السلام عليكم ....


بالبداية أرحب بك الأخت "غريبة" بيننا أختاً عزيزة   .....

ثانياً : كلامك إن يدل على شي فهو يدل على قوة إيمانك ثبتك الله 
ماشاء الله عزيمة واصرار ....

ولكن أود أن أوضح فكرة
هل نسيتم أمر المعدل الذي يطرق رؤوسنا صباح مساء 

العلامات التي تشغل بالنا وتؤرقنا طيلة العام

لجميعنا طموحات وآمالتعتمد على مايسمى العلامات    .....

وضع العملي الذي يزعج  وأحياناً يجعلنا نفكر بطرق لاترضي أحد منا 

أنت شاهدتي الطلاب وكأنهم في عزاء على حد تشبيهك في ذلك اليوم
إن ذلك ليس غريب نهائياً فقد اقترب الامتحان ولدينا مواد إن لم تكن شديدة الصعوبة فهي صعبة بمافيه الكفاية لتجعلنا نفكر تقكيراً عميقاً تشرد به الأذهان لكيفية تنظيم الوقت وتوزيع المحاضرات والمراكم بأحسن شكل مريح
(على فكرة ماكنت موجودة الأحد )

أختاه .......

من الأمر الطبيعي أن نصاب بالهم وبعض التعب النفسي لاشك في ذلك ولايدل ذلك على شيء من التقصير في ثقة الله أو الاعتماد عليه إنني لاأتكلم عن الندب والبكاء بلا فائدة (رغم أنني كثيراً ماأفعله عندما أصل لطريق مسدود سامحني الله)

ولكن إن لم نشعر بالمسؤولية كفاية فإنك لن تري أحد كما يقال معصب ومهموم ومتلأمن
لكن القوة الأكبر هي إخفاء ذلك مع بسمة خفيفة (ليتني أستطيع فعل ذلك)
وعلى قولة يمكن "غريبة" اذا لم يخبني ظني أنها هي : عم نرش عل الموت سكر ....!!!!

بوحك أثر فيي الكثير وأعطاني كثير من القوة جزاك الله كل خير      .........

ملاحظة: عزيزتي إن عنوان مقالتك >شوصاير عليكم < و كلامك عن مادة لم تدرسي دوراتها ونتيجة لذلك لم تحصلي العلامة وجملة على قولة رؤى خلتني شك وكون شبه متأكدة أنك صديقة عزيزة قديمة وحتى إن لم تكوني تلك فيسرني ويسعدني جداً انضمامك إلينا .

   

لاء عم حط عالجرح ملح !!!!!! مابعرف إذا بالعكس !!!!!

أنا معك بقصة المعدل وماعم قول شي .. بس إذا الواحد عم يعمل يلي عليه بقيت قصة العلامات شغلة مو باختيارنا .. وبكون رب العالمين هيك رايد وبكون هو الخير ..
أما إذا كنا مو عاملين يلي علينا بكون الحق علينا من البداية بس وقتها منحاول قدر المستطاع ومنبوس التوبة أنو ماعاد نعيدها بقوم الله بيرأف بحالنا وبمشيلنا أمورنا ..

وأنا قلت أنو يمكن حكيي مثالي بس  كمان هدفي من الحديث أنو نتساعد مع بعضنا مو كل واحد يثبط همة التاني .. والواقع أنو هاد يلي عم يصير .. يعني والله لو تعرفي أديش أكلت هم التحليلية بعد ما رجعت من الجامعة على هوا حكيكم .. بعدين طلعت دراستها كتير سهلة وحلوة ..
الواحد لازم ينهم وإلا بضيع على حالو كتير بس مو الهم يلي بخلي الكآبة تتلبسنا .. يعني هم بناء .. بعدين في كتير شغلات لازم تهمنا أهم من هي بكتير !!!

يعني المواد صعبة شو نعمل بحالنا ؟؟ مو فتنا بإرادتنا ؟؟ بعدين * لايكلف الله نفساً إلا وسعها * يعني لو مو الله عرفان أنو بيطلع بإيدنا ما كان بعتلنا هيك مادة أو بالأصل ماكان بعتلنا هيك فرع ..

طبعاً لازم نبكي ونفش خلقنا و إلا بعدين مننفجر وما حدا بسمي علينا !!!  

وعن جد شكراً كتير على مشاركتك .. الله يجبر خاطرك متل ما جبرتي خاطري .. لأنو في ناس بتعمل حالها مو شايفة ..  

السلام عليكم اول شي
تاني شي يا اختي ان معك بكلامك اللي قلتيه
الواحد بيعمل اللي عليه على اكمل وجه واكيد الله مارح يضيع له تعب
يعني اللي الله رايده هيكون ونصيبنا لازم نرضى فيه بس هاد مو معناه انو ما ندرس ونقول اللي الله رايده هيكون لانه في فرق كبير بين الاتنين
متل ما قلتي اعقلها وتوكل
وانا الصراحة صاير ما بتفرق معي المعدلات
وشكر الك على هاد الحكي الحلو والمشجع
ادرسوا لانو بعتقد رسالتنا على الارض هي الدراسة فاذا ما فلحنا فيها فعلى الدنيا السلام

مساء الخير من جديد :

غريبة حكيك كلو مظبوط ولاغبار عليه


بس كمان لاتنسي أنو نحنا كل ماعم نكبر سنة عن سنة عم تزداد مسؤلياتنا ويصير تقديرنا للأمور بشكل ناضج أكثر لذلك أحياناً منهول الأمور ببعض الأحيان


وطبعاً ماحدا بيحب يثبط حدا إلا اذا كان هالحدا كتييييير وياما شايفة هيك ناس

لذلك لازم نشد بعض ونساند بعض وهاد اللي بظن عم نعملو هون 

شكرا كتير لتفاعلك وردك اللطيف 

-----------------