بتمنى موت ولرتاح بس تنشق الارض


وتبلعني


بطريقة احلى شوي يعني
**********************

أخ من هالموقف......

مره ياجماعه كنت مروح من الكليه على البيت

وبطريقي على الكراج(الفحامه)لحتى روج بالسرفيس

أنا بصراحه كنت متوق أنو معي مصاري قطع صغيره

هي بعد ما إشتريت كذا شغله ومعي 500,1000 قطعه وحده

وصلت على الكراج وطلعت بالسرفيس عم دور على الفراطه بس

وللاسف مافي إلا المذكور....المهم

أنا خبرت صاحب السرفيس إنو هيك القصه بس ماصدقني(إحساس)

ومن كتر غبائي ظليت راكب بالسرفيس وطول الطرق وأنا حاسس إنو الشوفير

عم يطلع علي ويحتقرني    ويقول بينو وبين نفسو...

هاد ليش بعدو راكب, وكأنو بيتو بعيد , وليش قاعد على الكرسي ووووو.......

وانا طول الطريق لاحش حالي بالزاويه وعم حاول إنو ماتجي عيني بعين الشوفير

وكل شوي أدعي إنو مايفضحني ويقول هاد الشب مامعو يحاسب ومين بحب يحاسب عنو....

وقتها تمنيت الأرض تنشق وتيلعني

الله لا بدوقها لحدا

                        مع تحياتي

هادا ياستي كنت  أنا  وأمي بالسوق  وكان  أخي  موصيني على قميص على  كيفي (بيعرف أختو مزوءة  شو بدنا بالحكي)
المهم فتنا على محل  أواعي  رجالي  وإذ  بلاقي  قميص حلو  ومرتب كتير  وملبسينو للملوكان... قمت  مسكت طرف كمو  وقلتلها  لأمي "شوفي  هالقميص  حلو كتير" 
بقوم  ما بلاقيلك  إلا  هالملوكان عم  يقلي "مقدم" 
أنا رح تجيني الجلطة من  اللي  صار.. لأنو  طلع  هالملوكان  شب (كائن بشري) بس  واقف مع الملوكانات  وماعم يتحرك  ..  وعينكن تشوف  الألوان  اللي طلعت على  وشي ساعتها،  وحسيت  حرارتي وصلت للأربعين  وانا عم اعتذر من الزلمة وقلو والله آسفة مو قصدي  وهداك عم يضحك  ويقلي بسيطة مو مشكلة ومصدق حالو..

والله كان موقف لا أحسد عليه... ومن يومها.. التوووبة  إذا بفوت على محل  رجالي  بعد  هداك اليوم

السلام عليكم
انا اكتر ئصة صارت معي وتمنيت وئتها الأرض تنشق وتبلعني ....يومها كنت بالبرامكة وراجعة ع البيت وبتعرفو شو يعني برامكة  وعجئة وعالم ودنيا.... وكانت معي رفيقتي المهم كان في زلمة كبير بالعمر حاطط ميزان جنبو ....منظرو كان بدل انو شديد الفقر وزعلت عليه كتير فطلعت مصاري وعطيتو ومشيت ... وهون نادالي وقلي ياعمو الشغل مو عيب تعي خدي مصاريكي لان انا ئاعد عم اشتغل مو عم اشحد بس اذا بدك تزيني وزنك اتفضلي انا هون عن جد خجلت كتير وخصوصا انو كان في ناس حوليي وتمنيت الأرض مو بس تنشق وتبلعني والله تمنيت موت من كتر ما كان الموقف بخجل والأحلى من هيك رفيقتي وائفة عم تكر وتضحك علي هههههههههههههههههههه

يعني كل هذا صاير معاكم بغيابي هههه يعني والله بدها هل الضحكات الله عليكم يا جماعة تقولو عم شوف توم وجيري هههه

عنجد شي حلو وبيضحك وببكي 
وبصراحة ضحكت من قلبي
احكي شي صاير معي بس قديم شوي كنت بالصف 11
كنت فايتة على المشالح بملعب تنس مشان زبط حجابي والدنيا شوب وشوب كتير اي المهم كنت فايئة ورايئة وعلى كيف كيفكون  واخترعت غنية عن الشوب وبلشت هالطرب الاصيل وعلى فكرة صوتي مو حلو يعني موخرج غنى ابدا  فايت بستميت حيط المهم عم غني واتمئلس على هالشوب  (شوب شوب مو طبيعي مو طبيعي الشوب ...................) بس شو بنغمة غير شكل وصوت كمان غير شكل شغلة 5 دقايق يعني مو شوي وعم ارقص واضحك وحركات ؟؟؟  واذ بلقي باب تحرك بالمشلح ايوا تطلعت واز  زلمة عليه القدر والقيمة كبير بالعمر عم يصلي والقبلة مواجهي آآآآآآآم استحى ورد الباب بمعنى انو يا بنت استحي على حالك في حدا هون 
بساعتها   حمريت وخضريت واصفريت وششششششششششششو هالحساسية     وزتيت كل شي بئيدي وفركتها وعم ابكي وعم ابكي    
    بصراحة حسيت لو الارض تنشق وتبلعني بهديك اللحظة
                                                                           

لما رسبت ...

اتمنيت انو الارض تنشق و تبلعني ..

مع اني انسان ناجح دائما و ابدا .. بس انصدمت بالواقع ..

آه يا زمن .. همك كبيييييييير !!!


تحياتي ..

برج ايفل ... برج التحدي و الصموووود ..

يا ريت الارض ما بس انشقت وبلعتني لك يا ريتني متت بعد ما رحت بكل جرأه لعند اللي بحبها مت6 سنين و صارحتها بحبي لءلا وتئلي
والله انا بعتبرك متل اخي
لك آآآآآآآآآآآآآآآآآآآآآآخ من يومها

مرة كنت مع أهلي بالمسبح وبنهاية وقت السباحة بعد ما طلعو النسوان ما ضل غير وحدة فوتت أخي الصغير صف أول قلت بغيرلو تيابو جوا باعتبار صغير وما ضل حدا المهم لما فات بلشت هديك المرة تزعق وتبعق فيه قام صار بدو يهرب والنكتة أنو باب الخروج كان بيشبه باب المشالح وأخي من الخوف ركد عالطرف المعاكس يعني باب المشالح وهنيك شافو النسوان وبلشو عياط  وهو ما عاد يعرف من وين يطلع وقعد بالأرض وصار يبكي وأنا إذا بدي فوت أنقذو بدن النسوان بشرشحوني بس اضطريت وأكلت يلي فيه النصيب 
ومن هداك اليوم أخي مقرر ما يتجوز 

انا الحمد لله لهلأ

ما مريت بهك موئف الله يبعدني

و يحرمني من هيك مشهد

بس أول مارح أنحط بهيك موئف

رح أذكره بالتفصيل