافة المعلومات)
اتمنى للجميع التوفيق
والله ولي ذلك وهو على كل شيء قدير

سؤال عن نوطة الدكتور زحيلي
في قوانين جديدة وعليها امثلة توضيحية متل ص17
ندرسها ولا بيكفي مسائل عوا؟

السلام عليكم ...

اقتباس

في قوانين جديدة وعليها امثلة توضيحية متل ص17
ندرسها ولا بيكفي مسائل عوا؟

أخت أسيرة  انو قوانين قصدك ؟

هلق أنا ماشفت غير قانونين

وهم نفسهم بالكود صفحة 90

وهم عن التسليح الحلزوني Asp min,max

والمهندس سمير العوا .. استخدمهم


بالنسبة للنوط الحقيقة ماعجبتني لهلق ولا نوطة 

مدري كيف ؟ بتحسوهم فايتين بالحيط 

يعني لولا محاضرات المهندس سمير ... لكنت فتت بـ 10000 حيط


عندي سؤال عن المحاضرة 21

صفحة 214

في ضمن اطار علاقة عن As max  وتحتها علاقة عن Asp max

بس كأنوا مافي فرق بين العلاقتين !!

ياريت توضحولي ...


سلام...

السلام عليكم ورحمة الله وبركاته
كيفك اخ محمد
مزبوط كلامك خطأ مطبعي هي العلاقتين لAsp maxبس ناقص بالاولى حرف p
وبالتانية طالعAkخارج القوس
كمان انا عندي سؤال على هاي الطريقة انو:
صراحة بمحاضرات بلوط السنة الماضية مكتوب انو حل طلب (اوجد اكبر عدد ممكن من الطوابق )
بهي الطريقة تبع(Nط+ح=Nط*1.5)غير مقبول بالامتحان(ص62)بمحاضرات بلوط)
فبدي اسال اذا العوا حكى هيك شي ولا لآ

اقتباس

صراحة بمحاضرات بلوط السنة الماضية مكتوب انو حل طلب (اوجد اكبر عدد ممكن من الطوابق )
بهي الطريقة تبع(Nط+ح=Nط*1.5)غير مقبول بالامتحان(ص62)بمحاضرات بلوط)
فبدي اسال اذا العوا حكى هيك شي ولا لآ

صاحبي معليش لا تعقد حالك بطرق كتير ولا تشربك حالك هلق انت حل بطريقة العواوإذا شفت انو طريقة بلوط حبيتها وعرفت تحل فيها كمان شغالة وصحيحة أكيد لأنو مونحنا يلي منقيم طرق أساتذة كبار متل بلوط أو عوا (( بس عوا حل بهي الطريقة المكتوبة )) ..........

وبالنهاية أنا  بشوف انو الواحد على شو بيرتاح من الطرق  يمشي فيا لأنو سألنا للعوا وقال كيف ما بتحل صح المهم توصل للجواب الصح .......

"" يعني المهم يكون عندو الواحد ديناميكية بحل المسائل بعد ما يشوف عدة طرق ويقدر يختار الصح والأسهل والأسرع ""

وبالتوفيق ..................       

السلام عليكم ورحمة الله وبركاته
كيفك اخي ابراهيم وشكرا عالرد
بس بدي قول انو الاستاذين حلو بنفس الطريقتين بس بلوط حاكي عن التانية(اللي هي الاسرع)انو مومسموح الحل فيها بالامتحان النهائي لازم نتبع طريقة تسليح طولي باساور حلزونية بدون الربط مع العادي
فهمت منك انو العوا مو حاكي انو غير مسموحة الحل بالامتحان النهائي
ياسيدي الطريقتين سهلين ومافين شي شو خسرانين
برجع اتشكرك واتمنالك التوفيق
على فكرة عرفت انو مسالة اللامركزية المركبة كتير مهمة والدكتور مركز عليها
وبالنسبة لزحيلي مساءلو (التشوهات والزحف)واستنتاج القوانين هن 3وما فين صعوبة
انشالله كون قدمت فائدة للشباب بهالمعلومة
اتمنى التوفيق للجميع