طوق الياسمين

ما بعرف ..

  Amira

بنت من السنة الاولى
الاولى عالدفعة بالفصل الاول
من جماعة هيّا بنا ندرس
ملتزمة
بتحب النشاطات العلمية
ما بتضوع وقتها باللعب والتسلية

hassan

حباب كتير , آدمي , مدلل , وحيد لأهلو ,
ما بيعرف يعمل شي لحالو ,
بينزعج بسرعة و بيخاف كتير ..

sweetlife

ما بعرف..

nanon

حبابة
محرّك المنتدى
عضو نشيط جداً بالردود والمشاركات
بتعطي رأيها دون تردد او خوف


     

هلا

شوي  





حسّان

اقتباس

وما بصدق أيمتا لاقيه بالبيت لحتا فشلو قلبي

على ما اذكر في اختراع اسمو موبــايل
منشان اذا ما كنت بالبيت تحكي معي

اقتباس

بحسو بيعرف إمكانياتو أو......... ما بيحب يخاطر أبدا

مو ليكون في امكانيات بالاول


رؤى

اقتباس

بيحاول يكون أبعد مايمكن عن  المشاكل

اقتباس

نقاااااااااق بشكل فظيع

الله يسامحك 

أميرة

اقتباس

طيب ,خدومي ,بحب يساعد...

ريمي

اقتباس

بس بحسو متشائم شوي

حالات وحالات
مو دائما

اقتباس

و نقاق شوي

وانت كمان 

رغد 

اقتباس

بيسمع الكلمة

الحمد لله بابا هيك معلمني 

اقتباس

شخصيتو مو كتير قوية 

بعرف

اقتباس

عندو نوع من الازدواجية 

هي ما بسميها ازدواجية

ممكن تكون محاولة للتوفيق بين شيئين متناقضين


ستيري ايد

اقتباس

من جديد رجع لنشاطو عالمنتدى بس من فترة كان مقاطعنا وعم يحكي معنا شوي بالفصحى

كان عندي شوية مشاكل عائلية
ومو خرج رد على ايّ حدا 
منشان ما انقل الكئابة لعندو 

اقتباس

ويمكن عندو شوية غموض (يعني ما بيبلغنا بأي خبر إلا إذا سألنا)

هي طبيعي
ما بحب احكي اذا ما كان في سؤال موجه الي
او
انا كنت بحاجة لشي معين


ايلان

اقتباس

انو غيور كتير كتير من رفقاتو  بالدراسة طبعا

هي ما ظبطت معك

اقتباس

يعني بحب يقول مانو فهمان وهو ماشا الله كل شي فهمانو

لأ
انا بفهم والحمد لله
بس ما حدا سالني
اذا فهمان ولا لا وقت الرياضيات

اقتباس

وكمان في شغلة انو ما بحب يقول انو عم يدرس  مدري ليش  ......

صحيح
لاني عنجد ما بدرس

لحتى يوصل وقت الامتحان
واذا فكرت اعمل شي بقرا قراءة
للتسلية


نجّووووووووووم

اقتباس

وبحب فريق دوما

الدولي لكرة القدم والفيشة والبلياردو

مو ليكون في فريق بالأول

اقتباس

وبيعرف كيف يتعامل مع العالم

الحمد لله 

اقتباس

بس إذا بيضل عم يحكي مع صاحبي لويس  آخر شي بدو ينتزع 

لا تحكي عالزلمة
الزلمة مافي منو هو بدو يهديني الى الصراط المستقيم

الله اعلم مين بدو ينزعني (( انت ))

اياد

اقتباس

ووقت طلع الريال صار يرقص من الفرح...

اليوم
رح غني واعمل عرس
بعد فوزنا على ريال

ملاحظة
الكلاسيكو اليوم الساعة 11 بالليل

اقتباس

أحيانا بحسه بقمة السعادة والاصطهاج..... 

وأحيانا بحسه بقاع اليئس و الاحباط................مافي حل وسط....

 

صحيح
ما عندي حل وسط
يمكن من البيئة يلي عايش فيها تعودت هيك

اقتباس

.......بيدبحني لأنو كتير عدواني 

انت حكيتها


=================


واخيرا خلصت
طلعت روحي من الاقتباس

شكراً لكل يلي ابدو رأيهم بكل شفافية

السلام عليكم


من شخصيات اليوم .........



أميرة .........
بنت محترمة وشطورة ..........ورزينة مع ابتسامة .......بتنحب بسرعة........... بتحب تكتشف وتساعد الناس ............وأكيد ظريفة كتير
لسا ما لحقت امسك عليها شي سلبية..............
((بس طولي بالك عليي........ الأيام جاية))




الأخ حسان........
شخص محترم ........ومهضوم ..........عنصر حيادي ما بيحب يعمل مشاكل .............. هو يا أما مدلل شوي ، ياأما نقاق شوي ، ياأما قليل مروة شوي ؟!؟!!!!!
سلبياته........مدري ليش مفكر إنو أنا عندي مشاكل معو؟؟؟  هههههههه
لا عنجد ...... بس المرة الماضية ما فهمت شو المقصود ........أو شو هي هالمشاكل اللي عم تحكي عنها ؟؟؟؟؟





nanon
لك هي الرواق بحد ذاته     
عنجد هالبنت راااااااااااااايقة كتير .............. شخصيتها قوية برواق ........عرفانة شو بدها برواق ............ واثقة من نفسها برواق

وأحلى شي إنو بتضل رايقة وما بتعصب علينا حتى لما نسألها (مو إنتي سنة رابعة؟!؟!؟؟؟؟؟) ............. ....... مع إنو صرنا سائلينها هالسؤال شي 12985609600مرة   

سلبياتها........... ممممممممم  بتفوت عالقلب بسرعة (( يعني مو برواق ههههههه))




sweetlife
والله مو كتير متابعة مشاركاتها وما لحقت اكتشف شي من لقاء واحد ..........
بس مبينة إنو واثقة من نفسها وحبابة ............... بعدين بيكفي إنو اسمها على اسمي =====> إنو كتييييييييييييييييير ظريفة




طوق الياسمين .........
لسا ما تشرفت بمعرفتها ........ وكل شي بعرفو إنو اسمها على طول أول اسم بالأعضاء الأكثر مشاركة ؟؟؟؟؟؟
                    ==============================

بس في شغلة تفاجأت فيها شوي .............




طبيعي ؟!؟!؟!!!!!!!!!!!!!!!!!!!!!!!!!!!
يعني يمكن على حد علمي إنو نحنا هون عالمنتدى لما منسأل أي سؤال فنحنا عم نوجهو أكيد للكل ............ ومن واجب كل مين عندو جواب إنو ما يبخل علينا فيه

ولو كان بدنا الجواب من شخص معين متأكدين إنو عندو ياه ................. فيمكن فينا نروح نسألو السؤال بالكلية بدون ما نتناقش هون وينعل قلبنا ............
ولا شو رأيكم؟؟؟ 




إلى اللقاء في الحلقة القادمة

السلام عليكم................

يعني في ناس لهلأ ما عبرت شو يعني ما بدها و لا في مئارب أخرى...........

مشان إذا ما بدكون لننتقل لدفعة جديدة من الأسماء...........

مها ما فهمت شو قصدك بآخر فكرة حكيتيها..........

مرحباااااا

يلا لح بلش دغري  .....

طوق الياسمين لاسف ما بعرفا ابدا اساسا ماكنت مفكرتا من كلية الصيدلة ........


sweetlife......

كمان ما بعرفا شخصي بس هي من الاشخاص يلي اول ما فتت عرضت مساعدتا علي .فاكيد لو ما كانت بنت محترمة ولذيذة وبتحب تساعد غيرا ما كنت هيك

nanon

ما شاء الله  ..يعني السكوت امام صفاتا احسن شي  
صراحة هي بنت فهمانة وواعية وعندا اسلوب مميز ....اجتماعية ومهضومة كتير كتير .....ونشيطة وذكية   .......ومن سلبياتا    لسا ما تعرفت منيح بس عم بحبش   .........

أميرة.....

اميرة معروفة بنت مجتهدة شطورة ذكية ودريسة بتحب المشاوير متلي
لطيفة ومبتسمة   جريئة كتير واثقة بحالا من سلبياتا انو احيانا بحس انا مانا صبورة كتير يعني بدا الشغلة كن فيكون ......بحس انو ثقتا بحالا زايدة كتير كتير   .......

حسان بيك  ....

يعني شوبدي احكي عنو  لك ربطني تربيط .....منجي للجد
شخص محترم  وطيب و محبوب ومرح واكتر شي بيعجبني حرف الباء
صراحة ماقدرت اعرف شو سلبياتو بس جاية الايام  

بس بدي قلكون انو طلعت روحي وانا عم اكتب هالرد  

السلام عليكم............

طوق الياسمين

ما شفتها غير مرتين..... باينتها واعية و راكزة........

sweetlife

كمان بس شفتها مرة أو تنين ........هادية و في ذكاء بنظرتها.......... بس كأنو ما بتندمج بسرعة مع يلي

بتتعرف عليهون جديد.....

nanon

مرحة و طيوبة و بتحب البسط و الفرفشة.........و بالها كتيييييير طويل و إلها خلق عالأخد و العطى......

hassan

ما بعرف..........

أميرة

للأسف ما بعرفها...... بس باينتها حبابة و لطيفة........


أسماء اليوم

رغــد, the genius, pharmacy,iron-man

السلام عليكم ... 

بعد الغيبة حاتطفل عالموضوع وشارك ... 

هلأ من اللي اسماءن اليوم بس بعرف :

رغد - the genius 

رغوووووووووووودة :

هالبنت شو ما حكيت عنا ما بيكفي ...

اول شي هي :

خدومة

ثم

خدومة

ثم

خدومة

حبابة كتييييييير جداًااًااً كثييييييييييرا ...

وعفوية وقلبا طيب كتييير ...

ما بتقدر تشوف حدا زعلان ...

واليوم سايرتني كتير وكانت بدا تاخدني مشوار    وما تركتني لحتى اقتنعت اني ما متدايقة (حدا بيكون عندو هالرفيقة وبيتدايق !) 

في جزء من شخصيتا بيشبه شخصيتي ...

بس هي أجرأ بكتير كتير ... 

أي صحيح واهم شي بتفهم لغة الاطفال الببابي ... 

خصوصا لغة اخي ( البكا بكا ) مشتهية اعرف معنى هالكلمة ... 

بس على ما يبدو انها فهمتا وقت سمعتو عم يبربرلا ... فـ يلا ببقا بستعين فيكي بالحالات المستعصية ... 

يلا بيكفيكي هيك رغود حتى ما تشوفي حالك علينا بعدين ... (مع انك ما بتعمليا) ... 

the genius

والله حبابة كتير وبتدخل للقلب بسرعة ... 

ما بيصحلي شوفا كتير ... 

بس الاوقات اللي شفتا فين بيدلو انها رايقة وطيوبة ...

وعنجد تشرفت بمعرفتا ... 

وكمان بيكفيكي حتى ما تشوفي حالك علينا ... 

يلا سلام ...  

طولي بالك علينا شوي سلام

يعني بتعرفي دوام معت ومذاكرات و الله يعيننا..........    

والله حاولت اكتب رد بس نعسانة عالاخير وما عم ركــــــــــــز

لذلك لي عودة باذن الله

بااااااااااااااي



       

السلام عليكم:

شو هاد سلام شو وظيفة يومية؟!!


لك ما عم لحق حتى أعرف مين هنن المرشحين الجدد إلا بلاقي غيرهن....


الله يرضى عليكي عملي إيقاف ترشيح كم يوم بس ..... لأنو المشكلة كل رد بدو كتابة نص ساعة ويخزي العين صرت بعرف الكل يعني لازم اعطي رأيي