رد مشاركة : ................{كل شي جديد}............
المقال كتير واقعي إلا أنو مادة الأمراض غير مفهومة وغير مترابطة.....حرام عليكن هي من أحلى المواد بالكلية ودكتورها فهمان بشكل فظيع!!!!
بس الإجابة عالاتهامات ...........كانت بعيدة شوي عن الواقعية:
وخصوصاً:
اقتباس
تغريم الطلاب بأسعار المواد التي تنكسر أثناء الدروس أكد أنه لا يغرم أي طالب بذلك، وفي
حال تم ذلك يعاقب المخبري لقاء أخذ أي مبلغ لقاء أي أداة مكسورة،
أي إذا منكسر أنبوب أبو الـ 7 ليرات بيدفعونا حقو وبيطبلوا الدنيا باسم الطالب المخرب.........وياما دافعين.......فعلى مين هالحكي!!!!
إلا إذا كنا مدسوسين للتخريب المتعمد ونازلين قصداً تطبيش بهالأدوات لأنو :
اقتباس
ولكن في حال تقصد أحد الطلاب
كسر الأدوات نطالبه باحضار بديل عنها
بعدين ما بنسى في بنت سنة تالتة أنجرح إيدها بنص المذاكرة بالمبرد لما انكسر قام لا أسعفوها (إيدها كان بدها تقطيب) ولا عفوها من المذاكرة ولا حتى سامحوها بحق المبرد................فوين عايشين نحنا!!!!
وكمان ياما بيطلعولنا بالمخبر بآخر يوم قال شو:
الكل لازم يدفع 25 ليرة (وإلا مدري شو بيصير) بشي حجة: أنو مثلاً أحد الزملاء كسر شي أداة غالية ولازم نساعد بدفع حقها علماً أنو لو حدا كاسر شي ما بيحلم يطلع من العملي بخير وهاد غير أنو المخبر يللي وقتها كشو علينا هالكشة لا كان في أدوات جاهزة غالية ولا كان في حدا كاسر شي بأي فئة.....
اقتباس
وفي سياق حديثهم عن التغيرات التي طرأت على الكلية قالوا:إنه تم تحديث المخبر كديكور فقط وليس للأجهزة والمنصات
أمو عاجبكن التحديث بالديكور؟!!! أي نحنا يا حسرتي على دفعتنا كل ما منطلع من مخبر بينفضوه وبيجددوه.....]عني نحنا لا شفنا مخابر حديثة لا بالديكور ولا بالأجهزة.....كل ما بتطلع على مخبر النبات والحيوية والأدوية (المحدث) بينحرق قلبي على معاناتنا............
بس كان في مخبر تحت الأرض ما كانوا يعرفوا يجددوه....لك من أول ما يفوت الطالب عالكلية بالسنة الأولى بيدخل عليه وبيجيه اكتئاب من كتر مو معت ومقرف....
اقتباس
وأكدوا على أن الأجهزة قديمةوبحاجة الى التغيير وخاصة جهاز(يرسم
مخطط العضلة) يعتمد عليه طلاب السنة الرابعة كثيرا، ويشتكون من اتساخ أيديهم بالحبر عند
استعماله وهذا ينعكس سلباً على المخطط
ليش القصة وقفت عالحبر......ما كان المخبر وقتنا مثل أيام العصر الحجري.....
يمكن الجد "جالينوس" كان يعمل تجاربه بطريقة وظروف حضارية أكتر....
عندي حكي كتير لسا بس بيكفي هيك حالياً.
يا سلام فتقتيلنا جروحنا..........